بنات الامارات ..ساعدوني ارجوكم ابغي دكتور اعصاب شاطر

اختي الغالية رومانسيه

أسأل الله العظيم رب العرش العظيم ان يشفي اخوك وجميع مرضى المسلمين

اللهم امين

ان شاء الله الاخوات يساعدوك ويرسلوا لك الرد على الخاص

لك تحيتي

مشكوره اختي على ردج..

و انشالله يدلني البنات على دكتور شاطر

مرحبا رومانسيه ...

هاذي الحاله في اخويه وبصراحه قالوا المستشفى نفس الكلام .. واحنا كنا متاكدين انه مش صرع .. المهم هو تعالج في المانيا .. ويسمونه شحنات كهربائيه . بس بغيت اعرف شو صارله بالضبط قبل ما ما يطيح عليكم .. وكم عمره .. ومتى الوقت ؟؟؟ اريد تفصيل عن حالته يوم طاح عليكم وشو اللى من اعضاءه اتشنج .. ؟

الله يطمنكم عليه ..

اذا بغيتي اي استفسار طرشي على الخاص

مشكوره وايد وايد لانج عبريتني و رديتي علي.

اخوي الله يسلمج من فتره كان متعرض لحادث ..يته الضربه في الراس..استواله نزيف داخلي..

سووله عمليه و الحمدلله الله ستر و استوا بخير بس للاسف ما يقدر يمشي

الضربه كانت في الجهه اليمنى من المخ عشان جي اناثر الجانب الايسر من جسمه...يعني ما يقدر يحرك ايده و ريله..المشكله مب هني؟؟ هو سافر المانيا و انعالج علاج طبيعي..و الحين يكمل العلاج الطبيعي في البلاد

المشكله انه فجأه طاح و اتشنج علينا..و بصراحه مب عارفه شو اللي من اعضاءه اتشنج لاني ما اتحملت اشوفه

مستشفى راشد بدون اي شي شخصوا حالته على انها صرع..و عطوا دوا صرع..بس لين الحين ما خيلناه ياخذه...نحاول نشوفله دكتور شاطر في البلاد يعالجه..

الغاليه رومانسيه ...

انا اخوي صغير عمره 8 سنوات

في بوظبي قالوا عنده صرع بس كان شكله مش صرع فسفرناه المانيا

وقالوا انها شحنات كهربائيه .. وعطوه علاج بس الحمدالله هو بخير ..

وبصراحه انا ما انصحج ياخذ علاج الصرع لانه يضر الجسم ( تلف الكبد -

ويكسر كريات الدم ) يعني يضر ما ينفع .

بس احنا نصحونا قبل السفر بدكتور اسمه ( الدكتور الشيخ ) في

مستشفى الرحبه وانشالله يطمنكم عليه

مشكوره الغاليه على ردج عليا..

و هلي معارضين انه اخوي ياخذ علاج الصرع و هو ما فيه صرع..

و انشالله بنسير عند الدكتور اللي طريتيه لنا..و الله ييسر له انشالله..

مشكوره اختي و ما قصرتي و يزاج الله الف خير