وش اسوي هو اقصر مني

هلا بك اختي gillian

انا بسئل سؤال هل الشاب دينه زين وبعد كذا هل شخصيته واسلوبه حلو وبعد كذا مقتدر ماديا وهل فيه عيب خلقي او شكله قبيح


اذا كان السبب الي ذكرتيه هو بس الي مضايقك فاقولك







بلا دلــــــــــــــــع


يعني صدق... دايم البنت ودها زوجها يكون اطول منها بس اذا كان كامل من كل شيء وهذا العيب الوحيد فيه فحراااااام انك تضيعيه

سؤال اخير هل الفرق مره كبير....
يعني ياليت لو تكتبين لنا طولك.. وطوله تقريبا عشان نعرف اذا الفرق كبير ولا لا


وبعدين ريحي نفسك واستخيري وتوكلي على الله :smile:

ايه دة يا gillian :rolleyes::rolleyes:

هتفكي خطبتك بسبب طول عريسك:eek2:

طيب ولو هو انسان رائع من كل النواحي تسبيه عشان الناس متتكلمش عليكم او يسخروا منكم

وهل الناس اللي انتي عاملة حسابهم دول هيعيشوا معاكم:s2:s2



فكري بعقل وتروي وحطي في دماغك ان الشكل مش مشكلة لاني اعرف واحدة طويلة جدا وزوجها اقصر منها ولكن ماشاء الله لا قوة الا بالله ....

زوجها نعم الزوج الصالح اللي فعلا متقي الله فيها ومدلعها آخر دلع


فكري بحكمة وسيبك من موضوع الطول وربنا ييسرلك الخير

الصراحه لا تتسرعين بالموافقه... شنو آخر الرجال

ياما لك من الخطاطيب بجيك إللي احسن واطول

gillian


غاليتي لا تهتمي أبدا .... أعرف من تزوج برجال اقصر منها ... ما فيها شئ يمكن بالبداية بتقولين هيك لانك لسه ما تعرفيه ولا تعرفي شخصيته ولا طباعه ... يعني المظهر هو اللي بيأثر فيكي الحين ,,,, بس لما تعرفيه زين وتحبيه وتعجبي بشخصيته ورجولته ما رح تشوفي هالفرق في الطول بينك وبينه ....


صدقيني مدام هو أخلاق وشخصية وطيوب .... القصر ما رح يكون مشكلة


وانتي وش رايش تخلين الكعوووب وتلبسين جواتي بكعوب منخفضة او احذية رياضية تراها مريحة وانيقة مرة :up: :up: :up:

شوفي الفيصل في هذا المووضوع هو مدى تقبلك وارتياحك للخطيب ... شوفي نفسك وفكري زين ترى الرجال مواقف مو اطوال


تحياتي


توتة :o

السلام عليكم ورحمة الله وبركاته

شوفي أختي...الموضوع مش في الطول و القصر...الموضوع فيكي إنتي...

كان ممكن ييجي لك واحد طويل جدا...و تقولي نفس المشكلة...

لذلك...

أولا : قال أشرف الخلق عليه الصلاة و السلام : ( إذا جاءكم من ترضون دينه و أمانته فزوجوه )...

لو هذين الشرطين متوفرين...يبقى الشروط انطبقت..

الحين...لو إنتي تحبي هذا الشخص و متمسكة به فعلا...و حاسة إنه رجل قادر على غسعادك...ما كان راح يهمك اللي يقول طويل و اللي يقول قصير...و اللي يتمسخر...كنتي راح تقولي لهم زوجي عندي بالدنيا...و راح تخرسي ألسنتهم كلهم...

لكن واضح إنك عاملة للناس ألف حساب...و على حساب خطيبك..زلذلك لو ظلت هذه الفكرة في راسك راح تتعبي لو اتزوجتي هذا الشخص...

شوفي نفسك...هل فعلا عندك استعداد تواجهي العالم و توقفيهم عند حدهم...في سبيل هذا الرجل الذي ستسعدين معه ؟

مش أهم شيء تكوني سعيدة و مرتاحة مع راجل يحبك و يصونك ؟

واللا أهم شيء لما الناس تشوفكم ما تقول عليكي أطول منه...

الأمر راجع لك عزيزتي...

لو إني احترمت خطيبك و قدّرته أكثر...لأنه لما اتقدم لخطبتك...بحث عن سعادته معاكي...و لم يبحث عن نظرة الناس لطوله مقارنة بطولك...

شفتي كيف الفرق بينكم إنتوا الإثنين في طريقة التفكير في بعض !

اختي العزيزة ..

شوفي انا بقولج قصة ربيعتي ..وانتي احكمي بنفسج ..

بس انا متأكده انج احسن منها ..لانها الله يهديها وايد اتحب المظاهر..وهي ماشالله عليها ملكة جمال.. كل ما يالها عريس طلعت فيه عيب بالمظهر ..اخر شي تقدملها ولد عمها ..ماشالله عليه مافي احسن منه بالاخلاق والدين و كل شي .. ويحبها وايد..بس.......هو اقصر منها ... استمرت خطوبتهم سنة ..وهي تلح بفسخ الخطوبة عشانه اقصر منها .. وانا ياما نصحت ..مافي فايدة..
وسوت إلي تباه و فسخة الخطوبة....الحين مسكينة لين الحين ما تقدملها احد ..(بسم الله عليج بعيد عنج اختي)
فيا اختي فكري عدل قبل لا تسوي اي شي..ترا اهم شي في الانسان جماله الداخلي مب الخارجي ..لانه الجسد فااااااانيييييي
الله يوفقج و يسر امورج انشالله

الله يوفقج ونا اوافق خواتي الراي يعني الطول مش مشكله اذا

كان جسمه متناسق انتى البسي احذيه عاديه عشان ما يبين الفرق


وبالتوفيق

تحيه وبعد.....

صديقتي زوجها اقصر منها ... وبصراحه ما تندمت ابد انها تزوجته ....

واذا من الحين بتفكرين بالطول والقصر الله يعينك....

ترى الزواج مسؤوليه

هلا اختي لا تخلي تفكيرك سطحي خليكي اعمق من كذا يعني لوكان اخلاق ودين وطيبه وما فيه عيب توكلي على الله
حتى بنت عمي متزوجه واحد اقصر منها بس عادي مرتاحه ومتهنيه
الله يوفق الجميع

شووفي يابعدي

اذا كنتي تنظرين للرجوله عن طريق جم طوله وجم وزنه فهذي مشكله بس ماراح اقول غريبه لانه وااايد من البنااات يخاافون من الكلام النااس وسخريتهم

بس هالموضوع بيدج انتي


انا اقوول رااجعي نفسج وفكري عدلي اذا كنتي من الي يخاافووون من حجي النااس وطنازتهم وخايفه ان هالشي يأثر في مشااعرج مستقبلاً وفي علاقتج وياااه


والله يكتب الي فيه الخيرررر

شوفي يا عسل

أيام زمان كانوا جداتي شو يحكوا .. هذا زوج مش قلادة؟؟

فهذا رجل وولد ناس وجاء يتقدم لك علشان تبنوا حياة أسرية لها أسس

وهو ليش ما قال في نفسه نفس كلامك

بوقف جنبها وبيعيبون علي الناس ويقولون هذا قصير وهي طويلة

شوفي عزيزتي الدين والأخلاق أولا

ثم الشكل والجيب

والاستخارة قبل كل شيء

وبعدين عزيزتي .. هلكنا عمرنا لحد ما انخطبنا والمخدات تشهد على دموعنا من عدم وصول ابن الحلال .. ولما إجانا قمنا نعيب عليه ونقول وع .. حطي عقلك في راسك واوزنيها صح .. وهي بالنهاية حياتك وأنت من سيعيش فيها.

وربنا يوفقكم

إذا الرجال أخلاقة طيبة ومن عايلة طيبة ويقدر يعيشك العيشة الطيبة اللي تبيها أقولك غمضي عيونك وتوكلي على الله

اما إذا ما توفرت فيه هذيك الشروط أنا أقولك حكمي عقلك وشوفي إن كنتي بتكملي معاه او لا لأن الزواج مسؤلية والزواج زواج عمر مش زواج يوم وليلة أو فستان وهدايا إذا انتي من الحين تنظري لشو بيقولو الناس.

حبيبتي الناس بتقول كثير وبتعمل كثير

وبعطيك قصة جحا وولده وحماره

كانو مسافرين جحا كان راكب حماره و ولده كان يمشي مرو على قريه فسمع جحا الناس تتكلم وتقول يالاقساوة هذا الأب راكب على الحمار والأبن المسكين يمشي على قدمه.

جح شو عمل سمع كلام الناس ونزل من الحمار وخلى ولده يركب على الحمار ومرو على قريه ثانيه فسمع جحا الناس تتكلم وتقول يالا عقوق هذا الأبن مخلي أبوه الشيخ الكبير يمشي على قدمه وهو راكب على الحمار .

مره أخرى جح سمع كلام الناس وركب هو وابنه فوق الحمار ومرو على قريه أخرى وسمع الناس تتكلم وتقول يالا قساوة هذا الأب وأبنه ركبو الحمار وعليه أمتعتهم أليس في قلوبهم رحمة لهذا الحيوان المسكين الذي يحمل أثقلا.

يعني هذي القصة الهدف منها ان الناس تتكلم كذا ولا كذا بتتكلم لكن وشعليكم من الناس وشعلى الناس منكم أهم شي اختي في الحياة الزوجية الأستقرار والتفاهم والعيشة الطيبة وأخر شي صدقيني الشكل الخارجي.

بعطيك أمثلة مرت علي

ياما شفت رجل وسيم وجميل متزوج وحده ليست بتلك المواصفات الجمالية اللي أحنا نتوقعها . أكيد لما يمر عليك رجل وسيم بينك وبين نفسك تقولي هذا هو كذا عيل كيف زوجته أكيد ملكة جمال لكن يوم بتشوفي الواقع هذا الوسيم ما خذ له وحده جد عادية وعايشين الحمد لله

ويام شفت حريم هن أطول من ازواجهن وعادي عايشين ممكن صح الواحد يقول ها هي أطول من زوجها وبعدها بس صدقيني محد يجيب هذي السالفة لأن الأمر عادي شو يعني الطول الرجل بقوامته مش بقامته

وياما وياما قصص.

بس أتمنى تكوني قد أقتنعتي بكلامي وكلام الأخوات لأن يدي تعبت من الكتابة :confused: بس كله عشان خاطرك يا عروس

طمني بالك والله يهدي سرك وما عليك من الناس شوفي قصة جحا واتعضي

بالمابرك حبوبه والله يهنيييج مع زوجج ويرزقج بالذرية الصالحه اتوكلي على الله ولا تسمعين حجي الناس الريال مخابر مو مظاهر ، بعدين انا طويلة وزوجي اقصر مني بشوي عادي ما اهتم حق هالشي دام اني احب زوجي وهو يحبني.... وبعدين لازم تاخذين واحد اقصر منج حتى عيالكم يصير طولهم مناسب :cool2: لان اذا انتي طويلة وزوجط طويل بعد الله يعيين عيالكم بتصيرون زرافات:D2اتغشمر معاج لاتزعلين باي

اختي العزيزة ..

قبل كلشي فكري لو انك فعلاً رفضتيه وش يضمن لك انه راح يجيك واحد أطول منه ؟؟؟ ولو فرضاً جا لك اللي اطول وش يضمن لك انه نفس اخلاقه ؟؟؟ يعني الإنسان لا يخلو من العيوب .. يعني إذا ما كان خَلقاً راح يكون خُلقاً ..

وأعتقد ان يكون العيب خَلقاً أحسن من خُلقاً وهذا ما يعتبر ذاك العيب يعني ولله الحمد .. الله يتمم السالفة على خير .. ونسمع الأخبار الحلوة ..

ولا تنسين تعزمينا .. ترانا ننتظر ..

تحياتي ..

السلام عليكم
ياأختي اخذي بكلام الرسول صلى الله عليه وسلم
اذا أتاكم من ترضون خلقه ودينه فزوجوه
اللة يوفقج توكلي على الله
بااااي:up: