الحكة

لا أختي الحكة القوية ما تظر غير الأم لكن الطفل بإذن الله ما يصير له شي بس الأم تخدش بطنها نتيجة الحك وتوسع من الشقوق الخطوط تصبح ظاهره أكثر .

نصيحة كل ما بتحسي بالحكة لا تحكي ولكن طبطبي بإيدك بس بضغط خفيف لكن لا تستخدمي الأظافر أبدا

تعاشيق الحكة طبيعية تصير خاصة مع التشققات اللي تجي مع الحمل المهم حاولي تتحممين بماء فاتر وبدون صابون لا حسيتي فيها و لا تحكينها
عاشان ما يصير مكانها اسود استخدمي الكريمات الطبية وان شاء تخف

و لاتلبسين شئ فية مطاط حول البطن لأنة يزيدها

وبالنسبة للجنين لا تخافين :up:


بس ريحي بالك علشان ما تزيد من تفكيرك فيها (( نفسيا ))

واللة يقومك بالسلامة

شكرا لكم

ارتاح بالي الحين على الجنين :clap::clap:

يعطيكم العافية :up::up::smile::smile:

لين كنت بالثامن ما خليت ولا دكتور وما صرت زينة لغاية اني كنت احكك جسمي ببروش السشوار الخشن والسكين لأن جسمى انترس فيه بقع حمرةةةةةة واي كنت اكسر خاطر زوجي لغاية بالنهاية عطوني كريمات الكورتيزون والحمدالله راح مني ، بس الدكتور قال لي في كل حمل يصير لي يزيد عندي ،،،، عليج اختى بماي البحر شوي يهدأ الحكة .

حبيبتي ...الغالية بقولج نصيحة لا ولا ولا ولا تحكين بالمره بطنك لان المنظر بعدين بيكون بشع .....ادري كلمة بشع مب حلوه بس هذا اذا تبين نصيحتي لج كاخت.....


تخيلي بعد ما تربين تكون خطوط سود على هذي المنطقة بعدين ما تروح عنج.......من الحين عالجي الموضوع نصيحتي لج استخدمي الجلي مال بيبي جونسن في الحمام ...ولا تستخدمين الماي الحار على منطقة البطن لانه اتزيد الحكة ....بردي لج ماي ورشية على بطنج ....على الاقل 3 الى 4 مرات في اليوم و حطي زيت الزيتون بعد ...بس تراه ريحته ما تطلع من الثياب :pain:


حبيبتي هذا نصيحتي لج لانه مجربه الجلي وزيت الزيتون ....وخلي منطقة البطن دايم رطبه


مع محبتي اختك في الله

مشكورين خواتي

انا الحكة ذبحتني ولا استفدت من اي دواء

قمت احك بمفتاح الباب :down:

والحين الصراحة اتشوه بطني كللللللللللش:confused::confused:

وانا في الشهر التاسع استخدم الماي البارد وخلى فيه ثلج

واخلى علي زيت الزيتون

كل شئ سويته

المستشفى عطوني دواء اخذه بالليل حق انام :smile:

بس بغيت اسئل اذا في دواء بعد الولادة ارجع البطن الى طبيعته :up:

الله لا يراويك من كانت تزيد الحكة عندي بالليل تخيلي زوجي نائم وانا احك مع بروش السشوار (تقولين مدمنة) وبعدين زوجي يصحى واكسر خاطره ويودينى المستشفى بس لللأسف ما كانوا يعملوا لي شي والله حتى قالوا انهم لازم يولدوني بالثامن اذا ما راحت الحكة ، لغاية بالنهاية بعد صرفي على كل مستشفياتنا ، كنت ناسية آروح حق آخر دكتور للجلد عندنا هو دائماً دائماً دائماً زحمة عليه لأنه شاطر من رحت له دخلنى قبل المرضى وقال لهم عندي حالة مستعجلة مسكين لأني كنت حامل ويجلس عند المريضة ساعة الا ربع ويشرح لها كل شي.
بالنهاية خلط لي كريم الكورتيزون مع كريم ثاني وما اتذكر بعد شو عطاني سبحانة بين يوم وليلة انا صرت زينة ،،،،، بس قال لي اذا حملت مرة ثانية راح يصير فينى اكثر واكثر لأن نوعية جسمي جيذي ، وبالنسبة لبطنى تشوه من الزين حتى بعد الولادة كنت احاول أكثر الأوقات ان لين الجماع أغطي بطنى بقطعة قماش حلوة مغرية عشان زوجي ما يشمئز مني ، وبعد مرور 3 سنوات خف المكان ، مع العلم استعملت كل الكريمات و ما فاد شي.

نسيت اقول لك الكورتيزون خطر للحامل بس هو خلط لي مع كريمات ثانية عشان يخفف لي .

مشكوووووووووورة اختى وتسلمين

الله يعطينا العافية وياكم

وان شاء الله ارووح ذا الشئ:clap: