((البرتقاله وماادراك ماالبرتقاله؟؟))

[poet font="Simplified Arabic,4,white,normal,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=" dropshadow(color=red,offx=4,offy=4) shadow(color=red,direction=135)"]
(( البرتقاااااااااااااااااااله)))


غركم مظهـر جمـال البرتقالـه*** ما عرفتوا وش حسبها من نسبها
لو بها حشمة وتخضـع للعدالـة *** كان بين الناس ما هـزت ذنبهـا
هافي أصلـه وعمـه وآخوالـه*** همها ترقص وتلهى في طربهـا
الجهالة من يناظـر هالجهالـة*** ما يميز وش محرم من رجبهـا
واحسايف كيف يخدعكم جمالـه*** والبضاعة كـل شّـرايٍ قلبهـا
البنات الحور في نجـد الأصالـة*** الحيا والستر من ربـي وهبهـا
الفخر بالدين ما هـو بالخمالـة*** والنحاس نحاس يفرق عن ذهبها
شف بالـي واحـدٍ مبغـا بدالـه*** عرضها مصيون ما زولٍ سلبهـا
ما مشت عريا وداجت بالبقالـه*** العقل والدين هو غايـة طلبهـا
والله اني كلمـا شفـت الرذالـه***كن جوفي يصهره حامي لهبهـا
حالة صرنا بها ما هيـب حالـه***ا لعقايب لا تجينـا مـن سببهـا
النمل لا طار ينـذر فـي زوالـه ***كم ديـار منعمـه ربـي نكبهـا
مثل جنة عاد يوم الريـح جالـه*** صب ربك فوقهم حامي غضبهـا
العرب غنت علـى يـالال لالـه*** والقدس تبكي وتنخى في عربهـا
صارت إسرائيل تقتـل بالعمالـه*** الشجاع من العرب منهو شجبها
والعراق اليوم وضعـه يّرثالـه*** سلط الله بـوش دمرهـا نهبهـا
يالله احفظ دارنا مهـد الرسالـه ***من أمور تشعل النـار بحطبهـا
_____________________









[/poet]