بنات الامارات شو محلات العبي اللي تنافس فير ليدي ألحين

السلام عليكم ورحمة الله وبركاته

أختي "the rose"

برأي الخاص .. محل سيدتي الجميلة ماشالله حلو و تشكيلاته راقية و أنيقه بس الاستايل هو هو ما بتغير
و أنا عن نفسي أشوف الاختيار الاول رووعه .. و خاصه انه تشكيلاته متجدده و حلووو ه.. و الشيل الساري عنده وااااااااايد حلوه و تثبت على الراس على خلاف سيدتي الجميلة

:down: بس المشكلة انه يقولون كل فرع من الاختيار الاول يفصل تشكيلات خاصه و غير عن الفورع الثانية .. هذا الي سمعته

بس تعرفين .. انتي فصلي عند الاحلى :D2

ان شالله أكون أفدج :o

مع التحية
ورد جــــــــــوري

مشكورة الغالية عالرد السريع.. مثل ماقلتي فير ليدي روعة بس الستايل ماله نفسه مايتغير..

ناوية أسير فيرست جويس ان شالله… وبشوف شو عنده لأني ماقد سرتله..

بنات

انتو مب شايفين انه في تنافس في الاسعار مب البضاعة


يعني البضاعة ما تكلف ربع السعر وانتو شو فو الفرق في التنزيلات يعني اينزلون لين ربع السعر وهم بعد مستفيدين



يعني الوحدة منا تتقي الله في هالتبذير

وشوفو كل ما فتح محل رخيص محد سوا له دعاية والمحلات الغالية دعايتها بالكوم


والله المستعان

السلام عليكم ورحمة الله وبركاته
انا ما انصحج تسيرين عند first choice
لانه البضاعه اللي عنده هي نفسها يقولج يديده عشان يمشيها
وبعدين اسعاره وايد خياليه :pain: يقولج الوقايه على 400
وهي ما تسوى 50 درهم :pain:
والله ما اجذب عليج مرة اخويه يابتلي من السعوديه طقم على 350
من first choice
وهو هنا ظاربنا في الاسعار
تخيلي يبيعها ب 1200 والله اني انصدمت :pain:
من هاك اليوم ما اتعامل وياه :down:

أنا اتعامل مع الاثنين و مع المتحجبة و العنود ..

بس مثل ما قلتن فير ليدي ضارب ضربته بالاسعار .. بس فيه ريال تتصلين فيه و يوصلج لين البيت .. يفصل لج شرات ما فير ليدي بالضبط و اسعاره ارخص بوايد توصل للثلث .. لانه عنده مصنع في عجمان ..

و الي ينافس فير ليدي .. موزان ( مع انه غالي و تحسينه للعرايس أكثر )

عذبة الروح

عطينا رقم الريال حبيبتي نبغي نفصل عنده بدل اللي طايحين فينا قص ....


تحياتي:
أحبــ أنــا ـــك

كل هذى المحلات ضاربين ضربتهم في الاسعار لانهم عارفيين ان البنات

راح يشترون لو شوماكان السعر وانتو عارفين الشيل والعبي الحين كل


اسبواع تشوفين شكل ونوع معين يعني اذا بتفصلين بالشي الفلاني حرام

خلي هذا المبلغ لكم عباه وشيله والله انا في الدوام وحده لبسه شليه

عليها ورده الكل في القسم سال عنها تخيلو انا في القسم 25 بنت تقولوا

الكل سال عنها تعرفون بكم 50 درهم بس في الشارجه , الحين صار مب

مهم اسم المحل الهم شكل ونوع الشيله والعباءه ..


بنت ديره
:smile:

مشكورات خواتي.. ويزاكم الله خير..

أختي lura صدقج انهم هم المستفيدين لاكن شو نسوي اللي يبقي يفصل واللي مايبقي لايفصل!!
وعن سالفة انه المحلات الغالية ليش نسيرها والرخيصة مانسيرها.. السالفة انه للمناسبات هم أحسن وطبعا الفينيشينج مالهم أحسن وأنظف.. والمحلات الرخيصة أغلبها مب مرتبة مع انه وايد محلات طلعت ألحين.. بس بعد الغالي والمرتب بالنسبة لي أحسن من الرخيص وشغلة مب حلو..

أم حميد.. صدقج ذابحينا بالأسعار بس شو نسوي لا مفرررررررر.. واذا تعرفين محلات ثانية بدبي خبريني لأني ان شالله هالاسبوع سايرة والله يعين..

عذبة الروح لو سمحتي عطيني رقم الريال.. بس لايكون اللي ببلسم.. ترى أنا جربت عندهم بس الفصوص قامن يطيحن ونوعية الشيلة الساري مب حلوة وايد يعني بسرعة تتجسف.. اذا اللي تقصدينه غير عطيني أسمه عالخاص.. ومشكورة مقدما..

بخبرج بنت ديرة على سالفة قريبة لسالفتج.. من فترة شفت شيلة كلها مطرزة وأختي بعد شافت وكلنا بخاطرنا من وين وشو أسم المحل اللي يسوي جذه.. صدفة أختي الكبيرة سايرة معرض.. وشرتلنا منها.. تدرين يوم رجعت والله تفاجأت وبقيت أبوسها بعد لأنه نفس اللي بخاطري.. قالتلي من المعرض على 100 وصدقت السالفة وعقب ماجربتها هي حلوة بس الفينيشينج مالها مب شي.. قلتلها عاد لازم أوديها لمحل عبي يعدلها وبعدين قالتلي انها بس ب 25 وخذتها عنه ب 20 اتخيلي ؟؟؟؟؟؟؟؟؟؟!!!!!!!!!!!!

بسم الله الرحمن الرحيم


اختي عذبة الروح :


ولو ما عليج كلافه الغاليه طرشي رقم الريال


مشكوره مقدما .

يسلمووو يا اختي على هالموضوع

وانا نفسج تعبت من ماي فير ليدي وخاطري اغير انا من فتره فصلت عبااه مسكره اسلاميه ي مرررررررررررتبه وراقيه واايد عند elite في جميرا بالم سترب بس اسعاره غاليه يعني هالعباه ب 450 وعنده اشياء حلوه بس يعني مب وايد هو خياطته للمسكره الاسلاميه حلوه ومرتبه

بس يا بناات جان عندكم خيارات قولولنا حتى انا ادور شي راقي ومرتب حق العيد

بناااااات سمعتوا عن محلات العبي اللي في عيمان ويقلدون ديزاينات اليت والجماعه ..

ابصراحه انا سمعت عنهم من صديقه ..

وسألتها عن المكان ( عباره عن مجمع عبي ) ووصفتلي اياه لكني ماادل عيمان

المهم قالتلي الاسعاار انزل بوايد من ELITE وماشابه ذلك


والخياطه مرتبه

انا هنيه :shy: لاني حبيت اخبركم وفي نفس الوقت تقولولنا اذا في وحده

جربت تفصل عندهم ولا لاااااااع

لاني مابا اسير واتعب واخر شي اشوف الشي مايسوى

ومشكورين سلفا

السلام عليكم ورحمة الله وبركاته
اللي تبى احلى الوقايات تفصل عند ناديه المدفع

شغلها مافي منه ومحد يروم يقلده واسعارها وايد حلوه
تخيلو انا مسويه عندها وقايه الكل سالني عنها حتى اللي ما اعرفهم
وكان فيها واايد شغل :up: :up:
توقعو بكم



250 درهم :up::up:
هي من الشارجه
:up:

أنا بصراحه أفصل عند غواني ..


عندهم تشكيلات وااااااااايد حلوه واحلى عن فير ليدي بمية مره .. عندهم كل ألي تبينه مناسبات حق طلعات حق الجامعه ..

والله شغلهم ما عليه كلام ..

الغالية سيدة مجتمع.. أنا مفصلة عندهم.. شوفي المحل أسمه بلسم وعالقول واحد كان عند فير ليدي وطلع واشتغل وياهم بس اللي شفتهم كلهم باكستانية.. المهم أنا خذت من عنده هنتين.. الساري تتقرفص بسرعة ومب عملية.. والجريب كم فص منها طاحن.. يعني صح الأسعار فرق بينهم لاكن ماعتقد اني برجع بسيرلهم مرة ثانية..


أم حميد انزين خبرينا وين مكانها أو كيف نسيرلها؟؟ يعني هي مصممة والا بالبيت؟؟


بسألكم حد فصل عند لارين.. دوم أشوفهم بالمجالات.. شغلهم مب حلو لاكن التوقيع وايد عايبني.. بس هالمرة بكل الأسرة حاطين ديزاين حلو اللي بالروز اذا شفتوه المهم خبروني حد جرب عنده والا لا؟؟


[ALIGN=RIGHT]وينكم بنااااااااااااااااااات دبي.. خبرونا بالمحلات الزينة للشيل وياريت المطرزة كلها.. أو القطع المشغولة كاملة..

the rose

:D2:D2:D2:D2 احس ستايلج شرات ستايلي انا بعد عايبني توقيع لارين
بس موديلاتهم والله انها شكلي بفصل عباه ساده عندهم حق الدواماات والظهرات العاديه

لحقونوا بالريال الي يفصل من عجمان وحد جربه

:clap:

أنا عن نفسي ما أفصل الا عند مشاعل الي في أبوظبي أو رمادا

أم حميد انزين خبرينا وين مكانها أو كيف نسيرلها؟؟ يعني هي مصممة والا بالبيت؟؟

خواتي غواني وين؟؟؟؟

وجزاكم الله خير
والسموحة