محتاره مع خطيب بنت خالتى ؟؟؟؟؟؟؟؟؟ظ

مرحبا حبيبتي

العمر عمره ماكان اعاقه اذا كانت مقتنعه فيه يعني مب
مغصوبه عليه صحيح ان عمره كبير عليها بس ليش ما
تصلي استخاره واتشوف شنو الاخير لها وتفكر عدل قبل
ماتاخذ اي قرار ممكن باجر تندم يعني الامر بيدها بعد الله
تعالى

اهلين اختي نجمه



خليها تستخير اذا هو زين الله بسخره لهاااا



والله يوفقهااا ويسعدهاااااا:shy:

:smile:بالعكس عمره ما يعيبه
خاصة لما يكون ضيعه في تربية أخوانه و خواته
تتكل على الله و توافق هذا رأيي
و إن شاء الله ما يصير إلا اللي فيه الخير لها
و في حديث في ما معناه
إذا جاكم من ترضوا دينه و خلقه فزوجوه
:smile:

راي انها تستخير واذا ربي يسرها تتوكل على الله
الرجال مايعيبه عمره
وبعدين هي مو صغيرة والرجال مو ناقصة شي
تتوكل على الله

تصلي الاستخارة واللي الله كاتبه يصير واهم شي تكون اهي مرتاحه له و يكون في قبول اهم شيييييي

انا اشوف انها مو صغيرة ... يعني اذا رفضته بتضمن احد بيخطبها ؟ شكثر بنات يتكابرون و يرفضون الخطاب و آخر شي يندمون ...البنت من كثر خطابها تبور

من كلامج باين انه انسان طيب ورحوم دام ضيع شبابه على اخوانه ...ما هو اناني ويفكر بنفسه ... ترى هالاشخاص احسن ناس و تلقينهم طيبين و حنونين و فيهم رحم و راح يكون الزوج والاب المثالي انشاءالله


الرجال ما يعيبه غير اخلاقه .. ..الشكل و العمر والفلوس والشهاده مو مهمين دامه مفلس من الاخلاق والدين

الله يوفقها

نصيحتي انه توافق الشباب شباب القلب

اختي اهم شيء الاستخارة و لو فيه خير ربنا هيسرلها الخير ان شاء الله

خلها توافق والعمر مو شكلة .... لانه فرصه يمكن ماتلقى غيرها على الاقل هو ماتزوج من قبل وكل مواصفاته زينه ...... الله يوفقها ويسعدها

انا اشوف ها الرجال قل مثله في هذا الزمان :clap:
وترى رجل رحوم وطيب .ظيع عمره في تربيه اخوانه
صدقيني يعتبر رجل يعتمد عليه .
راح تلقى معاه الحب والرحمه
لانه اخيرا قرر يستريح بعد ما انزال الهم عن نفسه وزوج اخوانه
تشوف الجانب الحسن
وعمره العمر ما كان عائق
تتوكل على الله
صدقيني رجل مثله صعب تخسره

وكما قالو البنات دامنها متردده
تستخير ...... وتشوف:up:

:eek2::eek2::eek2: حرام عليكم بنات،،، تقولكم الريال عمره 57 سنه،،، يعني عجب ثلاث سنوات بيكون عمره 60،،،، وهيه عمرها 35،،،، يعني معقوله يابنات تعيش ويا واحد كبر ابوها،،، وين التوافق النفسي ابغي اعرف،،،، ولو انه عمرها 32 تفر عمرها على واحد شيبه كبر ابوها،،، والله ياما سمعنا عن وايدين تطلقوا والسبة الفرق في العمر،،،، الصراحة استغرب من كلامكم،،، فرق 25 سنه وهمكم إلا تعرس،،،، السالفة مب خذوه فغلوه،،،،،

ما ادري الصراحة احس وايد صعبة،،، وليش يعني لو عمرها 32 عبارة خلاص طافها القطار؟!!! والله ويدات اللي يعرسن في سن اكبر عن جيه،،، وردا على الاخت جويل مع احترامي لرايها "شكثر بنات يتكابرون و يرفضون الخطاب و آخر شي يندمون .." وحليلها البنت اهنيه إذا رفضت معناه كابرت؟!!! من حق البنت انها تعيش ويا شاب حالها حال غيرها،،، وهي مب مجبورة تاخذ واحد شيبه بس عسب ما يفوتها قطار الزواج،،، وسبحان الله باجر يموت عنها وآخرتها تم ارمله واعيالها بدون ابو،،،،، انتوا ما فكرتوا من هاي الناحيه؟ََ!!! شو الضمان اللي يقولكم انه ما في حد ثاني ممكن يخطبها؟ ها كله عند رب العالمين والوحدة ما تستغنى عن عمرها بس عسب انها تخاف تعنس،،، وحاطين على هاي السالفة الريال ما يعيبه شي والريال ما يعيبه شي،،، إلا يعيبه ونص،،، شو يعني العيب ما يطلع إلا من الحريم؟!!!

ما ادري الصراحه ها الشي راجع إلها واحسلها تصلى استخارة ما عندها غير ها الخيار والله يوفقها ان شاء الله

اهم شى انها تستخير اكثر من مرة والله بيكتبلها الي فيه الخير لها والعمر عمره ماكان عائق

والله انه اشوف انه وايد مناسب لظروفها

تستخير ..أحسن شئ الإستخارة:think:

السلام عليكم ..

انا من رايي انها تستخير .. واذا الله رايدها له .. الله بيسهل الامور على طول ..

ماخاب من استخار ولا ندم من استشار .. :smile:

والخيره فيما اختاره الله

خلها اتصلي صلاة استخاره وتتوكل على الله وإنشاء الله الله بوفقها.

كاتب الرسالة الأصلية : أوركيـــــــــد
:eek2::eek2::eek2: وردا على الاخت جويل مع احترامي لرايها "شكثر بنات يتكابرون و يرفضون الخطاب و آخر شي يندمون .." وحليلها البنت اهنيه إذا رفضت معناه كابرت؟!!! من حق البنت انها تعيش ويا شاب حالها حال غيرها،،، وهي مب مجبورة تاخذ واحد شيبه بس عسب ما يفوتها قطار الزواج،،، وسبحان الله باجر يموت عنها وآخرتها تم ارمله واعيالها بدون ابو،،،،، انتوا ما فكرتوا من هاي الناحيه؟ََ!!! شو الضمان اللي يقولكم انه ما في حد ثاني ممكن يخطبها؟ ها كله عند رب العالمين والوحدة ما تستغنى عن عمرها بس عسب انها تخاف تعنس،،، وحاطين على هاي السالفة الريال ما يعيبه شي والريال ما يعيبهال شي،،، إلا يعيبه ونص،،، شو يعني العيب ما يطلع إلا من الحريم؟!!!

هلا اختي اوركيد ...احترم رايك

انا اتكلم عن البنات اللي يكابرون ويتشرطون ( ابي بيت بروحي... تسفرني... مابي امك وابوك معاي...ابي مهري شبكة الماس ومهر غالي !!) وانا اقولج بنات من عايلتنا جذيه قسم بالله اخرتها تاخذ واحد كبير ومتزوج و عنده عيال ...تدرين ليش؟ لان الام والابو مو دايمين لهم والاخوان عقب الزواج مو مطالعين فيهم ابد ...منو بيشيلها لا كبرت غير عيالها !!

انتي عبالج كل وحده تتزوج عشان الرجال كامل المواصفات !! لا مو شرط ...

واذا عالعمر يا قلبي ...احنا مسلمين وقدوتنا رسولنا عليه الصلاة والسلام تزوج السيده خديجه رضي الله عنها وهو شاب صغير وهي مرة كبيرة حيل و الفرق بينهم بالعمر كبيررررررر ..والوحيده اللي تزوجها صغيرة وبكر هي السيده عائشه رضي الله عنها


فارق السن ماله دور كبير اذا كان في احترام وموده بس اذا احد الطرفين ما عنده تقبل و احترام ماله داعي يتزوج من الاصل ولا احد جابرة


والاعمار بيد الله سبحانه وتعالي... محد يدري متى الله بيقبض روحه الحين شباب صغار تجيهم المنيه وهذا بأمر الله و محنا نعترضين .... يعني بتقول لا والله ما ابيك كبير ويمكن تفنقش بسرعه !!!!


عالعموم انا احترم رايج وشكلج شايله عالرياجيل :smile: والله احنا لو بايدنا ما نتزوج بس بآخر العمر محد بيعيش وحيد بين اربع حيطان لا عيال يزينون دنيته

السلام عليكم ورحمة الله وبركاته

أختي...

ربك وضع في طريق هذه الفتاة هذا الرجل...و لا أحد يعلم حكمة الله في خلقه...

لذلك...دعيها توكل أمرها لله كله...دعيها تصلي الإستخارة...و تجتهد فيها...و ربك لن يخذلها ابدا...و سييسر لها الخير أكيد إن شاء الله...

و طمنينا عليها أختي...

حبيبيتي العمر ما كان عائق ابدا كل ما كان الانسان كبير في السن كان أحلا خبرته في الحياة يكون انسان ناضج .... وتحسي انه بالفعل رب بيت سند وظهرك وان شاء الله بتوفيق وعقبالـــــنا إن شاء الله(a)