هلا عروسة نعومة .. شكرا على ردودك الحلوة .. وتسلم ايديكي على المطاعم اللي ذكرتيها
Canada Girl .. حبيبتي تنوري كندا ان شاء الله .. شوفي حبيبتي .. هنا كل شي متوفر .. يعني مثل ما ذكرت لك عروسة نعومة .. ما تحتاجي شي ان شاء الله .. بالنسبة لملابس البيبي وحاجاته كلها متوفرة هنا واحسن من اللي هناك .. يعني جيبي بس الاساسيات اللي يجتاجها الطفل ملابس وغيارات وعلبة من الحليب اللي متعود عليه أو الاكل لحد ما ترتبي امورك وتنزلي السوق هنا .. أما بالنسبة للأدوية .. فالمفروض انك ما تدخلي للبلد اي ادوية بدون وصفة طبيبة .. هذا الشي ممنوع قانونيا .. ولو صدف وكان ضابط الجوازات اللي انتي عنده نحيس ومزعج ممكن يخليكي تفتحي الشنط وياخذ منك الادوية ويرميها في الزبالة .. وكذلك الحال بالنسبة للبهارات والاطعمة الغريبة احيانا يضايقون الواحد عليها ويفتشون ويشيكون انها فعلا بهارات مو مواد ممنوعة .. فالافضل انك تبتعدي عنها خاصة انها متوفرة هنا
أنا اقول لك أيش اللي ينفعك هنا .. طبعا الملابس الحجابية بكل انواعها .. مثل ما قالت لك عروسة نعومة .. ادوات القهوة والشاي .. متوفرة هنا لكن مو بالجودة اللي احنا متعودين عليها .. ممكن تجيبي معاكي فناجين القهوة والبيالات والدلال وحتى القهوة نفسها هنا قهوتهم مو طيبة جربت انواع كثيرة .. لكن بالاخير صرت اجيب قهوتي من عند اهلي ..
اما بالنسبة للبهارات والاعشاب .. فكل مرة كنت ادور على شي الاقيه .. يمكن بس مرة وحده بحثت عن حب الرشاد أو الحبة الحمرة .. وما لقيتها فارسلتها امي لي
هذا اللي اقدر افيدك فيه الان .. وبالتوفيق