لكل عرايس عطلة الرررررربيع

وعلى فكره انا قبل ما اكتب هذا الموضوع سويت بحث ومالقيت الاجابات الشافيه :smile: يعني لحد يقولي سوي بحث بليز :down:

بنات 33 قارئه ولا رد واحد عالاقل لازم اشوف تجاوبكم علشان اتفاعل معاكم :down:
تراني مريت على محلات الكوش ومنها المناسبت واكسوتيكا وماسيس ورويال فلاور والغاردينيا
وكريستال للتصوير
وعند المصممه كارولين ورومو للخياطه وفيور للاقمشه النسائيه وتاش
وعندي لكم كلام كثير عن هالمحلات
بنات قطر لازم نتعاون علشان نستفيد من بعض ومحد يقص علينا في المحلات
اذا شفت تجاوبكم بقولكم بالتفصيل عن كل اللي صار معاي صج اني متحطططططططططططمه :pain:

كسرتي خاطري والله لو اعرف كان علمتج بس الله يعينج

بس تعالي ماعندج حد من هلج يعرف او من صديقاتج

شوفي توكلي على الله وحاولي تاخذين الامور بساطه والله وياج

هلا اختي بقولج اللي اعرفه مع ان خبرتي قليله :smile::smile:



احلى المحلات اللي تشترين منها فستان الصباحية والهدية هم جلامور وعندك محلات بالستي مثل نوف ولورا وبالصفتهم كله محلات للفساتين
ويشمك عنده جلابيات روعه كانها فساتين


وسمعت عن محلات بالاحساء مااذكر اسمائها بس دايما صديقاتي يشترون قطع حق خطوبتهم من هناك لانها تجنن ونفس وقت رخيصه

شوفي ا لفستان عرس عندك محلات مواجهه شارع اللي بسوق الاحمد فساتين تجنن وتشترينهم 1500 ان كثر 3000 وعلى فكره يفصل ورخيص انا شفت فساتين روعه بس يمكن طرحه مو هناك تقدرين تفصلين طرحه وتشترين فستان

وعندك محل لكي وحدكي تفصله وتشتريه منك

صدقيني اختي كلها ساعتين ان كثرت 3 ساعات فصلي فستان هادي ومطرز بخيوط فضيه صدقيني بتطلعين تلقين وتبرقين لان خيوط فضيه مع سبوت لايت تطلعين لو فستان بسيط جنان وهذا من كثر مارحت عروس فساتين عاديه لكن كلها خيوط فضيه هي اللي تبرق فستان

احلى وحدة تمكيجين عندها ....

مكياج عندك كثير عبير ودينا وحصه حامد وجواهر الظاهري وشريفه

المهندي وشريفه ال شريم وهليدا ودنيال بجاني

احلى وحدة تسوين شعرج عندها

عندك كثير مني السودانيه نعمات ولبني ودارين ونجوي

احلى وحده تتحنين عندها .... رحاب هي توب

احلى كوشة بتحصلينها عند المناسبات لكنه غالي وعندك كريستال والوان الخليج وماسيس وغردينيا ومحل بفريق بن محمود عنده شغلات كثير ورخيص

وشفت اختي كوشه بلون كحلي وذهبي اسمها تاج محل فضيعههههههههههههههههههههههههههههههههههههههههه

تجنن ناس ينوا عليها وعرفت انها 10000واعتقد عند رمسيس مش اكيد

شفت كوشه عجيبه عند كريستال من وراء زجاج كريستال ينزل منه ماي نفس شلال وجدامه عروس حاطه كريستاله كبيره دور وقدامه كرسي بس شي عجيب وغريب بس غاليه الكريستاله بس بروحها 6000 او 12000 غير شلال 12000


شوفي انتي روحي وان شاءالله ماتحتارين بكوش اخذي كوشه في حدود 10000 اذا ميزانيتك تسمحلك بس لازم الالوان كوشه وشراشف طاولات وكراسي والبطايق نفس لون والورود

احلى مسكة عروس غردينيا والمناسبات يحطلك اشياء فضيعه سلاسل

احسن دي جي محل بفريق بن محمود وكريستال

احسن فرقة ...خيريه وجمال التميمي فضييييييع طقهم عجيب وغاليه

احسن خياط لفستان العرس ... جميل -مودا ليدى-الفراشه
محلات تبيع وخيط بسوق الاحمد

مفارش للطاولات محل اللي بفريق بن محمود رخيص ومفارشه حلوة والمناسبات بس غالي وااايد وعنك لاروز

حف حواجب عند صالون استيديو عند فيروز -صالون لندن

ملابس نوم داخليه -ناعومي ومسوي عرض اعتقد 6 قطع نوم ب1500 مع صندوق خشب المبيت صندوق عجيب

ملاحف محل بسوق الاحمد اسمه عرايس

تنضيف للجسم والبشره صالون مايا تسويلك ب800 ريال كامل للعروس بعدها تلقين مثل القمر

العود والبخور مااعرف حد بس امدحولي ام محمد وعندك محلات سيد الجنيد والاجمل والرصاصي وشركه العربيه والقرشي


تصوير الاعرا س عندك كريستال والوان الخليج والمناسبات وغردينيا

وهذولا مافي غيرهم انتي اختاري


وعن الالوان اختاري بلون برتقالي بذهبي باصفر
او اصفر ابيض
او ذهبي اصفر ابيض

لان قاعه سلوي ذهبي على ابيض

يعني حاولي تنسقين وتقدرين دخلين كحلي لانه يطلع روعه مع هالالوان

واختي عن توزيعات عندك بحار بفريق بن عمران
ولاتكثرين توزيعات اللحين محد يحط توزيعات الكل يحط سلال فطاير شوكلاته بقلاوة بس هذا دارج ناس تخش فلوسها

وعن فطاير تعاقدي مع اي مخبز اخذي قطع صغيره واخذي درزن بنص قيمه

وشاي وقهوة اخذي من نسوان اللي يسون لانهم محتاجين فلوس ومنها تكسبين اجر

اسئلي بنات بيعطونك ارقام نسوان يسون قهوة وشاي مايقصرون


وعن حركات الليزر لاتكثرين مالها لازمه ناس بتنشغل بالاكل والطق بس !!

اخذي الليزر الجسر اذا كنتي تروحين اعراس بوصفه

هو يكون عمودين كبار سود وبنص عمود طوالي فيه عده الوان وهو من نفسه يدور على قاعه بس هذا اخذيه وهو بينور قاعه ويكفي


عن بطايق اختي انتي فكري فيها اخرتها زباله او شارع اخذيلك بطايق من الامارات لانها ارخص وتكون بسيطه ونفس الوقت حلوة وتكون صغيره مو كبيره عشان سعر

وانتي روحي وانشاءالله ماتحتارين خليه يعطيك صغيره وهاديه بس لون على لون كوشه ومفارش

وعن توزيع بطايق لاتوزعين على كل بيت مثلا ام وعندها 5 بنات متزوجات تعطين كل بنت بطاقه عطيهم بطاقه عائليه لهم كلهم مع امهم
لاتقولين فشيله هم ماراح يهتمون الاهم عندهم يدشون

احنا بعرس بنت عمتي سوينا كذا لان صراحه حرام نخسر على بطايق واخرتها زباله وشارع

وهذا كل اللي عندي وان شاءالله تستفيدين

واذا تذكرت شي بكتبلك وانتي اسئلي كل اللي في خاطرك لاتستحين

الف الف مبروك :cool2::cool2:

شوفي هذا موضوع

http://www.3roos.com/forums/showthread.php?s=&threadid=76581