برنامج متكامل للجسم ولا احلى في خلال اسبوع بس

هلا بنات كيفكم
تصدقون عاد كانت لي امنيه في حياتي والحمدالله تحققت وهو اني اكتب في قسم البشره والجسم وانا اعرف وش السالفه واعرف وش احسن شي يفيد للجسم
<-----ياعيني على الامنيه يا نجديه :smile:
المهم بنات الصراحه وباختصار انا الي ينطبق عليها المثل الي يقول
تقول للكسل قوم وانا اقعد مكانك
ادري مافيه مثل كذا انا قبل شوي الفت وباخذ برائة المثل عن قريب
ياكثر هذرتي ادري المهم بقولكم عن برنامجي اليومي
والحق ينقال بنات انا لي اكثر من سنه بس احووس بين المنديات وادور في المواضيع الي تخص الجسم خاصه
لان الوجه ممكن يترقع في المكياج بس الجسم صعب
اقولكم وش كنت اشتكي منه
1-الخطوط البيضاء وهاذي الي من جد معقدتني
2-اسمرار في الركب والاكواع طبعا وهاذي علامة الجوده
3-واشوف عدم تناسق الجسم بالاولان يعني جسمي علبة الوان
كل مكان لون
المهم الصراحه طوووولت على ما اجمع الاشياء الي اشوف البنات يقبلون عليها اكثر ولها ردات فعل وانتظر نتائج الباقي
وطريقتي الصراحه مهيب صعبه ابد وما تستغرق ربع ساعه يوميا والنتائج باسبوع تطلع
وانا اشوفه برنامج متكامل لكل الجسم
بقولكم النتائج اول
نعووووووووووووووومع ونعووووووووووومه وبعد نعوممممممممممه مشاء الله تبارك الله
وتوحيد لوووون يعني من جد تحسين بالفرق مشاء الله وهو بس اسبوع بس مو فرق كبير لان المده قليله
واكثر شي لاحظته من جد والحمدالله عجبتني النتيجه هي الصدر
مشاء الله مشاء الله الصدر صار كانه مرايه.أبيض.وحلمت الصدر مرررره صار لونها مررره فاتح وقالبه على الوردي
مشاء الله
ومشدود
والجسم كله مشدود والفخود صارت متناسقه
وكف اليد والرجل توحد لونهم مع باقي الجسم
الليل
اوكي بقولكم قبل ما تنامون اذا رحتي للحمام وانتي بكرامه بعد ما تغسلين وجهك لا تغسلين اسنانك اصبري
1_جيبي خل التفاح وحطي شوي منه بقطنه وامسحي على الصدر كله وعلى البطن والافخاذ والارداف
طبعا هذا يشد المناطق هاذي ويساعد في تفتيح الون

2_بعدها جيبي زيت لوز وسكر وعصير ليمون طبعا تكونين حاطتهم في علبه وخالطتهم زين
وبالقطنه تاخذين شوي
وتمسحين على الخطوط البيضاء الي موجوده عندك
طبعا هذي الخلطه جدا مفيده للخطوط البيضاء

3_بعدها تكونين حاطه في علبه بعد الجلسوليد السائل مع عصير ليمون
وتاخذين بالقطنه وتمسحين على المناطق السمرا عندك مثل الاكواع والركب والابط وحافة البيكيني في المنطقه الحساسه
وبعدها
4-حطي الخلطه هاذي وهي
جلسرين العلبه الحمراء..وفازلين.فكس.وعصير ليمون..زيت لوز..زبده كاكاو..بودره حليب
كلهم تخلطينهم مع بعض
ونامو في الخلطه هاذي
بنات لا تسئلوني عن المقادير حطي الي انتي تتوقعين انه بيكفيك لمدة اسبوع
بس الفكس حطيه اقل مقدار
يعني
ملعقتين كبار جلسرين وملعقتين كبار فازلين وملعقتين حليب بودره..وزبده الكاكاو 3 ملاعق وربع فنجان زيت لوز وملعقه فكس وعصير ليمون ربع فنجان
يعني حطو المقادير على حسب رغبتكم انتم

والحين ابدئي فرشي اسنانك قبل ما تلبسين ملابسك
كذا تعطين وقت لبشرة الجسم انه يتشرب الكريمات
وانتي على الفراش بتنامين
حطي تحت عيونك علشان الهلات السود زيت لوز مسحه بسيطه بالقطنه
وافركي شفايفك بليمون وبعدين حطي عليها فازلين
طبعا هذا يساعد في تفتيح لون البشره ويخليها مورده وحمرا:shy:

-------
في الصباح
حطي ليمون وسكر وشوي زيت لوز بس شوي وسوي سكروب دلكي جسمك كله علشان تنظفين جسمك زين
وخذي بعدها شاور

قبل ما تغسلين اسنانك
تسوين نفس الي سويتيه في الليل
ألا الخطوه الاخيره لا تسوينها الا اذا انتي قاعده في البيت وماعندك شي
لكن اذا انتي موظفه اوطالبه لا تستخدمين الخلطه هاذي
جلسرين العلبه الحمراء..وفازلين.فكس.وعصير ليمون..زيت لوز..زبده كاكاو..بودره حليب
في حالة انك موظفه او طالبه
حطي على كل جسمك كريم زبدة الكاكاو

وعلى العصر او المغرب وانتي على الكمبيوتر او عند التلفزيون حطي نص ليمونه على الكوع وانتي متركيه عليها ا
طبعا هاذي خذيها من اليمون الي عصرتيه علشان الخلطات لا ترمينها استفيدي منها للاكواع

بنات والله النتيجه فوووووق الروعه والطريقه مرررررررررررررررره سهله ما تاخذ منكم ولا شي..لاني انا مثلكم مافيه اعجز مني
وعلشان كذا الطرق كلها سهله وما يحتاج لها اي تعب
ولو تلاحظون اني اركز على كل مشكله بالحالها وبخلطه خاصه فيها
مثل الخطوط البيضاء والصدر والاكواع والركب والابط

وحطو الخلطات في علب وحطيها في الحمام وانتي بكرامه يعني كل شي يصير جاهز

والاسبوع ومن بعد يومين ببدا خلطه الفازلين والكركم انشا ءالله وانام فيها بدال خلطة الجلسرين والفكس والحليب
يعني ما اضغط على جسمي بالخلطات
لكن اعطي كل خلطة مده اسبوع وانشا ءالله اذا نفعت معيالكركم والفازلين بخليها اكثر من اسبوع

بس من جد يا بنات انتم اتبعو البرنامج هذا وبتشوفون النتيجه من نفسكم وحتى لو تبون تتكاسلون مجرد انك تشوفين جسمك مشاء الله كيف صار
بتتشجعين اكثر

والي تبدا فيها تقول لنا النتائج ومابي الا الدعاء بس

بنات نسيت اقولكم ترا انا جسمي من النوع الي حساس وما يتقبل اي شي علشان كذا كنت اخاف احط اي شي

بس الحمدالله الاشياء هاذي نفعت معي

وانشا ءالله برد عليكم على خلطة الفازلين والكركم
وش بتكون نتائجها

بنااااااااااااات همتكم معانا انتم بس جربو ولا تحكمون الا لين تجربون بس عطو نفسكم اسبوع واحد بس
وفيه نقطه مهمه
حطي عند سريرك جيك او ترمس مويه فيه شوي ماء ورد
واول ما تصحين اشربي كاسين
وبعد ما ترجعين من الحمام وانتي بكرامه بعد الخلطه اشربي كاسين
وبعد كل صلاه كاسين
وشوفي البشره كيف بتطلع مشا ءالله
روووووووعه ولا احلى :up:
---