بقي أسبوع..فماذا أفعل؟؟؟

س

سندريلا المشاكسه

عروس نشيطة

30-09-2002 | 10:22 AM

(l) اعزائي واحبتي .. بلييز لا تسيبوني .. الله يخليكم ساعدوني ... الاسبوع القادم سابع ابنة اختي وعمرها ثلاثة شهور ولديها طفل عمره ثلاث سنين واريد منكم افكار جميله للطفلين كزفه لهما او اغنيه اضعها بطريقه جميله وفكره غريبه لهما او اي حركه جديده ومميزه لسوابع الاطفاال ... ارجوكم لا تبخلوا على فقد تعبت من التفكير ولم يتبقى سوى اسبوع او يزيد قليلا" ... ورجاء خاص لمشرفي ركن الدردشه ان لا ينقلوا الموضوع لان هذا الركن يجمع اكثر اعضاء المنتدى وانا اريد افكاار بسرعه .. واسفه جدا اديب وعروس قديمه ولكن المحتاج يركب الصعب(l) (l)

ا

الكاسر

العضوية الماسية

30-09-2002 | 03:27 PM

السلام عليكم

انا ما أعرف ... لكن اظن عبو البيت بلالين وفقعوها ....

على سالفة خللوه ...

لكن والله ياللي ما يعطيك افكار ... لا هبل به.

واللي يعطيك ... علي وعد ... ان كان يبغى .. انطط في مشاركاته ...
ما عدا مشاركات النسوان ...

ولو ان عندي سؤال لهن .. عن السواد اللي يجي حول العيون .. كيف يتعاملن معه ... لكن ... من يوم اشوف تجمعهن اغمض ...

بنت اختي هبلت بي.. تبي تعرف.

ب

بنت السعودية

مشرفة سابقة

30-09-2002 | 05:44 PM

حبيبتي القلب الكبير

ان الحين ماعندي بس بفكر واسال البنات

وارد لك باذن الله

ومبرووووووووووووك ماجاكم

أ

أميرة البجع

مشرفة سابقة

30-09-2002 | 07:49 PM

أختي العزيزة...القلب الكبير

عندي فكرة حلوة....شو رايج تشترين بالونات وأتحطين داخلها

حلويات أو ألعاب صغيرة....لما تنفجر البالونه بيتفاجأ باللعبة والحلويات..

كذلك تتفقين أنتي وكمن وحدة من خواتج أو قريباتج تلبسون

لبس قريب من لبس الأطفال....و شكل كشكل الأطفال وتنشدون

نشيدة جماعية....بيعطي جو مرح وحلو..

كذلك الى جانب الأكل اللي بيكون موجود في الحفلة أعملي كيكتين

أكتبي فوق كل وحدة اسم الطفل والطفلة...مع كلمة حلوة..

انا عندي كذلك فكرة حلوة للأطفال اللي بيكونون موجودين في الحفلة

شو رايج تشترين هدايا متنوعة وتناسب الأطفال وما تكون غالية

وأتغلفينها بغلاف يجذب الأطفال...وفاجئيهم في الحفلة بيفرحون وايد..

ولعبيهم لعبة الهدية المخفية وفكرة هاللعبة انج أتجهزين هدية

مغلفة بأكثر من عشر أغلفة و اتخلين الأطفال يجلسون حلقة

وتطلبين من شخص خارج اللعبة ينشد نشيدة أطفال وأتمر

الهدية بينهم ولما يسكت الشخص اللي ينشد تطلبين من الطفل

يفتح الهدية طبعا بيفتح الغلاف الأول....وتتكرر الطريقة الى أن تصل

الهدية الى الطفل المحظوظ اللي بيفتح الغلاف الأخير..

أختي....بفكر بأفكار ثانية....وان شاء الله بقولج..

في أمان الله..

ع

عروس قديمه

مشرفة سابقة

30-09-2002 | 08:56 PM

عندي فكره...

صندوق المفاجآت....تضعين فيها مسابقات....او حاول مره اخرى....او مبروك...ربحت الجائزه...او يكون فيها طلبات مضحكه...للأطفال...

مسابقات حركيه....مثل تفجير البالونات ليحصلوا على الهدايا التي بداخلها...او الاوامر...
او انك تطلبين شي..واسرع طفل يجلب لك هالشيء هو الفائز....لعبة الكراسي...الرقص الجماعي...

مسابقات مائيه لو كانت في الحديقة المنزليه,,,

وممكن تشركين بعد اولياء الامور...بأسئله دينيه...او احلى طبخه..بحيث كل ام مثلا تجلب معها اكل من البيت....او اسرع سندويش...

لو بغيتي افكار زياده انا تحت امرك

ا

الكاسر

العضوية الماسية

30-09-2002 | 09:23 PM

ماشاء الله النشامى جو ... وين البقيه

إلا تبي أفكار زياده ..

شغلي مخك زياده وسمعينا ..

نبي نحطم الرقم القياسي .. حق مواضيع عطر الحب.

يالله الهمه ....

اليهال لازم يستانسون ...

ه

هتان الندى

عروس مبدعة

01-10-2002 | 12:07 AM

مرحبا اختي العزيزه القلب الكبير

هذا موقع حلو مررررررررررررره يعجبني

وطبقة كل اللي فيه وخاصه الافكار الرومنسيه :p

يارب يعجبكم 0000000www.fekraonline.com

واسمه فكره اون لاين

وشكرا[gl]انا متاكده انه راح يعجبك[/gl]

ا

الكاسر

العضوية الماسية

01-10-2002 | 12:36 AM

[c] السلاااام عليكم

لقيت الضايعه .. وجبت الكنز

هذا عنوان أفكاره خلابه

خلابه

حتى للزوجات

لا يفوتكم مررررره

http://go.3roos.com/XQNWXbG9M2D

بس لا تنسون تدعون لي

ياني تعبت تعب

[/c]

ه

هتان الندى

عروس مبدعة

01-10-2002 | 05:54 AM

:s

س

سندريلا المشاكسه

عروس نشيطة

01-10-2002 | 10:20 AM

(l) اخي الكاسر ..دمك شربات .. ضحكتني وانا طفشاانه ...:D .. اما عن السواد اللي تسال عنه بنت اختك:cool: فالحل هو ان تحضر { مو انت بنت اختك } خمس اوراق نعناع طازجه ويدق مع قليل من الماء ويمزج مع ملعقة زيت لوز كبيره ونصف ملعقة كبيره عسل وتضع مسحه خفيفه منه تحت العين قبل النوم والنتيجه مضمونه مع المداومه .. ;) (l) حبيبتي بنت البلد الغالي انا بإنتظارك بس لا تتأخري عليه:confused: ... شكرا" هتان موقع مره حلو والافكار الرومانسيه روعه راح ابدا اسويها وجزاك الله الف خير ...(l) ...اميرة البجع .. تسلميلي على افكارك الروعه والله لا يحرمني منك..(l) عروس قديمه مشكوره مشكوره على ذوقك وافكارك اللي عجبتني وخاصه لعبة الكراسي والطلبات المضحكه فكره رووعه مررررررره وإذا بعد عندك يا ليت تزيديني... الكاسر يا كاسر معليش تعبناك شكرا" مره ثانيه(l)

ا

اديب

عروس ماسية

01-10-2002 | 10:33 PM

@ اختى الكريمه القلب الكبير

مع ان هذا الموضوع وباقرار منك

واعتراف بانه لا يختص يركن الدردشه

ولكن لنشاطك في المنتدى ولقوة مشاركاتك وفاعليتك

وتقديرا لجهودك

فسيتم بقاء الموضوع هنا

وشكرا

مشرف ركن الاستقبال والدردشه

اديب

س

سندريلا المشاكسه

عروس نشيطة

02-10-2002 | 04:34 AM

[moveup]اخ اديب والله خجلتني بلطفك وطيبك شكرا"[/moveup]

ع

عروس قديمه

مشرفة سابقة

02-10-2002 | 10:10 AM

انا عندي فكره....
لو عندكم شخص موهوب شوي....في الرسم...حتى لو مب موهوب....ممكن يرسم على وجوه الاطفال..مثل ما يسون في المهرجانات....

طبعا لا تنسون التوزيع...اللي تكون مثلا اشرطه عن التربيه...او حلويات مع الدعاء للوليد...

ب

بنت السعودية

مشرفة سابقة

02-10-2002 | 10:09 PM

اختي العزيزة

تعرفين قطعة ثلاتعش الاطفال مرة يحبونهم

فلو انك تقومين بتلبيس الاطفال بملابسهم البنت فروحة

والولد ابو قحفية ولهم شريط مخصص للاطفال

وتسون الديكور بسيط وبه العاب لنفس شخصيات قطقة 13

بتطلع فكرة مجنونة والاطفال بيحبونها

والفكرة الثانية

انه يكون الحفل تنكري للاطفال

وكل ام تلبس طفلها لبس تنكري لاي شخصية

واتمنى اكون توفقت في الرد

ا

الكاسر

العضوية الماسية

02-10-2002 | 10:22 PM

السلاااااام عليكم

والله ما قصرتي ياعروس قديمه ..

ولا ننسى النشميه الرابعه بنت السعوديه....

شوفي الرابط اللي قلت عليه أول إش فيه من أفكار حلوه .. هذي وحده منها للمتزوجات .. اللي يبون يتميزون..

قومي برسم او حتى طباعة العديد من القبلات ثم قصيها ووزعيها من بداية ما يدخل زوجك البيت حتى يصل الى اي مكان تريدين و عند نهاية اخر قبلة تضعين ورقة مكتوب عليها....

أقبل الارض التي تمشي عليها

:cool: