ولدي عمره 10 شهور ماياكل الا زبادي دانيت تدون ليش؟

[غرور بيشوو]

الله يجزاكي خير ياام المهند على كل كلامه كتبتيها وان شاء الله بابدى من اليوم باذن الله الله يسهلها لي ويعنني

اشكر جميع الاخوات اللي ردو وع تفاعلهم وياي الله يجزاكم الف خير وجعلها من موازين حسناتكم

والحمدلله ماخاب ظني يوم استشارتكم ريحتوني الله يريح قلوبكم:032::032::032::032:

[غرور بيشوو]

لااحظت انها مشكله كثرين بالمنتدى الله يعيننا ويساعدنا لايوقف الموضوع اللي عندها كمان اكله مفيده ومغذيه تقول لنا الله يجزاها خيرر

[.. أمــ عــلــيــ ..]

الله يحفظه لك وتشوفيه عريس ..

الله يهديك انا اتوقع انك ما عودتيه من الأول ع الأكل .. يعني من عمر 4 شهور !!!

من الحين ابدأي عطيه عصيرات طازجه .. انتي اعصريها .. مره فواكه .. مره برتقال .. مره تفاح .. على ذوقك انتي .. ولا تحلينها .. يكفي حلاها هي ..

اما الرز المصري .. انا اسوي لولدي رز مصري مسلوق + مكعبات بطاطس صغيره + رشة ملح ..
وتقدرين تظربينه بالخلاط علشان يصير مثل السيريلاك .. ولو ما تقبل الملح .. استبدليه بسكر نبات ..

وما يمنع انك تشترين له من الصيدليه بسكوت اطفال .. على نكهات .. وفيه ساده ..
ولا تهملين السيريلاك .. والله انه مغذي للأطفال الى عمر ست سنوات ..!!!!

اهرسي له تمر وأعطيه .. التمر يعوضه كل النقص الي في جسمه ..

الفواكه تقدرين تهرسينها له ..

الخضروات ( كوسه - بطاطس - جزر - قرع ) تقدرين تسلقينها بمويه وشويه ملح وتضربينها بالخلاط .. او انتي تهرسينها شوي بالملعقه ..

ولا تهملين الزبادي .. تراه زين للأطفال .. بس انتبهي لا تعطينه زبادي الأطفال اللي على نكهات خطيرررر مرررررره ..

بالعمر هذا تقدرين بعد تسوين له سمك كتغيير لطعم الرز .. اقلي بشوي زيت زيتون قطعه سمك ورشيها بقليل من الملح .. فقط .. بدون اي اضافات اخرى ..

البيض المسلوق خاصة الصفار .. مع الزبادي .. سمعت انه زين للأطفال ..

ان شاءالله اكون افدتك لو بالقليل .. واذا تبين اي مساعده بسؤال انا حاضره ع الخاص ..

[سندريلا الكون]

البنات ماقصرو وفوا وكفوا

اما عن التطعيمه فيه بعد ال6شهور 9 شهور ومن ثم سنه

[dr.shahrazad]

الله يعينك و يعيننا لبني مضرب عن الرضاعة و الطعام و احس اني كرهت الحياة و حتى بدات مشاكل مع زوجي بسببة لاني دائما مكتئبة و حزينة

[الكادي77]

الله يعينك و يعيننا لبني مضرب عن الرضاعة و الطعام و احس اني كرهت الحياة و حتى بدات مشاكل مع زوجي بسببة لاني دائما مكتئبة و حزينة

هونيها وتهون يالغلا الموضوع مايستاهل الحزن والاكتئاب اغلب الاطفال شهيتهم مسدوده مدام وزنه ضمن المعدل الطبيعي لاتحاتين الاطفال يختلفون حتى لو انولدوا في نفس الشهر بكره يكبر ويصير رجال ويجيك يقول يمه أبغى أسوي ريجيم..

[dr.shahrazad]

هونيها وتهون يالغلا الموضوع مايستاهل الحزن والاكتئاب اغلب الاطفال شهيتهم مسدوده مدام وزنه ضمن المعدل الطبيعي لاتحاتين الاطفال يختلفون حتى لو انولدوا في نفس الشهر بكره يكبر ويصير رجال ويجيك يقول يمه أبغى أسوي ريجيم..

تسلمين حبيبتي بس ادعيلي الله يهدية دعاء الغريب للغريب مجاب

[.. طيف الأمل ..]

البنات ماقصروا بارك الله فيهم
ما حبيت أمر وما أرد لان بصراحه اسلوبك في الطرح خلاني احس بمعاناتك

بالنسبه للتطعيم
توكلي على الله وطعميه كلنا طعمنا عيالنا حتى ولدي على الجدول القديم وضافوها له وما شاء الله تمام
وبالنسبه لعمر 10 شهور بدري ع المشي والأسنان يمكن تتأخر المهم إدراك طفلك وتفاعله معك
يتجاوب لكلامك وإشاراتك له يعني إنه بخير ولله الحمد والاسنان والمشي مسألة وقت لاأكثر والأطفال مختلفين ما يمكن نقيس طفل مشى وطفلي لا حتى لو بنفس اليوم ونفس الأكل
وزوجك تفهمي وضعه هو خايف ع الولد ما ينلام يمكن خانه التعبير تحملي
والله يخلي لك الحلو وتبشرينا بالنتايج قريب

[همــسات]

احنا ما نستخدم الرز المصري نستخدم العادي وكأن عمر ولدش قريب لعمر ولدي
تقريبا الحين علوي اعطيه اغلب الاكل
خصوصا ان اكون عندي امي وقت دوامي بس اخذت خبره منها لين عندي اجازة اعرف اتصرف وشنو اسوي له
لو كنتي امتابعه ويانه من البداية بتشوفين شنو انأكل ولادنه
والرابط اللي حطته ام مهند بفيدش واجد
احيانا اشتري لعلوي الكاستر الجاهز واحيانا اطبخ اليه في البيت يعني تغير
العصائر كل باضافة سكر طبيعي (التمر)
عصير جزر, موز, كمثرى, وغيرها واحيانا مكس
المانغو قوي على بطن البيبيات لا تعطينه والكيوي تقدرين تعطينه مع ان علوي ما اتقبل طعمة
تقدرين ما تسوي الفواكة عصير تهرسينه وتعطينه اياه بالملعقه
رز عادي اللي تاكلينه بس راعي الملح والبهارات لحين ما يتحملون عطيه بس خفيف البهارات
خبز او سليس قطعيه في الروب واكليه اياه خصوصا في الليل بتشبعه وترويه تقريبا مو يوميا اعطي علي
بيض مسلوق بس شوي لان احيانا يتحسس الطفل منه
سليس مع جبن
الحين المفروض ياكل اللي تاكلنه بس مرة ثانيه اقول ليش راعي الملح والبهارات

[رمــــش تركــــواز]

حالتك مثل حالتي مع بنتي اطبخ علشان ارميه استغفر الله
انا اكل بنتي زبادي فواكه وكورن فليكس وزبادي عادي مع عسل وبسكوت الاطفال كوجبات خفيفه وياادوب تااكل
والله صرت ااكلها من اكلنا يعني اضيف خضار مع اكلنا وماشاء الله عجبها هههههه
ماتحب الا الاكل المسبك يعني مااااااصرت اطبخلها لوحدها
والدكتوره تقولي لي اكليها سمك ولحم ودجاج وبيض خلاص هي كبيره
وصرت مثل ماقلت اكلها معنا سمك ودجاج ولحم شوي شوي اهرس لها كوييس مع شوية رز
والخضار والبيض لسى ماجربت
وكمان جرررربي وهذه نفعت مع بنتي اذا حطيتي اكلكم جيبي صحنه لوحده وجلسيه بجنبك
واكليه مععكم وهو يشوفك تاكلين فايكل معك .....ماشاء الله يفهمون خلاص

[ღღ دريـــم ويــب ღღ]

مايشوف شر ولدج
استبدلي الرز بمكرونه الاطفال ABCD الصغار وطبخيهم مع قطع بطاطس حلو وكوسى وهرسيهم بالشوكة وخلي يآكلهم هذا على الغداء
والفطور سوي له كورن فلكس مع حليب حار عشان يآكله وهو ذايب ما يغص فيه
والعشاء سوي له تفاح مهروس مع زبادي غشيه شوي ماراح يميز الطعم
وإن شاء يحب الاكل ويآكل

[ام عمـار]

الله يعينك اختي

ام المهند بعد عمري الف حمد لله على سلامتك و شكرا لمشاركتك

اختي في عدة مواضيع تفيدك المواضيع اللي ذكرتها ام المهند و في حاليا موضوع مميز للاخت ربيعة اسم وجبات طفلي بالصور

و في موضوع الاخت انثى بقسم المواضيع المميزة

و ابنك الحين كبير لازم اقل شي ياكل 3 وجبات

حاولي معاه و جوعيه عشان يضطر ياكل

بالتوفيق
و

[غرور بيشوو]

الله يجززاكم الف الف خيررررررررر على كل كلمه كتبتوهاا ياررب

وانا الحين بديت مع طفلي بالاكل والله يسهل ويسر