الي عندها حل للسولليت تساعدني

ليش محد رد عليه لين احينه :confused:

والله ما اظن انه الكريمات تنفع بس انت جربي

كريمات من ماركة شيسدو

وكلارنس


ويقولون انه السباحه ممتازة جدا في شد وتنسيق الجسم


والله اعلم

:smile: سوي تقشير كيمائى عند دكتور امراض جلدية راح يطلع لج جلد جديد واللون موحد بعد هذا بعد تجربتى:o

عزيزتي سهور شو يعني تقشير كميائي وبعدين يكلف وانتي سويتيه ونفعج ....عن كانت النتيجه ملحوضه وااايد ولا عالخفيف لاني ابا شي ينهي هالمشكلة نهائياً:confused:

اهيلن اختي ..

اتمنى لو تعطيني البنت الحل .. كان اعطيها اللي تبي ..

بس انشالله ها الاسبوع رايحه الطبيب لان احس طالع اليييي

كل ماجاه يكثر .. ماكان فيني كذاا ..

حاليا استخدم كريم اسمه فيد اوت .. انشالله ينفع ..

تحياتي ..

:confused::confused:يا ليت فيه حل
وياريت أختي تعطيني تفاصيل التقشير الكميائي

السلام عليكم ورحمة الله وبركاته

تحياتى الى الجميع،،

انا سويت التقشير الكيمائى عندة دكتور امراض جلدية وحسيت فية فرق 60% عن السابق واعتقد هذى نسبة وايد زينة ؟

التقشير هذا مادة يخلطها الدكتور وتوضع على المكان المراد تقشيرة تحسى بوخز شوية وبعد كذا تظلى تقريبا 5 ايام الى ما تشوفى الجلد القديم يتقشر ويصر لون الجلد الجديد روعة وتحطى علية زيت فية فيتامين a علشان يغذى المنطقة.

اتمنى اكون وصلت المعلومات عن التقشير

يارب المشرفات على المنتدى ما يزعلون منى لانى والله ما اسوى داعية ولا شئ بس هذا من واقع تجربتى انا وضحتها هنا:o

هذه الوصفة لبياض ونعومه ولمعان الجسم وهي مقشر ومفيد لحالات السيلولايت...
مكوناتها:
عصير ليمونه+ 2ملعقه كبيرة زيت زيتون+ 2ملعقه كبيرة زبادي+ 3ملاعق كبيرة زيت اللوز..
الطريقه: تخلط جميعاوتوزع على كامل الجسم وتترك لمدة ساعه.. وبعدها افركي جسمك باليد وستظهر الخلايا الميته واذا كانت بشرة جسمك جافه ضعي من نفس الخلطه مره ثانيه واتركيها ربع ساعه وافركي مره ثانيه وبعدها خذي دش دافيءثم بارد..

:cool2::cool2::cool2:

منقول

يا ليت ألقى حل !!!
بس أظن هالسلوليت ينولد معنا

سألت عن المقشر الكميائي وقالولي انه مكلف اشويه

والخلطات البسيطة ماتعلج السيولليت خصة في حالتي
لاني اعاني منه بكثره...واستخدمت كريم بس مالاحظت اي اختلاف
واذا على الرياضة مافي حد مثلي يسوي رياضة بس ماشي فايدة :confused:
وحبيت اسئل كريم فيداوت مفيد ولا يعني ممكن اجربه ؟؟

ومشكورات على المساعدة والرد:clap:

تمارين اليوغا التي تعمل على مد العضلات تساعد كثيرا في تحسين السليوليت .. والمساج الدوري مفيد جدا .. وفي بعص المراكز التي تستخدم المساج باليد مع المساج بالجهزة الكهربائية التي لها خصائص معينة

ونصيحة من أخت .. تعاني مثلك .. تقبلي شكلك كذا ولا توجعي رأسك وقلبك .. يمكن يتحسن شكله ولكن من الصعب جدا أن يزول نهائيا .. وتذكري أنك لست الوحيدة التي تعانين منها .. بل الملايين وربما أكثر.

غريبة انة مكلف عندكم بصراحة عندنا فى البحرين الاسعار مناسبة ترى

:pain::pain:اختى جد شى مقزز السولليت لمن اشوف جسمى جذى اتعقد


جد شى صعب تقبله واالا زواج ابدا مايحبون بعد يلاحظون

شوفي حبيبتي انا مثلك اعاني منها من زمان مع اني اول كنت نحيفه حيل بس هي على طبيعه الجسم وكنت راضيه وعادي مع الحرص اني مألبس الملابس الي توضحه بس انا من شهر تقريبا وأنا اعمل نظام قريت عنه الي هو تقشير وترطيب بشكل يومي وماراح تحسين بالفرق الا مع الرياضه وابي اسألك انتي تسوين الرياضه بنادي ولآ باالبيت لأ نه يفرق انا كنت اسويه بالبيت بس ماكان ذاك الفرق الحين تغير 70% ملمس وشكل خذيه نصيحه من مجرب 00:shy:

السلام عليكم ورحمة الله وبركاته
أختي "حرمه "

كما سبق و ذكرتي فالسليوليت هو عبارة عن تراكم الشحوم تحت الجلد وخاصة لدى النساء،
فإليك أختي هذة النصائح:
- اعتمدى على طريقة الطهى بالشواء وليس القلي .
- تناولى الخبز الأسمر " المحتوى على النخالة " بدلاً من الأبيض .
- تناولى من 8 -10 أكواب من المياه يومياً .
- تناولى الأطعمة المضادة للأكسدة كالخضراوات والفواكهة مثل الشمام والعنب والأناناس .

:shy:
وعلى فكرة أختي .. اذا انتي وايد متضررة من السليوليت .. في مركز تجميلي في الامارات عندهم اله لتخفيف السليوليت على جلسات و الجلسه اعتقد ب 200 درهم أو أقل .. و على حسب كثرة السليوليت تحسم عدد الجلسات .. المركز اسمه كوزمسرج و الموقع في الاسفل .. و الخدمة اسمها LPG M6 للسيليوليت

[WEB]http://www.cosmesurge.com/arabic/index.htm[/WEB]

إن شالله أكون أفدك :smile:


مع التحية
ورد جــــــــــــوري :z_bye:

مافى عندنا فى البحرين بجد مجهود فى اعطاء المعلومات مشكورة وجعلها فى ميزان حسناتك