زواج الاماراتية من خليجي

السلام عليكم اختي
اول شي انصحج تصلين الاستخارة الامور هاذي لازم تستخيرين فيها
وانا وجهة نظري من ناحية ان عماني شو المانع اذا كان صاحب خلق ودين اما البعد عن الاهل فكلا الحالتين بتكونين بعيده بس طبعا واكيد بزورين اهلج امبين فتره والثانيه استخيري الله وتوكلي على الرحمن
:smile:
وبعدين نصيحه لاتخذين راي كل بنت اذا هي مرتاحه لو كانت متزوجه واحد من دولة خليجية ثانيه لأني هذا يعتمد على العلاقه اللي بتكون بينج وبينه وطريقة تعاملكم مع بعض ما يعتمد على تجارب الغير حبوبه
صح ان بعدني ما عرست بس حبيت اعطيج رايي
كيفي رزت فيس:D2:D2:D2


الله يوفقج وتصيبين بالاختيار بعد ماتصلين الاستخارة ويتمم عليج بالخير :smile:

ربي يسعدنا ويسعدج.. حبي ليش الحيره ..؟؟؟

انتي استخيري وشوفي .. ماخاب من دق باب الله سبحانه وصدقيني

انتي روحج بتعرفين.. بس لازم طبعا السؤال عن اخلاق الريال والتأكد منها..

وربي يجعل فيه الخير والصلاح...


تحيـــــاتي

*جــــوليت & رامبـــــــــو*

dalooo3ah
juliet&rambo

مشكورين حبايبي فديتكم بصلي استخارة مرة ثانية لاني صليتها اول مرة وما شفت او حسيت او اتخذت اي قرار

تسلمولي على اهتمامكم والرد:smile:

حبيبتي من استخار الله ما خاب والله يوفقج ،،

بس شو سالفتكم يالإماراتيات تاخذون وايد من عيال بلدنا وهنيه ماشالله منتشره سالفة زواج العمانيات من إماراتيين ،،، انا عن نفسي تقدملي واحد اماراتي بس ما صار نصيب .... تبادل تجاري اشوف :cool2:

ذات الخمار

أم هلول
اخواتي مشكورين على وقفتكم ويلي بس ما اخبي عليكم انه هالموضوع مسهرني الليل اخاف اخذ العماني وبعدين مع الايام اتحسف واقول ولد ديرتي مب كان احسنلي وبنفس الوقت اقدر ازور اهلي باى وقت او مثلا لا سمح الله اذا تهاوشنا ممكن اسير لاهلي ساعدوني شو رايكم بليز محتارة لازم ارد عليهم باسرع وقت ممكن:confused:

انا اشوف انج تفكرين لأنج بتبعدين عن اهلج وربعاتج ومجتمعج وكل اللي



حواليج ولو بتتصلين تلفون او بتزورينهم كل فترة بس غير يوم هم قراب منج



وخاصة ان بعد العرس بتضيجين من اليسه روحج لأني تقريبا لي زيارات



على بيت اميه في الأسبوع مرتين او ثلاثة ويوم يكون ريلي مشغول او



مسافر ........فكري عدل واستخيري ربج والله يوفقج .........

عروس دبي
شكرا حبيبتي على رايش انا ها
اللي خايفه منه وانتي دوختي
راسي اكثر مشكورة عيوني على اهتمامش(a)

السلاااااااااام عليكم ...

أختي اذا كان الاماراتي أخلاقه جيده فلا اتفرطين فيه ولد البلاد أحسن لج ..
انظري للموضوع لبعدين ... يعني للمستقبل

باجر اعيالج بياخذون الجواز العماني .. ولو عشتوا بالامارات راح تكون حياتكم أصعب من لو كانوا اعيالج يحملون الجنسيه الاماراتيه ...

أما اذا كنت بتعيشين في عمان هذا كلام ثاني ...

وأكرر لج ولد البلاد اولى من الغريب مع احترامي للعمانيين ...

صلي الاستخاره مره ومرتين وثلاث الين ترتاحين لواحد من الاثنينه ...

والله يوفقج يا ربي ...

أختي الغالية....... مبروك الخطوبة مقدمـا

انصحج أول شئ بالإستخاره ولا تستعجلين لأن هذا زواج مش لعبة يعني

إستخيري والله بيسرلج الخير في أي واحد منهم .

ثانيا : إنت إسإلي نفسج تقدرين على البعد وإلا لا لأن القرار بيدج.

والله يوفقج إنشاءالله

رايي نفس راي عجيبه

و إنتي فكري عدل و قرري

عجيبه ,moaz,Monaat_Elroo7
مشكورين حبيباتي على رايكم
:o

السلام عليكم ورحمة الله وبركاته

أختي الغالية (( zumurudagirl )) تقدم لج اثنين واحد من ديرتج وواحد

عماني طيب غاليتي

أولا انا احييج على صلاة الاستخارة ومع الاعضاء في هذا الشي وبعد .

خذي ورقة وقلم وحطي كل

( 1 ) مزايا المواطن وكل مزايا العماني

( 2 ) عيوب المواطن وعيوب العماني

( 3 ) الاحتمالات والصعوبات اللى راح تحصلينها في الاثنين

( 4 ) الحياة الاجتماعية في عمان والامارات هل راح تتحملين الفرق

( 5 ) الابناء ، البعد عن الاهل ، اهل المواطن وأهل العماني

( 6 ) المسكن وهي من الاساسيات يمكن في واحد يقدر يوفر مسكن

عكس الثاني والله اعلم .

وانا حبيبتي ابيج تكتبين آراء كل اللى حوليج سواء في المنتدى أو المحيط

من الاهل وشوفي الاكثر بس مو معناته انج تاخذين برأي الاغلبية حددي

أولوياتج الاساسية وبعدها الثانوية وحددي ...

والله يوفق كل فتاة مقبلة على الزواج زيبارك لها الرحمن ...


أختكـــــــــــــــــم العــــــــــــــــــــــــــتب ....

العتب
مشكورة اختي كلامش صحيح
راح احاول اسوي اللي قلتيلي

السلام عليكم ورحمة الله وبركاته

الله يوفقك أختي العزيزة و يهدّي بالك و يرشدك للخير إن شاء الله...

مثل ما قالوا الأخوات الفاضلات...إنتي بحاجة إنك تدرسي الموضوع كويس جدا..علشان ما ييجي عليكي لحظة بعدين تندمي فيها...

و طالما مستمرة على الإستخارة...ربك ما راح يضيعك أبدا إن شاء الله

و طمنينا عليكي أختي...

استخيري أختي الكريمة :up::up:

هلاتوووو عزيزاتي...

شووووفي اخلاق مواصفات اي واحد ترتاحيله اكثر وتوكلي على الله...
بس اذا بتعيشن طوول حياتج في عمان فا خذي عماني اما اذا خذتي عماني وسكنتي في الامارات الصراحه بضيعين مستقبلج او مستقبل عيالج لان بلادنا كلشي صار بفلوووس وخاصة للوافدين ومجلس التعاون...وخاصه المستشفياااات...والمدارس ..والجامعات..

انا اشوووف ولد البلاد يفهم بنت بلاده اكثر..:shy:

مثل ماقالو الخوات صلي استخارة واللي ربج كاتبنه راح يصير

وانتي بعد شوفي مزايا كل واحد منهم من الناحية الدينيه والاخلاقية

ترى اذا كان انسان عارف ربه راح يحطج على راسه

اهم شئ اختاري الشخص المناسب وقارني بين كل واحد فيهم

شوفي من اللي مواظب على صلاته طبعا انتي اسالي حد من اهلج

والله يوفقج

السلام عليكم ورحمة الله وبركاته

عيوني ماقدر أقولك غير أستخيري الله وبالله المستعان

وبأذن الله مراح يكون غير الي فيه خير لك

والله يتمم لك على خير وسعاده

ولكم مني كل التقدير والأحترام


مملكـــة القلوب

استخيري وان شاء الله خير