العذر والسموحه..((نعم خنتك))؟؟

[CELL=filter:;][ALIGN=center]أماتعالي بادلي فيني إحساس
ولابعدي عني كفى ماجرالي
قمت اتباها فيك من بدة الناس
وقمت أتخيل فيك طبع الليالي
أماتعالي وابعدي عني الياس
وإلااتركيني سارح في خيالي
------------
نعم خنتك ولاصنتك ولاأدري بعد وش صار
انامااذكر سوى ليلة جرحني الشوق بهدابي
نعم أركض ورى كذبك واجاري لعبة الاقدار
سألتك بالذي سواك وش اللي صار فغيابي؟
------------
إكتبيني نقطيني شكليني وانطقيني
اسمي لامر الشفايف اسمعه جمله مفيده
إسمك انتي من نطقته صافحت عينك يميني
عاشت الاسامي..ماتت..ياهلافرصه سعيده
------------
أنا هذا الجنون اللي تعب عقلك وهو يقراه
انا هذا الشتات اللي عجزتي لاتلمينه
تعبت أسمعك صمتي تعبت اعلمك معناه
صداه استعمر ظنونك علامك ماتردينه؟
------------
شكواي لله والوعد بالمقابيـل
لاخـان بك وقتك وسود الليالي
لادارت ايامك وذقت الغرابيـل
اذكـر ليالي عهدنا والوصالي
------------
يامبعد عن دنيتـي وين دنياك
طولت بالغيبه على من يودك
تدري احبك والغلا ماتعداك
قلي متى درب المحبه يردك
------------
معدمـ وفي عيني غنى كل الاعراب
وراس مالي حلم والحظ غايب
ماهنت للشكوى ولي قلب ماهاب
من رحلتي لكن من الوجد ذايب
جيتك وانا يامشرق الشمس طلاب
الثار لعيون بها الوجـد ذايب
------------
غطي عيونك ونامي واحلمي فيني
وانا علي ارسم احلامي على اهدابك
وتصبحي يابعد عيني على عيني
تلقينني واقف بقلبي على بابك
انا احبك وابيك اكثر تحبيني
والعمرماعاد يحلى عمري إلابك
------------
انا وحبك والجروح اجتمعنا
نسأل طيوفك علها جابت اخبار
عنك نبي نرضي مشاعر ولعنا
اللي تبيع لعينك اقلوب واعمار
رحنا من البارح ولاله رجعنا
وجينا نعرف ان الزمن حيييل غدار
------------
اليوم بنهي غرامك قبل ينهيني
ولع لهب من قدمك لمنتهى راسك
بيديني أعطي بعض ماكنت تعطيني
وأهز جدران عمرك من ردا ساسك
ملعونة رحمتي وانت أمس ناسيني
اشرب عذاب الندم يوم امتلى كاسك!
------------
آمر..تدلل..سم..لبيه..لبيه ..فدوى
عيونك ياعيوني وذاتي..اطلب وانااللي حالف
مااسألك ليه..ليه اسألك لاصار بيدك حياتي!
------------
وقفي عندي كلام
صاح في قلبي الغرام
ليه خطواتك عجوله..اسمعي شي بقوله
لوثواني في عيونك
اتركي عيني تنام
وبعدها قولي سلام!
------------
قبل مااذكر مابقى من امنياتي
كان مفروض اني انسى في البدايه
انك انتي كل الارقام بحياتي
من رقم واحد إلى مالانهايـه
------------
امسح دموع الندم باطراف منديلك
عش مابقالك مثل ماعشت مجروحي
لاتعتذرلي ولاتتعب مراسيلك
يكفيني اللي حصل مانته بمسموحي!
------------
أحتجت لك في ضيقتي مالقيتك
وقضيت ليلي بين همي وفرقاك
واليوم جاي تقول لي هاااه جيتك
وش فايدة اني لارقت بلقاك!
------------
بيني وبينك ماتفيد المراسيل
ولايبرر غاية الحب مرسال
اما حيا عمر الهوى بالمواصيل
ولاتفارقنا وليل الشقا طال!
------------
ادوس قلبي لين يصبر على النوح
واحاول ادله ماحمل منك ضيقه
اهوّن علي اعيش جسم بلاروح
ولاخضوعي في يدينك دقيقه!
------------
قلبي على كل المخاليق مغليـــك
مايكــفي التعبير لو قلت غالي..
غالي ولك من المعزه وفاء وتقدير..
والله إني على شوفتك شفق ولا جالي
أداري الوقت وأقول الله يخليك..
ويسعد زمان إنت لي فيه راس مالي...

أتمنى تعجبكم

تقبلو خااااااااااالص شكري وتقديري

أختكم هنو[/CELL]