اكبر مصيبة البنت تطلب الزواج !!
" أبي أعرس ...... زوجوني "
نزلت هالكلمات مثل الصاعقة على الأم كانت صدمة لها مع أن المفروض أن كل أم تفرح لما تسمع هالكلمة من واحد من عيالها لكن سبب الصدمة كان أن هالكلمة ما صدرت من ولدها ..لكنها صدرت من .... من .... من " بنتها " إيه " بنتها "
و الله وهقه ....أنربط لسان الأم دارت فيها الدنيا ..قامت تهوجس الولد نقدر نخطب له ... لكن البنت ..من وين بنجيب لها رجل !!!!!
" يمه ... ردي علي .. تكفين ... زوجيني "
صحت الأم من الهواجيس الساخنة ... القاتلة ...اللي أصابتها من الصعقةالسابقة
كانت البنت تهز كتف أمها .. و تترجى فيها :
" يمه ... أفهميني ... أنا أبي أعرس ... " ......
لكن الأم ما قدرت ترد بأي كلمة ..كانت بس تناظر في عيون بنتها و تقول بينها و بين نفسها :
" هذي اللحظة إللي ما عملت حسابها .... الظاهر بنتي كبرت و أنا ما أدري ..."
رجعت البنت و رمت بنفسها على الكرسي بكل إحباط و قالت :
" أنتم ليش ما تبون تفهموني .. أنا خلاص كبرت ... صرت حرمه .. عمري الحين فوق العشرين سنة .. يعني حرمه .... أفهميني يمه الله يخليك "
أخيراً تكلمت الأم و قالت :
" خلاص يا بنيتي ... فهمتك " ...
وهي قاعده تفكر وشلون تبي تفاتح الأبو في هالموضوع ... لا المصيبه !!!!
قربت البنت من أمها و قالت :
" يمه وشهو اللي خلاص ... أنتي تحسبيني الين الحين بزر ... بتصرفيني ؟؟ .. أنا حرمه .. أنا الحين صرت حرمه .. و كل صديقاتي اللي معي تزوجوا ... يمه الله يخليك حسي بشعوري "
والأم مسكينة يتقطع قلبها على بنيتها .. و تقول في خاطرها :
"الله يعينك يا بنيتي .. كل هذا في قلبك و متحملته "
والبنت أستمرت في صراحتها ...
" يمه أنتي أكيد تعرفين مشاعر أي بنت في عمري .. و أنا ما طلبت شيء خطاء ..طلبت العرس بس .. "
و هوجست الأم :
" العرس بس !! .. إيه هين بس .. هو العرس ينقال عنه بس ؟؟ !! "
و كملت البنت :
" يمه سامحيني على صراحتي بس ما لي غيرك أفضفض له أنتي لو تعرفين شلون إحساسي كلما فكرت في صديقاتي المتزوجات أتخيل سعادتهم ... و أتصور شعورهم فاهمتني يمه ؟؟؟ "
وقفت الأم في مكانها .. و حاولت إنها تكون صارمه عشان تنهي الحوار و قالت:
" خلاص يا بنت .. قلت لك خلاص ..
أنا فهمت و ماله داعي كل هالشرح
وإذا جاء أبوك تفاهمت معه ... أنتي تحسبين الموضوع سهل .. بينجلط الرجال فيها "
قامت البنت من مكانها .. و واجهت أمها و قالت :
" لا .. ما بعد فهمتيني .. و لا حسيتي باللي أحسه أنتي عايشه في نعيم .. أنا أشوفك كل يوم تروحين مع أبوي .. و أنا محرومه من هالشيء .. تحسبيني ما أفهم .. ما أحس أعرف شعورك لما تكونين مع الوالد "
ومسكت كتوف أمها بين إيديها و حطت عينها بعين أمها و قالت :
" يمه أفهمي ليش أنا أبي أتزوج .. "
الأم ما قدرت و دارت و جهها عن بنتها و قالت :
" يا بنت إستحي "
لكن البنت كملت كلامها :
" يمه المسأله ما فيها حياء .. هذي مشاعر طبيعية .. كله صوب .. و منظر صديقاتي بصوب .. كل يوم أشوفهم الصباح يجيبونهم أزواجهم للكليه وأنا قلبي يتفطر أشوف أشكالهم مع رجالهم .. و أنقهر .. وأنا كل يوم أركب مع السواق للكليه يمه أنا كلي أحاسيس و مشاعر .. يمه أفهميني عاد "
لكن الأم ما أستحملت طاحت على الأرض مغمى عليها والظاهر إنها إنجلطت ..
جلست البنت على ركبتيها .. جنب أمها .. تحاول إنها تصحيها و هي تصرخ :
" يمه أفهميني ... أنا .... أنا .... أنا ....
أنا أبي أتزوج عشان ..
عشان أبي أركب
قـــــــــدام "
:D :D :D
البنت تطلب الزواج؟؟دخلوو وشوفوو العجب!!!
*
26-09-2002 | 12:44 AM
ا
28-09-2002 | 10:22 AM
لا .... لا
زعلان منك ...
ما كتبتي تحت منقوووول. أكيد نسيتي.. يالله .. تحصل في أحسن العائلات.
عدلي المشركه واكتبي منقول .. احذف كلامي اللي هنا.
زعلان منك ...
ما كتبتي تحت منقوووول. أكيد نسيتي.. يالله .. تحصل في أحسن العائلات.
عدلي المشركه واكتبي منقول .. احذف كلامي اللي هنا.
ع
28-09-2002 | 10:50 AM
السلام عليكم ..
تسلمين اختي العنا على هذا الموضوع .. الي حسيت انه ممكن ينخذ بجدية اكثر ..
و انا بقول رايي :
ترى مب الرجال بس الي يقدر يخطب .. حتى البنت !
بس فيه طريقة افضل من طريقة صاحبتنا .. و خاصة البنت الي تخيل و تستحي .. و تفكر كيف تفتح هذا الموضوع لأهلها ..
بكل بساطة .. تقدر تلمح لهم عن صديقاتها الي تزوجن .. عن قريباتها الي في سنها الي اصغر منها صار عندهم عيال ..
و من فترة شفت برنامج في التلفزيون .. اتصلت فيهم وحده .. هذي البنت هي الي اختارت زوجها .. هي الي قالت هذا الرجل لي و انا له .. السبب انه كان ريال كريم و شهم .. جاهم من بلد ثانيه عشان يتبرع لهم بكليته لاحد اقرباء هذي البنت .. و تخيلوا شو صار .. هذا الكلام وصل للريال هذا .. و قال دلوني على اهلها .. و على طول خطبها .. و الحين ما شاء الله عليهم .. ما فيه احلى منهم .. والله يديم عليهم السعادة ..
و لا ننسى قصة الصحابي الجليل عمر بن الخطاب و ابنته حفصة رضي الله عنهما .. عندما عرضها على على ابوبكر و عثمان رضي الله عنهما .. عندما صمت ابوبكر لانه كان يعلم بأن الرسول صلى الله عليه وسلم ينوي خطبتها .. و عثمان كانت تلك الايام قد توفيت زوجته رقيه بعد ان منّ الله على المسلمين بالنصر في غزوة بدر و قد اجابه بأنه لا يريد الزواج اليوم ..!!
فغضب عمر غضباً شديداً من رد صديقيه وانطلق إلى الرسول الكريم صلى الله عليه وسلم يشكوهما وكشف له عما كان منهما فتبسم صلى الله عليه وسلم وقال : يتزوج حفصة من هو خير من عثمان ويتزوج عثمان من هي خير من حفصة .
العبرة من هذا .. ليس فقط الرجل عندما يكون راغب في الزواج هو الذي يقوم بالبحث عن بنت الحلال .. بل .. يجوز ان لم يكن واجب على الاب ان يبحث لابنته عن الزوج الصالح ..
و السموحه منكم على الاطاله ..
:o
تسلمين اختي العنا على هذا الموضوع .. الي حسيت انه ممكن ينخذ بجدية اكثر ..
و انا بقول رايي :
ترى مب الرجال بس الي يقدر يخطب .. حتى البنت !
بس فيه طريقة افضل من طريقة صاحبتنا .. و خاصة البنت الي تخيل و تستحي .. و تفكر كيف تفتح هذا الموضوع لأهلها ..
بكل بساطة .. تقدر تلمح لهم عن صديقاتها الي تزوجن .. عن قريباتها الي في سنها الي اصغر منها صار عندهم عيال ..
و من فترة شفت برنامج في التلفزيون .. اتصلت فيهم وحده .. هذي البنت هي الي اختارت زوجها .. هي الي قالت هذا الرجل لي و انا له .. السبب انه كان ريال كريم و شهم .. جاهم من بلد ثانيه عشان يتبرع لهم بكليته لاحد اقرباء هذي البنت .. و تخيلوا شو صار .. هذا الكلام وصل للريال هذا .. و قال دلوني على اهلها .. و على طول خطبها .. و الحين ما شاء الله عليهم .. ما فيه احلى منهم .. والله يديم عليهم السعادة ..
و لا ننسى قصة الصحابي الجليل عمر بن الخطاب و ابنته حفصة رضي الله عنهما .. عندما عرضها على على ابوبكر و عثمان رضي الله عنهما .. عندما صمت ابوبكر لانه كان يعلم بأن الرسول صلى الله عليه وسلم ينوي خطبتها .. و عثمان كانت تلك الايام قد توفيت زوجته رقيه بعد ان منّ الله على المسلمين بالنصر في غزوة بدر و قد اجابه بأنه لا يريد الزواج اليوم ..!!
فغضب عمر غضباً شديداً من رد صديقيه وانطلق إلى الرسول الكريم صلى الله عليه وسلم يشكوهما وكشف له عما كان منهما فتبسم صلى الله عليه وسلم وقال : يتزوج حفصة من هو خير من عثمان ويتزوج عثمان من هي خير من حفصة .
العبرة من هذا .. ليس فقط الرجل عندما يكون راغب في الزواج هو الذي يقوم بالبحث عن بنت الحلال .. بل .. يجوز ان لم يكن واجب على الاب ان يبحث لابنته عن الزوج الصالح ..
و السموحه منكم على الاطاله ..
:o