الخيانة

لا جيت ابنسى واتراجـع واسامحــك ** صاحن جـروحـي واشتكن لي طعونـك

كلك خيانه ! قول وشلـون ابمنحـك ** وش موقفـك من شخـص دايم يخونـك

اكـبر خطا لـو جيت يمـك اصالحـك ** اول تحـول لاتغـرك إلـحـونــــك

اللي تقوله صـح لـو كنـت جارحـك ** (مير) انت غارق للاسف في ظنونـك

وصفـك نسـيته بس باقـي ملامـحـك ** بنهيك وانهـي بالنهايـه جنونـك

ماتستحـتق امـد (كفـي) واصافحـك ** مثلك غلط عـمـري وابحيا بدونـك

لعبت دورك شـاهـدات(ن) مـسارحـك ** خدعتني واظهرت خـافـي فـنـونـك

كنت اعتقد قلبي هو ابرز مطامحـك ** اللي يبيع النـاس لجلـه يصونـك

تعبت اسوق الشوق يمـك واصـارحـك ** اخلصـت لك بالحـب شوفـت عيونــك

لكن خسـارة صرت غايـة مصـالحــك ** ياليـتني ماجيـت لحـظـه بكونـك

بالامـس كنت بنشوة الحب وامازحـك ** اخيـل برقـك واتحـرى مــزونـــك

واليوم من صفحة حياتـي ابمـسحـك ** هديـت صرحــك ثـم طـاحـت ركونـك

ولابي عيوني لـو تصــورت تلمـحـك ** اعلنـت مـوتك وانسجن لي كفونـك

وان جيت تطلب ترتجيني اسـامحــك ** بهديك طـعـنه من بقايا طعونــك


منقوووول