عيد زوااجي و انا حاامل ..ساعدوني!!

عزيزتي الوردة الحمراء

أنا مريت بنفس وضعج ومر عيد زواجي وأنا حامل في الشهر السادس لكن بعده فيني حيل حق اللف في الأسواق لكني خليت الليلة بسيطة ما فيها بهرجة وايد .. لكن شغلها تعبني شوي لأني كنت أحتاج ألف في الأسواق شوي .. :down:

أخذت أفكار هالليلة من موضوع أمسية رومانسية جزا الله صاحبته ألف خير .. أنا ما قدرت أطبق كل الأفكار لكني طبقت بعضها في جعل الليلة رومانسية على ضوء الشموع ..

يعني لف خفيف في السوق تاخذي لك بعض الشموع الحمرا وبعض شراشف طاولة الطعام يمكن يكون مفيد ..

أنا بصراحة ما كان عندي طاولة طعام محترمة لأني كنت محتارة وين أحطها لأن شقتي مب كبيرة :down: .. لكني لقيت وحدة حجمها مناسب زجاج ودائرية في محلات إيكيا .. اشتريتها واشتريت بعض الشموع الحمرا وبعض شراشف السفرة ودمجت بين الليونين الأحمر والبيج يطلع وايد روعة ..

الشرشف الرئيسي للطاولة كان بيج وفرشته تحت زجاج الطاولة عشان ما يروح منظر الزجاج لأنه عاجبني ولأن قاعدة الطاولة لونها رمادي وما عاجبني فحبيت أغطيه .. :up:

الشراشف اللي تحت الصحون كانت حمرة سادة وبيج سادة حطيتهم بشكل متعاكس عشان تبان الألوان

أخذت بعد شراشف خفيفة بنفس الألوان سويت فيهم شوية حركات أخذتها من موضوع أمسية رومانسية .. الأحمر خليته لأدوات الطعام (الملاعق والشوك والسكاكين) أما البيج عملته بشكل مروحة في الكاسات .. ولفيتهم بشريطين ستان بنفس الألوان ..

اشتريت بعد صحون بنفس الألوان .. حوافهم أحمر ومن داخل بيج عشان يعطون منظر حلو للطاولة ..

وعلى الطاولة حطيت شموع جوري طافية على الماي باللون الوردي لأني مالقيت الأحمر :o لكن بعد شكلهم حلو وفي النص شمعة حمرا طويلة ..

في البداية أنا قلت إن ما عندي مكان أحط فيه طاولة الأكل فعشان كذا أنا غيرت ديزاين المجلس ورتبته ودخلت طاولة الطعام فيه يعني صار بعد تغيير في نظام البيت ..

بالنسبة للعشا طبعا تسوي الطبخة اللي يحبها ريلج وتهتمين وايد بالتزيين .. بالنسبة لي أنا سويت محاشي مشكلة .. ولو حطيتي بعد سلة فواكه يغلب عليها اللون الأحمر بيطلع منظرها حلو ..

أما الكيكة فأخذتها من لابريوش كافيه وكان طعهما جنان وفي إمكانية إنج تطلبين من المطعم أو المخبز أو الكافيه يسوي لج كيكة على شكل قلب ويخليها من فوق مغطاة بالفراولة عشان تكون كلها حمرا .. بالنسبة لي ماقدرت أطلب عشان الوقت فأخذت وحدة جاهزة اللي هي كيكة ماربل.


أنا كنت أفكر أغير في ديزاين غرفة النوم لكن ما أسعفني الوقت أبد فاشتريت الناموسية بلون بيج من محلات ذ_ون وموجودة بعد في إيكيا وبسعر أرخص وحطيتها على السرير عطته منظر وايد حلو كأنه طرحة عروسة .. واشتريت غطا لحاف قطن ايطالي روعة بلون أحمر وبيج وغيرت فيه لحاف السرير اللي خلاه يبان كأنه جديد وبنفس الوقت صار في شوية تغيير في غرفة النوم .. وممكن تحطين بعض الشموع اللي تعطي جو رومانسي وحالم ..

وفي النهاية كتبت بالشموع الصغيرة اللي تنباع في ايكيا عبارة ترحيبية شافها ريلي أول مادخل البيت ..

وطبعا ماتنسين تتزينين بطريقة مختلفة عن العادة عشان تكوني متميزة في هالليلة .. بصراحة انا دورت على فستان ينفع للحمل ما لقيت لكن مشيت حالي بجلابية حلوة عنابية على بيج ..

يمكن يكون الشغل ثقيل شوي وياخذ وقت لكن في النهاية بتكون ليلة رومانسية حالمة :shy: .. وعلى فكرة اللف في الأسواق هو اللي أخذ مني أغلب الوقت أما ترتيب البيت فكان وايد أسهل ..

أتمنى إني أكون أفدتج وإن شرحي كان وافي وغير ممل وإذا لقيت فرصة إن شا الله بصور لج بعض هذي الديزاينات وبرفقهم بالموضوع ..

واعذريني على الاطالة وإن شا الله البنات لو عندهم أفكار أحلى يفيدوج أكثر مني .. وأتمنى لكم ليلة سعيدة وعمر مديد بالسعادة .. :up:

أختج عيون السهد

حلوه افكاركم

ماشاء الله عليكم وعلى افكاركم الله يديم المحبه بينكم يااااااااااارب:smile:

الاخت عيون السهد شكرا جزيلا لك افكارك رائعة وانشالله اقدر اسوي ولو شي بسيط منها الله يعيين انشالله