لكل من ترضع طفلها حليبا صناعيا ... وتطعمه أكلا صناعيا...

هلا اخوي عاشق القطط
مب شرط يكون هالكلام صحيح
انا بعد من المؤيدين للرضاعه الطبيعيه
لكن للضروره احكام
وبالنسبه للنقطه اللي تقول ان الرضاعه تخفض نسبة البدانه لاسيما لو كانت الرضاعه فوق ال6 شهور
صراحه هالكلام ممكن يكون صح وممكن يكون غلط
لاني اعرف امهات يرضعون اولادهم فوق السنه ولكن اولادهم ماشاء الله فيهم بدانه واضحه
وفي ناس مايرضعون اولادهم رضاعه طبيعيه الا 3شهور وتشوف الاولاد ضعاف
وفي امهات يرضعون اولادهم رضاعه صناعيه منهم اللي فيه بدانه ومنهم ضعيف
يعني الرضاعه سوى كانت طبيعيه او صناعيه ماتاثر على جسم الولد ابدا
ومن ناحية البدانه فالاكثريه تعود للوراثه


واسمحلي على معلوماتي البسيطه
ولك مني جزيل الشكر

صحيح كلامج اخت ملاذ

ولكن اعتقد هذي دراسة تعتمد عالمدى البعيد
يعني لما يكبر الطفل ويصير مراهق ويمكن اكبر
وكذلك انا قريت بحث طبي أثبت انه فيه علاقة بين مرض السكري وإضافة الحليب البقري للأطفال في سن الرضاعة الطبيعية

شكرا على مرورج وردج المتعوب عليه

:up: مشكور اخوي عاشق القطط على هالموضوع بس اسمح لي رأيي من رأي الاخت ملاذ صح ان الرضاعه الطبيعيه مهمه وضروريه بالنسبه للام وللطفل وهذا لايختلف عليه اثنان بس عاد وش تسوي الحرمه الي حليبها قليل والا مافيها بالمره طبيعة جسمها كذا والحمدلله انه فيه بديل صناعي بدل اول ترضعه حرمه ثانيه وتمر الايام وينسون ويتزوج اخته (من الرضاعه)واذا اكتشفوا عاد لازم يتفرقون لان مايجوز اخته من الرضاعه والله انها صايره وناس اعرفهم
السموحه
في امان الله :up:

صح هاي الكلام

ولكن صدقني مب كل بحث صحيح

اوكي خل نرجع لوره شوي ايام ابوي وابوك وجدي وجدك

من ناحيتي عندك جدتي رضعت ابوي سنتين ماشاء الله والحين ابوي كبر الله يخليه لنا وصاده السكري

شفت البحوث مب دايما صادقه صدقني
لان حريم اول كانوا احسن من امهات الحين صراحه كل شئ طبيعي لكن لو فكرت شوي راح تشوف ان الكثريه منهم صادهم السكري
صح ولا لاء

وانا مب معنى كلامي اني مب معاك انه الرضاعه الطبيعيه مفيده لا بالعكس انا معاك ميه بالميه لاني انا مع اعيالي احب ارضعهم رضاعه طبيعيه فوق السنه
واهم شئ انهم بصحتهم وعافيتهم

وانا اشكرك كل الشكر

حياج الله
sarona10

بالنسبة لمشكلة الحليب القليل
او ان الطفل ما يرضع من الثدي

هذي مشكلات سهلة...قدر العلم ان يتوصل لحل لها من زمان
واي أم تواجه هالمشكلة..الطبيب يقدر يساعدها..وكثيرات توصلن لطريقة أو بأخرى لإرضاع اطفالهن..بس المشكلة في كسل بعض الأمهات و ضعف عزيمتهن

لالالالالالالا اخوي اسمح لي انا مو معاك الطب مو كل شئ واذا انت تقول جذي يله يدي على كتفك مثل ما يقولون انا ارضع ولدي الحين وهو عمره 6 شهور بس ما يطلع له الا القليل جدا بس انا مستمره لين يجف بروحه وكلهم عيالي لحد 9 شهور وخلاص (عندي 4 عيال ) فاذا عندك شئ طبي او حل طبي لزيادة الحليب خبرني مع اني متاكده مليون بالميه ان ما فيه
السموحه

قد يكون كلامك اخي عاشق القطط صحيح لكن مو شرط انه يكون أكيد و100%

البدانة والأمراض الأخرى تجي بسبب عوامل اخرى وقد تكون من سببها التغذية غير السليمة منذ الطفوله.

لكن يا أخي عاشق القطط الطفل بعد ال4 شهور يحتاج لأغذيه مكمله لحليب الأم وقد تكون هذه الأغذيه معلبة وقد تكون طازجه مثل الخظار والفواكه فمن الضروري جدا أن الأم تهتم بهذه الأغذيه المكملة.

في نساء عاملات وفي نساء صدرهن ما يكون فيه حليب وفي منهن مريضات فمن وجهة نظرك أخي شو تعمل هذي الأم:think: أكيد راح تلجئ لأطعمه المعلبة سواء كان حليب صناعي أو حليب أبقار وغيرها من الأغذيه مثل السيرلاك والبسكويت وهذه الأغذية مفيده بغض النظر على انها معلبة.

أخي عاشق القطط ومن فينا ما يأكل أغذيه معلبة وصناعية الحين بهذا الزمان كل شي معلب وكل شي فيه مواد حافظه حتى الخظار والفواكه صارن معالجات كيماويا. فلو تم الواحد يحاسب على كل هذي الأمور راح يموت جوع:smile:

مرحبا أخوي عاشق القطط..
مادري شو أقولك.. بس أنا نوعا ما أتفق مع خواتي..
أكيد ان الأم يستحسن ترضع عياله سنتين بس مايكفي الحليب وحده لازم تساعدهم بأشياء أخرى.. في أشياء وايد تقدر الام تسويها و تكون طازجة بس أحيانا الوحدة تضطر تستخدم المعلبات أو الأشياء المحفوظة خصوصا وقت الرحلات الطويلة او السفر.. مابتقدر تجهز لهم أكل طازج..
وبعد مثل ماقالت الأخت.. بالنسبة للحريم اللي حليبهن قليل.. شو يسون.. تلقى الدكاترة يقولوهن يساعدن اطفالهن بحليب صناعي..

والله يحفظ كل الأطفال و يعطيهم الصحة ان شاءالله :)

اعتقد انك اكثر مني خبرة في هالأمور
وأقلها ان بعضكم مجربنها
شاكر لكم تفاعلكم
:smile:

شكرا للموضوع
فعلا الرضاعة الطبيعية سيدة الموقف
ولكن نقول للأخوات التي كانت الظروف اقوى منهن
الخيرة فيما اختار الله