اليوم جبتلكم الوصفة السريه لكيكة المولتن الشهيرة حقت تشيليز ... صدقوني يوم سويتها و ذوقتها الأهل ماااااحسوا بالفرق ابببد!!
المهم اندش بالموضوع...بسم الله نبدا:
*^* المقادير *^*
1 باكيت خلطة الكيك الجاهزة من بتي كروكر( devil's food choclate cake )
شوكولاته هيرشي السائله ( الكمية مو محددة انتي و ذوقك)
صوص الكراميل ( الكمية مو محدده...على حسب الصحن)
صلصة الفدج( chocolate fudge sauce)
ايسكريم فانيلا London Dairy
قالب الكيك بهالشكل
*^* الطريــقة *^*
1. نعمل الكيك مثل ماهو مكتوب على العلبة...هذي الكمية بتعمل لنا قالبين من هالنوع
2. بعد ما نسوي الكيك نقلبه على الشبك إلين ما يبرد.. و بعدين نعمل حفرة شوي عميقة من جهة الدائرة الصغيرة (جهة القاع في القالب)..و خلي شوية كيك يعني لا تنزلين في الحفر لي تحت
3. نضع الكيكه في صحن التقديم و نضعه في الميكروويف لمدة دقيقة و بعدين نطلعها و نصب شوكولاتة الفدج السائله داخل الحفرة اللي عملناها (كل ما كان السوس اكثر كل ما كان احلى)
4. نضع سكوب واحد من الأيسكريم فوق الحفرة و نصب شوكولاتة هرشي السايله فوق الأيسكريم و على الكيكة
5. نزين الصحن بالكراميل
النتيجة.....
