اللي اكتفت باتنين هل ندمت بعد ان كبرت؟

السلام عليكم ورحمة الله وبركاته

موضوعك صائب بصراحة وكان فى بالى اطرحه فى المنتدى بس عن تجربتى ما احس انة فية ندم احسن عدد الى الاطفال هم اثنين تربينهم كويس وتعلمينهم بعد والباقى من عمرك تشوفى نفسك على جميع الاصعدة وهذا اللى حاصل عندنى ما فكر فى كثر من اثنين رغم انهم كبرو الحين وشالو نفسهم واتمنى اكون افدتج يا حياتى:smile:

اتمنى نسمع رد الأخوات لأنه موضوع افكر فيه كثيراَ

انا لحد الحين ما عندي عيال

بس اكيد اخواتي العزيزات بيساعدونج

:clap::clap::clap::clap:

انا عن نفسي مكتفيه بثنين والحمدلله
بس ماقدر افيدج لانهم بعدهم صغار
بس حبيت اقول لج سالفه صارت لوحده من الاهل

هي عندها بنت وولد وتعبت وكان اجباري انها تربط
وربطت وكل شي....ودخلوا اعيالها الجامعه
وفي يوم كان ولدها راجع من الجامعه وصار له حادث
وتوفى الله يرحمه...
طبعا هي وزوجها ندموا اشد الندم وراحت وفكت الربط
وطبعا كانوا متوقعين انها ماراح تحمل بعد هالسنين






بس




ان الله قادر على كل شي...حملت وجابت ولد وسمته على ولدها اللي توفى.....وهو في هالسن تخيلواااااا




والسمووووحه اذا طولت عليكم بس موضوعج ذكرني بهالسالفه
اللي ماكملت سنتين....






والله يرزقكم الذريه الصالحه
ويخلي لنا عيالنا ....ويخليلكم اعيالكم

الأم بالذات تحتاج لأولادها حواليها لما تكبر

وأعتقد اثنين ما بيكونون كافيين لاحتواء الوالدين عند كبرهم

المشاغل والأسرة للاثنين راح تكون ماخذتهم أكثر

لكن لو كانوا أكثر من ذلك راح يتبادلوا الأدوار

والمهم اللي ما أعتقد أي أم تحبه وهي أن تكون وحيدة على كبر

هذا رأيي مع إني ما عندي أطفال

أنا عندي بنت وولد.. وبينهم سنتين بس..

وأتفقنا أنا وزوجي أنا ما نييب غيرهم إلا بعد ما يدخلون عيالنا المدرسه ..

بس سبحان الله .. مشاعر الأموه والأبوه فوق كل شي ..

بصراحه ما رمنا نصبر عن العيال .. وولدي الحين عمره سنه وثمانيه أشهر ..

والحمد الله والشكر أنا الحين حامل ..

والله يا أخواتي العيال بركه .. والرسول عيله الصلاه والسلام حثنا على التناسل..

فليش نحرم أنفسنا من هذي النعمه..

ولازم الواحد ما يحاتي كيف يربيهم ويعيشهم.. لآن كل طفل يولد يأتي رزقه معاه..

وبعدين شو يضمنا أنا هالأثنين بكونيون بارين فينا ..

أو في أي لحظه نفقدهم .. وما يبقى لنا في هالدنيا شي ..

أنا أعرف وحده عندها ما شاء الله عشره عيال ..وأصغر عيالها كان عمره سبع سنوات.. وفي يوم من الأيام توفي أحدهم.. والله من هذاك اليوم وهي تولد .. معنها تعدت الأربعين وهي مريضه .. ومحد رام يردها عن هذا الشي .. وقالت محد فيكم حس بفقدان واحد من عياله .. ولا محد بلومني..

والله يرزقنا ويرزكم بالذريه الصالحه ..

تحيه وبعد....

الله يكتب الي فيه اللخير ان شاء الله...

انا لو ربي كتب لي احمل ان شاء الله...

العيال نعمه من الله سبحانه وتعالى واحس ثنين قليل جدا للي قادره تجيب غيرهم....

وان اذا قدرت ان شاء الله راح اجيب اكثر من 2 :shy::shy:

السلام عليكم اخواتي
قال عليه الصلاة والسلام بما معناه( تزوجوا الولود الودود فاني مكاثر بكم الامم)
وليس بعد حديث الرسول عليه الصلاة والسلام اي راي اخر مهما كان ولا مجال للفتوى ولا لابداء الراي فالقول ما قال الرسول
ان المراه يجب ان تنجب مادام ليس في الانجاب خطر على حياتها اما من يتحجج بالتربيه والرزق فان الله يتكفل برزقهم سبحانه وتعالى
اما بالنسبه للتربيه فنعلم من الواقع قصص كثيرة عن كثرة الاطفال واحسان تربيتهم لان الله سبحانه وتعالى هو المصلح ذكر ان احد الاشخاص اكتفى بطفل واحد تعنتا واعراضا عن الحق فنشا مدللا فاسدا خريج سجون
والاخر رزقه الله عشرة ذكور ولهم اخوات اناث غيرهم سبحان الله اللهم احفظهم تخرجوا جميعا من جامعات مرموقه فكان منهم الطبيب والمهندس والقاضي والمعلم
وقد افتى المشايخ بجواز تنظيم الحمل حرصا على صحة الام
ثم ان الكثير الان يعانون من العقم وتاخر الانجاب وانتن هداكن الله بلا مراعاة للشعور تكتبن مثل هذه المواضيع ثم ان الشعوب ذات العداد الكبيرة مثل الصين لها ثقل سياسي في العالم فهل تبخلين على بلدك بمثل هذه النعمه
هذا لبنات الامارات المعروف عن هذه الدوله الصاعده انها ممتلئه بمختلف الجنسيات من الهنود واللبنانيين والله اعلم بالباقي فبلدكن احوج ما تكون الى الاعداد السكانيه الكبيرة ولا تحفى عليكن الفوائد فنساء مثلكن يكتبن على هذه الصفحات لا بد وان يكونوا من خيرة المجتمع ومن المثقفات الاتي لاغنى لكل بلد عنهن فانتن القدوة كيف بالله تقولون مثل هذا الكلام المخالف لشرع الله ؟والله الموفق
سبحانك اللهم بحمدك اشهد ان لا الاه الا انت استغفرك واتوب اليك
(u)(u)(u)

السلام عليكم ورحمة الله وبركاته

سبحان الله...أنا نفسي الله يرزقني ب عشر عيال :smile:

خالي عنده ولد و بنت...و الله لما ندخل البيت نحسه فاضي...يعني لو واحد من أولاده في الجامعة...الثاني يظل قاعد لوحده...و لو الثاني اتزوج...خلاص فضيت البيت على الأب و الأم...

بصراحة أحب العيال...صحيح هم مسؤولية و تعب...بس بيظلوا عيالك اللي راح يهتموا فيكي بعدين...

و الرسول صلى الله عليه و سلم حثنا على التناسل...بس اتركي بين كل طفل و الثاني مثلا سنتين فترة الرضاعة...و اتأكدي إنك مش مريضة أو راح تتعبي من الحمل...و توكلي على الله...

هذا رأيي الشخصي :o

انا مع مرموم

اشوف امهاتنا على انهم جابو تسعه وعشره

مساكين الحين جالسين في البيوت لحالهم

يتمنون لو عندهم احد باقي ما تزوج

يقولون الوحده تقطع القلب:confused:

أموت بالعيال:o:cool2:

انا خاطري أجيــــــب 7 يهال...


حلوييييين :smile::smile::smile:

انا عن نفسي ما افكر احمل مرة ثانية الا بعد ما اولادي يدخلون المدرسة وبعد ما يخذون كل الحنان و عطيتهم كل حقهم في الدلال والاهتمام بعدين افكر انجب مرة ثانية
:smile:

أنا رايي من راي مرموم
البيت اللي فيه عيال أحلى بوايد وتحس فيه حركه
وتراه عند الكبر ما ينفعونك عير عيالك

بعدي ما عرست
وصحيح احب العيال
بس دايما افكر ما ابي درزن ومن هناك يقل اهتمامي فيهم .. على الأقل 4 او 5 بس اهتم فيهم واكون امهم وصديقتهم واعوضهم اللي انحرمت منه

السلام عليكم ورحمة الله وبركاته

ما اايد الام اللي تكتفي باثنين بس

احسها خاليه من مشاعر الامومة الا الام اللي يكون لها عذرها ..

انا اخاف من موضوع العمليات حتى لان المسموح به في حالات العملية القيصرية 5 عيال بس ..

ابي اييب اقللللللللللللللللل عدد على الاقل 4 وان شاء الله اتزوج واييب هالعيال اللي احلم فيهم من وانا عمري 7 سنين :cool2:

في أمان الله
:shy:

بصراحة انا مع فكرة العدد القليل للأولاد وانا عندي اتنين اله يخليهم يا رب وانا حامل في التالت وعلى وش ولادة بس انا من النوع الي يتعب كتيييييير في الحمل وبصراحة عم بيأثر على بيتي واولادي وطبعا زوجي علشان هيك انا بفكر اني اكتفي بهذا العدد وطبعا كل شي بيد الله واسفة للاطالة

الله يرزقني الذرية واحمل واجيب عيال

والله ما راح يكفوني ثنين وما راح يعوضوني عن لحظات الوحدة والملل والتعب راح الخلف إن شاء الله لين اتعب :smile:


بس دعواتكم لي بالذرية الصالحة

لا تكتفي اختي باثنين وبس
اذا الله اعطاك اقبلي هديتو
الاطفال زينة الحياة الدنيا.
بس الافضل يكون بين كل طفل والتاني على الاقل 3 سنين