مواعيد المستشفى - منتديات عروس

ل

ليل و نهار

عروس متألقة

20-09-2004 | 12:01 PM

السلام عليكم ورحمة الله وبركاته

غاليتي...عندي موعد في مستشفى الوصل للسونار بتاريخ 16/10 يعني راح يكون في رمضان مبارك عليكم الشهر الكريم...في اللي اريد اعرفه شلون سونار وهم كاتبين ان لازم اشرب ماي قبلها بساعه...لان صراحه ما اريد افطر في رمضان ؟؟؟؟؟

اناخذت الموعد وبعدين اذكرت انه في رمضان؟؟ فاتمنى من البنات يقولو شو سووا يوم كان عندهم موعد للسونار في رمضان و خصوصا المستشفيات لان لازم شرب الماي...:down:

وسؤال ثاني ادري مصختها....
انا اعتبر في اي اسبوع...آخر دوره كانت في 25/5/2004
والدكتوره اتقولي كل 2 من الشهر تدخلين شهر جديد..بس بالاسابيع يطلع اكثر..يعني انا الحين في الاسبوع 16+ حسب المواقع الطبيه؟؟؟

جزاكم الله الف خير.....

:shy:

م

مرموم

نائبة المشرفة العامة

20-09-2004 | 12:15 PM

السلام عليكم ورحمة الله وبركاته

أهلا بك أختي ليل و نهار...

بصراحة سؤالك في محله...يا ريت اللي مروا بالتجربة يقدروا يفيدوكي...

بالنسبة لحساباتك...

حسابات الشهور تختلف عن حسابات الأسابيع...يعني مش شرط كل 4 أسابيع تدخلي شهر جديد...لأنه تمر عليكي شهور 31 يوم...لذلك...راح يكون في فرق...

بالنسبة لحساب الشهور...

ميعاد ولادتك إن شاء الله في 1 مارس 2005...

هذا معناه إنه كل يوم 1 في الشهر تدخلي شهر جديد...

بالنسبة لحساب الأسابيع...

إنتي كل يوم ثلاثاء تدخلي أسبوع جديد...يوم الثلاثاء 14 سبتمبر دخلتي الأسبوع ال 16...و يوم الثلاثاء 21 سبتمبر تدخلي الأسبوع ال 17 إن شاء الله...و هكذا...

مر من حملك 16 أسبوع و باقي لك 24 أسبوع إن شاء الله...

و أي سؤال أنا حاضرة...الله يتمم لك على خير إن شاء الله...

ب

بشاير

مشرفة سابقة

20-09-2004 | 05:08 PM

الهدف من شرب الماي قبل التصوير .. هو تعبأه المثارنه بالبول ( الله يعزكم ويعز القراء والسامعين) ..

فإذا كان الموعد صباحا.. فما أعتقد في ضرر إنج تشربين الماي في فتره السحور .. بشرط إنك ما تفرغين المثانه حتى موعد الصوره ..

وعلى حسب معلوماتي .. شرب الماي قبل التصوير .. لوضوح الصوره في الثلاثه الأشهر الأولى لآن الجنين يكون صغير .. أما بعد ذاك .. ما أعتقد في ضرر إذا ما شربتي .. لأن الجنين يكون واضح ..

ف

فوانيس

مشرفة سابقة

20-09-2004 | 05:14 PM

:clap::clap::clap:مرموم و بشاير
بارك الله فيكم وما قصرتوا

ل

ليل و نهار

عروس متألقة

20-09-2004 | 11:55 PM

مساء الخير...............

اختي مرموم جزاك الله الف خير.....انت صراحه:up: ما شاء الله عليك...ومشكوره مره ثانيه

اختي بشاير مشكوره و جزاك الله الف خير...اظاهر بسوي نفس ما قلتي...وانا بدخل ان شاء الله من باجر ااشهر الخامس عني ان شاء الله يوضح لهم....

اختي فوانيس....:shy: وبارك الله فيك.....