جيبلكو عجينةعيش من جمالو حتكلوا حاف وكمان محشى فاهيتا

السلام عليكم ورحمة الله وبركاته


ساندوتشات الفاهيتا
العيش لما تجربوا أبو الشباب مش حيرضى يشترى لكم عيش فينو وحيطلب ده وكمان الأولاد أنا جارتى عجبها وعملتوا عجب جوزها وكمان لما حشت الساندوتشات للعيال منه أكلوا الساندوتشات فى المدرسة ولما تانى يوم حشت ليهم الفينو رجعوا الساندوتشات والله هذا حصل :smile::
العيش
3 كوب دقيق
3 ملاعق لبن بودرة
ملعقة خميرة فورية
ملعقة سكر
ذرة ملح
كوب ماء
يتم عجن العجين وندهن أيدينا زيت ونكور العجين بين كفينا ونتركها تخمر ثم نفردها على الرخامة وندهن النشابة بالزيت ونفرد العجين بس يكون سميك نوعا ما ونأتى بكأس الجلى ونقطع العجين دوائر(شبه ساندوتشات الفول والفلافل المدورة) وتقلى فى زيت على النار بعد ما الزيت يقدح نوطى النار شوية؛( يعنى تكون وسط تميل للهدوء ) ونقلى العجين وبعدما ننتهى من القلى يشق بالسكين مكان للحشو(وعلى فكرة لايشرب زيت كتير وكمان لما كل رغيف يتقلى نحطه بين ورقة مناديل مطبخ ونضغط بشويش عشان المناديل تشرب الزيت وبعدين بحط الرغيف فى صينية أو حلة وتكون فى قعرها ورق فلوسكاب عشان زيادة أحتياط لو فيه قليل جدا من الزيت وطبعا نغطيها بكيس أوقماشة المهم الحلة أو الصينية تكون محكمة الغلق عشان لا ينشف العيش ولما ننتهى من القلى تشق وتحشى حسب الرغبة.

الفاهيتا( التونة أو السجق)
أنا بجيب التونة أصفى زيتها فى طاسة وأضع بصل مبشور وأشوحه شوية ثم طماطم مكعبات وفلفل أخضر حار وزيتون حلقات وبعدما يستوا أضع التونة ومبشور جبن رومى ثم تقلبتين أغلق النار وأضيف ملعقةكبيرة مايونيز وملعقةصغيرة مستردة وملعقة كبيرةكاتشاب وأقلب وهم هم هم ودمتم
العيش منقول وأعتقد لأخت بأحد المنتديات والله ما فكرة من هنا أو هناك أما الفاهيتا من عندى.
أختكم بثين(u).