3 مناسبات بشهر واحد ( أفكاركم )

السلام عليكم ورحمة الله وبركاته
عزيزتي همس العشق انا باعطيك بعض الافكار وترى بالقسم مواضيع روعه كلها حلوة واستفدت منها كثير

حاولي تلبسين اللبس اللي يحبه واللون اللي يحبه
و تسوين له الاكل اللي يحبه حتى لو طبق واحد

1-ممكن تجيبين ترته وتحطين فيها شمعتين


عندي فكره بسيطه سويتها لسه الاسبوع اللي فات
بمناسبه اني كملت 3 شهور على ملكتي وخطيبي ما شافني من شهرين لانه بمدينه بعيده عن التي اقيم فيها
فيوم ما جاني احتفلت فيه
لبست له احمر مع اني اكره هاللون بس هو قال لي مره ان شكل الاحمر يطلع علي حلو .؟
علشان كذا لبسته
وبعدين زينت الغرفه بالبالونات علشانه يحبها وخليت الغرفه احمر وابيض وحطيت شموع وحطيتا صورتنا بالشبكه ببرواز على شكل قلب
وحممت جسمي بجل برائحة التوت .. ودهنت جسمي بكريم التوت .. والبودره بالتوت
وتعطرت بعطر التوت البري وعطرت بعد الغرفه بنفس الريحه .. وهذه كلها اشتريتها من محل " زهور الريف " لان خطيبي يحب التوت


جبت له هديه طقم عطر مع الجل تبعه وخبيته بداخل علبه كبيره على شكل قلب احمر وحطيت فوقها قش احمر و دبدوب صغير وجنبه 3 بالونات صغار ونثرت ورد مجفف
وبجنبها حطيت ورده طبيعيه والكرت وبداخل الكرت كتبت لك كلمة حلوة وحطيت صورتنا بالشبكه
وزينت الطاوله بالبالونت والشموع

وبعد ما تعشينا قلت له وايش رايك بالصندوق وقام يشوفه وطيحت الدبله حقتي من غير ما ينتبه
وقلت له يؤ يؤ دبلتي طاحت ممكن تعطيني اياها
وقعد يدور عليها وكان خايف يخرب الترتيب قلت له ما عليك
بس قعد يفتش لين لقاها وشاف الهدية وانبسط مره (( تصدقين كنت خايفه لاني بعد ما اعرفه زين وهذه ثاني زياره لي .. انه يقول لي ليش ما تدورين عليها أنتي أو ما عندك يد .. بس اشوه الحمد لله ما نطق فيها ))

وممكن تحطين كمان على الطاولة دفتر يوقع لك فيه ويكتب رأيه وتخلين هالدفتر معاك لكل احتفال

وبعد ممكن تسوين استفتاء او اسلئة تخليه يجاوب عليها
مثل أحلى كلمه قلتيها له ..؟ وايش الكلمة اللي قليتها وزعلته ..؟ وايش الحركه اللي عجبته .. واللي ما عجبته ..؟ وهكذا


وعندي بعد فكره ممكن تلبسين له ملابس الشبكه أو الشوفه أو الملكه اكثر وحده يحبها وتصلحين نفس التسريحه اللي كنتي عاملتها بهذيك الليله

وممكن تشوفين صور الشبكه مع بعض وتتذكرون اطرف مواقف صارت معاكم

المهم لا تنسين تتصورين الغرفه وتتصوري مو مثلي :confused:


يارب تكونين استفدتي
ولا تنسين تدعيلي بالشفاء والتوفيق والنجاح


وياريت تقولين لنا أفكارك علشان نستفيد

وايش كان ردة فعل خطيبك

يعطيك العافية رفيف

أفكارك حلوة

بس زعلتيني يوم قلتي لبسي نفس الملابس

الحجم تغر تدرين اخذت سنتين من وقتها

بس حلوة فكرتك عن العلبة على شكل قلب

تسلمين

الله يعافيك اختي

ولا تنزعلين خلاص لبسي له اي لون يحبه

ولا تنسين تقولين لنا وايش سويتي وايش افكارك علشان نستفيد

تحياتي العاطره لك

افكار حلوه

لقيت أفكار روعة من منتدى

مثلاً :

حفر صورته على الخشب

أو على مرايا

استخدمي الشمع اللي على شكل شرار يطلع روعة

دفتر اللي اوراقه بنية كأنها قديمة وخليها يكتب رأيه في ناهية الحفلة

.....................

اشتري ديباج وروب حمام وبيجامه له وقميص نوم لك وشمع ورود كلها بنفس اللون

...................

:smile:

شوفي الغاليه انا عندي بعض الافكار اتمنى افيدتج فيها هيه سواها ريلي حقي في مناسبات متفرقه:o...وانا بعد سويتله....

1 .. مره عطاني دفتر واديد راقي اوراقه مثل ورق الجدران يباع في محل بيع البطاقات .. وكتب فيه بالتواريخ عن اسعد اللحظات الي مرت عليه معاي مثل يوم ما خطبني واول زياره حقه لي وشو كان شعوره ويوم زواجي وحملي..الخ وفيها تعليقات حلوه على كل لحظه..

2.. انا مره سويتله كيكه بصورته وكتبت عليها كلمات حلوه مع دفتر صغيرون فيه صوري وكاتبه له تعليقات عجيييييييييبه..

3 .. يوم عيدميلادي الماضي سوالي احلى مفاجئه..حجز لي في برج العرب ويابلي هديه عباره عن ... قاعده كبيره مزينه بالبالونات وداخل كل كل بالونه كبيره هديه... بصراحه كانت رووووووووووووووعه..
انتي اشتري له هدايا مثلا وديها لمحل البالونات وهو يسويلتج اياها على مزاجتج...

4 ... سوي مثلا عرض ..يعني صوري عمرتج بكيمرة فيديو وقولي له كل الي بخاطرتج ...سوي مقابله مع عمرتج..مثلا صوري نفستج مقدمه حلوه وبعدين كلمه هو في التصوير مثلا قولي ..انتي ليش ما تقعد عداله ..ايوه انت ايلس عداله بسرعه وامسك ايدها .... وشذيه يعني..
وبعدين خلي الخطاب كانه موجه لتج واسالي عمرتج ..انتي اتحبينه وانتي بدلع قولي انا ..وخلي الكيمرا اترد وقولي ايوه انتي اتحبينه؟؟
وجاوني عليه ...
انا حسيت يوم سواها لي ريلي كانت اتجنن ..
انتي جربي وشوفي النتايج...

اتمنى اكون افدتج الغاليه

منكم نستفيد

أنا مثلك وماني عارفه وش أسوي من أفكار ؟؟؟:o:o