يسعدني أكون أول من يرد عليكي
انا عزيزتي لاأستخدم أسلوب الضرب نهائيا مع أطفالي ولا يمكن بحال من الأحوال أن أستخدمه
لان هالشي منافي لشخصيتي تماما ولقناعاتي
ولاني اعتبره اسلوب غير انساني البته ولايليق بشخص متعلم ومثقف انو يفكر فيه
وانا متاكده بانو بيجي بنتايج جدا مدمره وغلط كثير بالنسبه للطفل او الاهل
انا شفت هالشي في كثير من الامثله الحيه بالمجتمع
والله العظيم اكثر مايؤلمني لما اشوف ام او اب يضرب احد اولاده بالمول او الشارع ؟
حتى اني امسك نفسي بالعافيه اني اروح واعنف الاهل ..
فيه حوار في تفاهم في اقناع في عتاب في نقاش في مليوووووون اسلوب واكثر يمديكي تتعاملي فيه
هذول نعمه من ربي هذول هم اكبادنا هم احباب الله كيف نكسر خواطرهم ؟!!
كيف ممكن الاهل يسمحوا لانفسهم بانهم يقللوا من ثقة الطفل بنفسو ويسببوله شرخ نفسي داخلي وانكسار
وبهالشي بينبني جدار غليظ بين الطفل والاهل جدار مؤلم بالنسبه للطرفين
وبتتحول العلاقه من حب وارتباط ورحمه لعلاقه يشوبها الخوف خارجيا والكره والرغبه في الانتقام
بيحس الطفل ولو للحظات انك خصمه وممكن يتعمد احراجك اكثر واكثر ..
والنتاج جيل للاسف بتكون هذي وسيلته للتعبير عن غضبه
بيسود العنف عندهم وماراح يحكم عقله باي شي بعد كذا ..
بالعكس لازم نعلمهم التروي والحنكه ..
شلون يوصل لهدفه بالعقل وبالحكمه والحنكه سوا ..
لازم نحسس الطفل بان له احترام وكيان وتقدير
وبعد كذا لو غلط او تصرف بحماقه راح تكون منك نظرة عتاب او زعل او حتى لحظة صمت بالنسبه له عقاب شديد
وماراح يسمح لنفسو مره ثانيه ابدا بتكرارها
كمان لازم تكون في اجتماعات دوريه بين الاطفال والاهل بدون سبب معين
عشان كل طرف يتكلم عن الاشياء اللي ضايقتو من احد او حركه حبها من احدهم او تصرف زعلو بيوم
وكذا يعني نعتبرها جلسة فضفضه ويتناقش الجميع بكل حريه وراحه وديمقراااطيه
اشدد على ديموقراطيه لان بصراحه اكثر الاهل في مجتمعاتنا ديكتاتوريين للاسف والله بجد ..
انا علاقتي باطفالي علاقة عشق علاقتي فيهم غرااااام ..
هم اغلى شي عندي بهالدنيا وبهالوجود لايمكن اسمح لاحد ولاحتى لنفسي باني اكسر خاطرهم أو أزعلهم بيوم
عسى الله يحفظهم لي يارب وافرح فيهم
ويحفظ لكل ام اولادها يارب العالمين
اخيرا..
أعتذر عن الاسهاب والاطاله
لكن سؤالك حرك ساكنا من شجن
وجدت من بعض الضمير البوح به
وفقنا الله واياكم لما يحب ويرضى ..