هل أنا عاقة أو أدعوا الى العقوق .....أنا في حيرة لاتتركوني.

هلابك:smile:

الله يصبرك ويساعدك فعلا مشكله
شوفي اختي اذا طلعتكم من البيت راح يترك العجوز لحالها ... لاحرام بلاش منها
لكن اذا في احد غيركم معاها يالله توكلوا على الله

لكن صدقيني الحرمه الكبيره مهما تكون حنانه ومزعجه بس والله وجودها بركه للبيت واهل البيت

استحمليها لأجل الثواب وعشان راحت زوجك ,اعتقد اهي تتعامل معاك غير عن الباجي بحكم انكم في بيت واحد فعشان كذا اهي قاطه الميانه معاك وتتصرف معك بعفويه اما الباجي فيمكن تشوفهم مره او مرتين بالأسبوع.

اختي تعوذي من ابليس ورجعي بيتك معززه مكرمه وحاولي تتعاملين معاها بطريقه مختلفه عن السابق . جعلي نفسك تحاولين تكسبين جائزه من وراء المعامله معاها

وصدقيني وراء صبرك اجر عظيم . وكل شي تسوينه لها فالواقع هو مولها أنما لك ان شاء الله (( اصقد في المستقبل لين كبرتي اعيالك راح يشيلونك على راسهم من فوق والمثل يقول من سوى سويله))

والله يصبرك ويقوي قلبك

حاولت ياأختي لكن موقادرة اتحمل انا بالقوة تعبانة نفسيا ومن شيخ لشيخ علشان يقرا علي ويهدي نفسيتي مايمر يومين ماابكي فيهم واقوم الدنيا فوق راسي وراس زوجي واهلي حتى القولون العصبي جاني وانا لسه في اول العشرينات

على العموم مشكورة على نصيحتك أختي مذهلة البحرين

انتي كنتي نفس حالتي :down:

حاولي تتقربين منها وتجلسين معاها والله ثم والله ان الكبير بالسن مثل الجاهل يجي بالمساحل والسياسه

يعني لما تطلعين السوق تشترين لها شي وكثري من جلساتك معاها

واذا خلاص ماتقدرين تتحملينها لاتجلسين معاها وكل ماخلصتي شغلج روحي لدارج بس حرام اعتبريها امج وحاولي معاها....:o

والله عورتي قلبي

لا يا اختي لا تسوين في روحك كذا هدي شوي اهم شي صحتك ترى محد بينفعك

اخذي وقت ريحي وهدي اعصابك والله يفرجها عليك ان شاء الله

نصيحة من أخت مجربة انا كنت ساكنة مع ام زوجي وكانت حتى غرفتي تدخلها على غفلة ورافضة اني اقفل الغرفة في غيابي بس بالسياسة كسبتها تعرفين اشلون؟؟؟


_ما اروح سوق او حتى برادة الا و حسبتها معاي حتى البيبسي و الجبس مثل الطفل

- ما ادخل بكيس في ايدي الا شافته حتى الصحن تكشف عليه

- ما اشتري شي من جلابيات او شيلات الا حسبتها معاي

- قبل ما انام اسلم عليها واسالها اذا تبي شي

تعالي شوفيها بعد كم شهر خلت زوجي يموووت فيني تقول له تحمل فيها تراها هدية من الرب وهذا بفضل رضا والديك عليك :D2 يعني نجحت في الامتحان حتي لما بقيت اسكن في بيتي صارت تبكي ومو راضية تتركني تعلقت فيني ،،، ولحد ما مات تقول لعيالها اغلى ما في زوجات اولادي هذي الشيخ :o مو مدح بس والله عن تجربة

بس الحين فقدتها :confused: والله اني كلما اتذكرها ابكي :confused::confused::confused::confused::confused::confused:


حطي بالك على ام زوجك تراها الخير والبركة ونفذي نصائح وبتقولين صحصح كلامي وخبريني عن ما استجد من امور

شكزا أخواتي شمس المحبة و مذهلة البحرين ونسيم البرايح على ردودكم


لكن على طاري الهدايا أول عيد فطر مر بعد زواجي جبت لها هدية خاتم ذهب على قدي لأني في وقتها طالبة وزوجي جاب لها دهن عود والله حتى كلمة يعطيك العافية ماقالتها وزي مافتحت العلبة قفلتها وحماتي تصر عليها تلبسه علشاني وهي تتعذر وتقول لا واسع وفي نفس اللحظة اشرت على اسواره بيدها وقالت هذة هدية من ولدي ... حسيت بان قلبي يغلي ....
وكل ماأجيبلها شي قالت انا ماألبس هالأشياء
والله تعبت موقادرة أتعامل معها أحاول أضغط على نفسي و اجلس معها لكني احس شي يغلي بداخلي اخاف من اي كلمة ممكن اواجهها خاصة اني انسانة حساسة مرة ومااتحمل كلام من احد
احس ان المواقف اللي صارت خلتني اشيل في قلبي عليها لدرجة اني مو قادرة اتعامل معها باي شي ولا قادرة اتحملها ولا قادرة بعد اتنازل عن اي شي فيه راحتي

السلام عليكم ورحمة الله وبركاته

أختي...

في هذه المواضيع...القرارات المتسرعة قد تؤدي بك للندم في النهاية...

يعني ممكن تقرري إنك تنفصلي عن بيتهم...و بعدها لو صار أي شيء لوالدة زوجك...راح يوجعوا و يتهموكي...و يقولوا إنك قصرتي في رعايتها...

لذلك..احسبي الموضوع من كل جوانبه..و ما تتسرعي أبدا...شوفي هل في حد ثاني راح يرعى والدة زوجك ؟

هل لو انفصلتوا عنها في بيت ثاني فعلا راح ترتاحي...هل راح تخف زيارتكم لها ؟ طيب و ابنها اللي متعوّد يشوفها...؟ هي راح تزيد المشاكل بسبب تصرفك هذا..و تبدأ توغر صدر ابنها عليكي...

طبعا إنتي أدرى منا بظروفك...بس أنا قصدي تحسبيها كويس..علشان ما تزودي المشاكل عليكي... و تستخيري الله قبل كل شيء...

أختي مرموم

في البيت معنا اخو زوجي ...وأحد من الاثنين بيطلع يازوجي ويبقى اخوه او العكس وكان من المقرر خروج اخو زوجي لكن نتيجة لنفسيتي المتعبة طلبت من زوجي انا نحن نخرج ويبقى اخوه ... ذلك لان ام زوجي تقدر زوجة حماي وتحبها جدا وهي الكويسة بنظرها.
ففكرت ان افضل لام زوجي ولي انا اني اخرج من البيت وبتالي ترتاح نفسيتي المتدهورة وارتاح من الضغوط الواقعة علي وبالتالي تتحسن علاقتي مع ام زوجي نظرا لان علاقتي معها وصلت لدرجة سيئة ففي بعض الأحيان اجلس معها ولااتحدث باي موضوع فقط اذا كلمتني جاوبتها بقدر سؤالها.

أنـــــــــــا مع الاخت مذهله البحرين ...

في كل كلمة قالتها ...