والله وحشتوني - منتديات عروس

u

um_hamdaan

عروس متألقة

06-10-2004 | 08:28 AM

[ALIGN=RIGHT] السلام عليكم ورحمة الله وبركاته هلا خواتي اشحالكم والله اتولهت عليكم اسمحولي دوووم ادخل المنتدي بس للاسف يدوووب اقرا واطلع الوحام امتعبني اشوي بس الحمد لله علي كل حال .... المهم عندي استفسار بالنسبه لنوم الحامل انا اللحين تقريبا علي نهاية الشهر الثالث ولما انام وايد اتحرك يعني اشوي علي جنبي اليمين واشوي علي اليسار طول الليل وانا مب حاسه ابعمري فانشالله هالشي ما يأثر علي البيبي(الله يحفظلي اياه يا رب ) وعندي استفسار ثاني بالنسبه للافرازات الحين من يومين بعد ما اتشطف (عزكم الله)وانشف عمري اجوف افراز لونه بين الاصفر والاخضر بس بدون ريحه ومب لزج فمادري يبالي اسال الدكتوره عن هالشي ولا هذا شي طبيعي ....واسمحولس مره ثانيه وانشالله الله يرزق كل محروومه يارب بالذريه الصالحه ويحفظلي البيبي يا رب ويقر اعيوني انا وأبوه ابشوفته يا رب علي خير

ف

فوانيس

مشرفة سابقة

06-10-2004 | 11:46 AM

هلا الغالية أم حمدان:shy:

ما يوحشك غالي إن شاء الله(u)(a)

بالنسبة للنوم.. ما عليج شر ان شاء الله

نامي عادي :up:و بالطريقة اللي تريحج

اما الافرازات ضروري ترجعين الدكتورة لانها بداية إلتهاب او فطريات

و ما تشوفين شر ان شاء الله

و الله يقومج بالسلامة يا رب:smile:

b

bent^cute

عروس رائعة

06-10-2004 | 04:56 PM

تحيه وبعد...

حتى احنا اشتقنا لك مرررره.....

ما تشوفين شر يا حبيبتي وطمنينا عنك

س

سحر المودة

عروس مبدعة

06-10-2004 | 06:24 PM

[ALIGN=RIGHT]ما اتشوفين وحش في غالي يا رب ........ الف سلامه عليج يا ام حمدان و الله يسهل عليج واتقومين بالسلامه .

طمنينا عليج دايم :smile:

د

دمع الليل

عروس ماسية

06-10-2004 | 08:51 PM

السلام عليكم ورحمة الله وبركاته

انتي واحشتنا اكثر يا ام حمداااان ..

الله يقومج بالسلامة يا رب وتجوفين ولدج وتفرح عينج وعين ابوه بجوفته ..

وعسااااااااااااااااااااااانا يا رب نيي زفته وعرسه بعد سنين نبارك لج :cool2:

ونصيحة لج مني اذا جفتي الافرازات لها لون غيره الشفاف او الابيض .. اصفر غامض او بني او اخضر فاتح فعلى طول حاولي قد ما تقدرين تروحين للدكتورة ....

والله يطمن قلبج يا رب

في أمان الله
:shy:

ا

العاشقة الحزينة

عروس مشاركة

07-10-2004 | 03:25 AM

كاتب الرسالة الأصلية : دمع الليل
السلام عليكم ورحمة الله وبركاته

انتي واحشتنا اكثر يا ام حمداااان ..

الله يقومج بالسلامة يا رب وتجوفين ولدج وتفرح عينج وعين ابوه بجوفته ..

وعسااااااااااااااااااااااانا يا رب نيي زفته وعرسه بعد سنين نبارك لج :cool2:

ونصيحة لج مني اذا جفتي الافرازات لها لون غيره الشفاف او الابيض .. اصفر غامض او بني او اخضر فاتح فعلى طول حاولي قد ما تقدرين تروحين للدكتورة ....

والله يطمن قلبج يا رب

في أمان الله
:shy:

D

DarkStar

عروس ذهبية

07-10-2004 | 03:51 AM

حبيبتي
سلامات
ما اشوفي شر
عن النوووووووووووم اخذي راحتك يمين او يسار بس مب على ظهرك
لانة على قول الدكتورة يمنع الاكسجين للبيبي
بس عن الافرازات روحي على طووووووووووووووول لدكتورة
وان شاء الله ما فيك الا العافية
:smile:

u

um_hamdaan

عروس متألقة

10-10-2004 | 08:36 AM

شكرا خواتي علي ردودكم
أم هلول الله يباركلج ابحياتج وعقبال كل البنات انشالله يا رب ...

فوانيس الشر ما يج انشالله والحمد لله رحت للدكتوره وقالتلي عندج جفاف وعطتني مغذي والحمد لله رب العالمين علي كل حال يا رب ..

bent^cute شكرا حبيبتي وانشالله بأذن الله يرزقج انشالله الذريه الصالحه عاجلا وليس آجلا يا رب عليج بالدعاء وما بقولج انسي موضوع الحمل بس بقولج حاولي انج اتجددين اشوي يعني روحي الصالون اصبغي شعرج وقصيه مثلا وغيري استايلج اشوي واتحني كانج عرووووس وغيري اشوي في اثاث بيتج او غرفتج مثلا غيري كفر السرير حطي اشوية شموع
وخذيلج كمن قميص نوم يديد وعيشي شهر عسل يديد وصدقيني بتلاحظين بفرق اكبير علي نفسيتج ونفسيت ريلج وانشالله صدقيني بيصير الحمل وانتي مب حاسه ...بس عيشي هالشهر بدون ما تحطين فبالج يوم الاباضه ولا تترين الدوره خليها علي الله بس فكري في وناستج انتي وريلج والله كريم ....

سحر المودة الله يسلمج حبيبتي وجزاج الله الف خير
دمع الليل تسلميلي والله والله يحفظج وشكرا علي ردج اللي أكثر من رائع
العاشقة الحزينة جزاج الله الف خير

DarkStar الله يعافيج حبيبي والله يقر اعيونج انشالله ابشوفت اعيالج يا رب والله يسهل عليج يا رب واتقوميلنا بالسلامه انشالله

والحمد لله رب العالمين علي كل حال سرت أمس عند الدكتوره وكتبتلي علي مغذي لمدة ثلاثة ايام لانه طلع عندي جفاف حاد والحمد لله اني لحقت علي عمري والله ايسر امري يا رب ويحفظلي البوبو من كل شر يا رب قولو آمين