صح كلامج الكويت حلوة وانا تعودت عليها وما اقدر اروح الحين اعيش في درتي واهلها بعد طيبين وخصوصا الي تعرفت عليهم والي من اهلنا
صح كلامج الكويت حلوة وانا تعودت عليها وما اقدر اروح الحين اعيش في درتي واهلها بعد طيبين وخصوصا الي تعرفت عليهم والي من اهلنا
ازيكوو يا بنات اخباركم ايه ؟؟؟؟؟؟؟؟؟؟؟؟
زعلت اوى يا ضى ع موضوع شغلك بس عارفه اكيد ربنا كاتبلك اللى احسن منه ان شاء الله عن قريب
ازيك ياوجدان وحشنى الكلام معاكى ياقمر وميرسى ع ردك عن طيران الجزيره استفدت منه انا لسه كنت داخله ع موقعهم دلوقتى عاملين عروض علشان عيد الحب التذكرتين بسعر تذكره
بنات انتو بقيتوا بتغيبوا ليه عقبال لما تكتبوا عاوزين نتكلم ونتفاعل مع بعض ع طول يعنى كل واحد يطلعلوا بفكره كده او اى حاجه نسلى بعض
اخباركوا يا احلة بنات وحشتونى جدااااااا
على رايك يا مصريه بالكويت التفاعل بقى قليل اوى علشان نتفاعل زى ما كنا الاول كنا بنسلى بعض وبنهون على بعض والله
مارو وبنت مسلمه متغييبين ليه من زمان مش بتدخلوا وخصوصا بنت مسلمه لعل المانع خير
مار لو تعرفى تبعتيلى السى فى بتاعك ابعتيه فيه فرصه محاسبه بشركه اللى فيه جوزى وان شاء الله تظبط معاكى هو قالى حتى لو اعترضوا هيدخلهالك شركات تانيه يعرفها
والله يجماعه اللى انا بعرفه بقوله وبدورلكوا على فرص كتير واللى يعرف اى حاجه يقولها للتانى ملناش هنا غير بعض
سلام عليكم
و صباح الخير لكل البنات
اولا متشكره اوى لكل اللى سأل عنى الفتره اللى فاتت و اسفه على غيبه دى و انى قلقتكو عليا
انا الحمد لله الحمد لله الحمد لله يارب الف حمد و شكر محبطه ع الاخرررررررررر
افحمتكو صح ,, ضغط شغل قاتل كان متواصل لمده اسبوعين اتقتلت فيهم و كرهت نفسى بدنيا و ذهنيا كنت بنام احلم بكوابيس ,,ايام الله لا يعيدها
ثانيا مكتئبه جدا من التجهيز مش قادره اقول مطحونه فى التجهيز زى باقى الناس ماشاء الله بس بنزل الف الف و مش بلاقى حاجه تعجبنى مش عارفه ليه انا فيا حاجه غلط يعنى و الله مش عارفه استغفر الله العظيم امبارح لفيت كتير فى حولى انى اجيب قميص نوم واحد ولا بيجاما ابدا ,,مش لاقيه حاجه عاجبانى و لما الاقى حاجه اقول هه ممكن اخدها ملاقيش مقاسى ,,اللهم لا اعتراض فللأسف انا مليش نفس خالص لحاجه ,,معلش يا ضى انتى ووجدان باذن الله الموضوع مفتوح و يبقى فيه تفاعل من كل الناس و انا و الله متابعاكو بس مش بيبقى عندى حاجه اقولها قوى يعنى ,,على فكره ممكن جدا الاكتئاب اللى انا فيه
دا من هرمونات البيريود ,,لانها المفروض تيجى متأخره عندى 3 ايام اهوه من الارهاق و التوتر ,,محتاجه دعواتكم و اوشوفكم على خير باذن الله و برده متابعه الموضوع مشاركه مشاركه ,,حاجه اخيره بس عايزه اقول فى هلا فبراير بيعملوا ندوات ايمانيات كل سنه تقريبا لو حد عرف اى حاجه عن المواعيد ياريت يعرفنا يابنات نفسى اروح اشوفكم على خير
وانا كمان وحشنى الكلام معاكى يا ام عتريسه انت اخبار الحمل معاكى ايه؟
انتى وصلتى للشهر الكام؟
على فكره العرض ده اللى على الجزيره هو نفسه العرض اللى كان قبله بيوم اللى انا حجزت عليه بس هو مش التذكرتين بسعر تذكره لا التذكره الواحد بحوالى 23 دينار بس علشان تحجزى بالسعر ده لازم تحجزى تذكرتين او اى عدد زوجى انا كويس انى لحقت نفسى فى العرض اللى فات لان احنا عددنا فردى 3 وابنى لسه اقل من سنتين يعنى كدا كدا ب7 دينار
اما بالنسبه للغياب عن المنتدى فانا عندى مشكله فى النت اليومين دول
انا نفسى الاقى شغل اوى قبل ماانزل متعرفيش يا مصريه هما ممكن يتاخرو فى الاتصال لحد امتى لو فى نصيب وهاشتغل يعنى اصل انا خايفه يتصلو واحنا فى مصر وخصوصا انى ممكن ما اجيش الا فى شهر 11 بس جوزى هييجى فى شهر 7 طبعا
المهم ربنا ييسر الامور وطنينا عالبيبى اول باول يعنى الحركه اخبارها ايه والجر والتنطيط اخباره ايه جوه ؟وحقنة التيتانوس خديتها ولا لأ؟
اخيرا شوفناكى ونورتى الموضوع يا هلا فيكى على راى الكويته
المهم ايه يا بنتى انتى بتتلككى علشان تتضايقى عادى جدا الامور اللى انتى بتقولى عليها دى ايه يعنى كام يوم تعب فى الشغل بتحصل مش مشكله خالص بكره تدخلى القفص ( عش الزوجيه )وتنسى كل الهموم دى
وبالنسبه للتجهيز انا معلوماتى ان الفروانيه هنا فيها اماكن لانجيرى ولبس بيت بشكل عام حلو عندك مستوره وفيها فيلا دى فيرا حاجاتهم حلوه وفى الجوهره وفى مترو عنده حاجات حلوه برده وفى مجمع كبير كدا ادام الجوهره عامل تخفيضات حلوه وعجبنى عندهم عبايات بيت شتوى ب8 دينار ومحل تانى فى نفس المجمع عنده العبايات الخليجيه بس الوانها حلوه مش مبهرجه خالص والعبايه كانت ب5 دينار تقريبا وفى اغلى طبعا
لو عنك استعداد تشيلى ابنى اخرج معاكى اوريكى الاماكن دى باستغلك لانى نفسى اخرج بس حد يشيلى ابنى بس برده احنا اخوات لو مش عاوزه تشيليه هاساعدك برده
المهم متضايقيش نفسك خااااااالص بكره لما تتجوزى هتنسى كل التعب ده
اه صحيح كمان فى مجمع فى الاخر كدا قصدى فى اخر شارع حبيب مناور فى الجهة المقابله لبيت اولادنا اللى هو فيه مذركير عندهم فى الدور الاول محلين لانجيرى فيهم حاجات حلوه وواحد فيهم اللى انا دخلته البنت اللى فيه مصريه وطيبه يعنى لما سالتها عن الاسعار قالتى كذا بس مش مهم السعر انا هاريحك فيه رغم انه كان ب5 دينار اساسا اللى انا سالت عنه يعنى مش غالى اوى ولا حاجه
وجارتى قالتلى ان المباركيه فيها حاجات حلوه بس معرفش بالظبط فين لانى مروحتش
وبالنسبه للندوات الايمانيه ايدى على كتفك انا هاموت واروح انا كمان بس معرفش عنها حاجه ممكن نوره اللى من المغرب تدلنا لانها بتروح دار القران ممكن يكون عندها علم او اى اخت كويتيه بس لو عرفتى قوليلى ارجوكى انا هامووووووووووووت واروح ندوات دينيه
ايه الاخبار يا بنات عاملين ايه خرجتوا يوم الخميس والجمعه ولا ؟؟؟؟؟؟؟؟؟؟؟؟؟؟؟
بينت مسلمه روقى كده وبلاش الاكتئاب ده يا بنتى فى ايه لكل ده كلنا مرينا بالايام دى رغم انها بتبقى صعبه وبيبقى فيها نزول كتيرررررر بس اخرها بيبقى حلو جداااااااااا وبعدين المفروض تكونى مبسوطه انك بتجهزى وخلاص هتدخلى القفص الذهبى بوصى انا كنت فى ماكس وكان عنده قمصان نوم وبيجامات حلوه جدااااا واسعارها كمان حلوه روحى هناك اكيد هتلاقى حاجات تناسبك روقى ياجميل واى حاجه ادخلى وفضفضى لينا
ازيك يا وجدان ياقمر اقول ع حاجه مش عارفه ليه برتاح فى الكلام معاكى وحاسه انى اعرفك من مده كبيرررررررررره عتريسه بقى اتحركت بس مش حركه زى اللى بسمع عنها انها بتبان كده شكلها ع البطن فاهمه قاصدى انا بس بحس بحركه كده كل فتره بحس انها بتقولى نحن هنا انا دلوقتى ناقصلى 10ايام وادخل السادس ان شاء الله انتى قوليلنا اخبار بنوتك وابنك ايه ؟؟؟؟؟؟؟؟؟؟؟؟؟انا حجزت فعلا ع الجزيره من فتره زى ماقولتلك تصورى ايامها كان فى عرض التذكره 10 دينار بس حجزت ع الساعه 6 دخلت تانى ع 8 نشوف لقينا العرض خلص مع ان جوزى بيقولى تعب عليكى علشان المطار فى اسكندريه بس قولتله مش فارقه انا الايام دى بنزل بقى الف ع الهدايا اللى هخودها روحت مستوره زى ما انتى قولتى يا قمر لقيت فى الايام دى تخفيضات لو عاوزه روحى الايام دى بالنسبه لموضوع الشغل اللى اعرفه انهم لو كده هيكلموكى ع شهر 5 لانهممن 6 اجازه والكل بيسافر والعوده بتبقى فى 9 يعنى يا اما فى 5 او 9 فلو كده سيبى لجوزك خطك وهو لما يجى يشغله ولو فى حاجه يبقى يقولك ولو اتصلوا بيكى يبقى الافضل تيجى ع شهر 9 وحلاص وان شاء الله بنا يوفقك ويوفقنا كلنا
مارو فينك يا جميل من زمان مادخلتيش
وع طريق العرس كمان فينك مابتدخليش طمنينا عليكى
ضى انتى موجوده دلوقتى لو موجوده تعالى ندردش مع بعض شويه
على فكره يا مصريه انتى هتنزلى على برج العرب لان مطار النزهه تقريبا بيتجدد وكل رحلات الجزيره اتنقلت لمطار برج العرب وده بعيد قوى مش زى مطار النزهه اللى فى اسكندريه يعنى العربيه اللى هتييجى تاخدك يا ريت يكون اللى سايقها اخوكى او والدك او اى حد قريبك علشان تبقى تعرفى تريحى عالكنبه ورا فى العربيه لان المشوار طويل هو جوزى اول مره ركب الجزيره نزل على مطار برج العرب وخد من هناك للبيت عندنا فى المنصوره 4 ساعات وشويه يعنى خلى بالك
انتى كنت عاوزه تدردشى مع ضى بس ولا انا كمان ممكن؟
بالنسبه لحركة عتريسه بكره تشوفى ماتشات كوره فى بطنك بس اصبرى لما تدخلى السادسولو ان بنتى كانت بتتحرك من الرابع بس لعب الكوره مكنش الا فى السادس او السابع مش فاكره بالظبط
بصى انا هنا اهو اما الحق اتكلم قبل ما العيال يقرفونى
كنت عاوزه اقولك لما تنزلى مصر باذن الله حاولى تروحى لدكتوره شاطره علشان معظمهم بيستسهلو ويولدو قيصرى وخصوصا البكريه لانها بتبقى متعبه ليهم
انا ولدت بنتى فى مصر قيصرى بس هنا لما ولدت ابنى فضلو ورايا لحد ما ولدت طبيعى
القيصريه سهله فى الاول بس بعد كدا بتتعب اوى لان الجرج مش بيروح ابدا ده انا حتى مش باعرف اهرش مكان الجرح
خلى بااااااااااااااااالك من الموضوع ده كويس واوعى تستسهلى انتى كمان وتقولى اولد قيصرى احسن
وقد اعذر من انذر
صباح الخير يا بنات ,, وجدان و مصريه ربنا يخليكم و متشكره اوى ليكو و لوصفك المفصل يا وجدان و باذن الله هحاول اخدمشاور يوم للفروانيه و على فكره انا النهرده احسن بكتير الحمدلله رب العالمين ,,وجدان هو لما ربنا يكرمك بالشغل هتسيبى اولادك مع مين؟؟ سؤال بفكر فيه لنفسى من دلوقتى !!
وصباح الخير يا ضى القناديل اينما كنتى
حبيت اطمنكم عليا سريعا كدا و هبقى متابعاكم باذن الله ,,تقريبا مصريه او وجدان حد فيكو قال بيلف على الهدايا و كدا ياريت اللى يجيى فى طريقه حاجه لقطه او محل جديد يعرفه يقولى عليه و كمان يابنات سؤال انا اخت جوزى حامل برده ايه المحلات الحلوه لهدايا الولاده و البيبى و كدا ,,اقترحوا عليا ,, و التقيكم بعد فاصل باذن الله
اخباركوا يا بنات ,,, وجدان ومصريه ومارو وعلى طريق العرس ونورا وكله كله
بنت مسلمه حمدالله على سلامتك يا قمر وايه يبنتى اللى عملاه فى نفسك ده دا كان اسعد ايام حياتى وانا بلف ع الحاجه بتاعتى كلها مع العلم ان محدش نقالى فتله واحده كل حاجه فى جهازى من الابره للصاروخ انا اللى مختاراها لانى صعبه اوى ومبقتنعش بذوق اى حد مهما كان ذوقه هههههههه تخلف بقى بعيد عنك
بالنسبه بقى للانجيرى والحاجات دى ازاى مش لقيتى حاجه حلوة انا معظم الهدوم بتاعتى من الكويت لان عندنا لازم العريس يجيب شنطه كده فيها هدوم لمراته قبل الجواز فكان جوزى جايبلى حاجات روعه هسالك هو جايب الهدوم منين وايه المحلات وهديكى تقرير مفصل ان شاء الله يس اما ييجى بقى من الشغل
وجدان ومصريه انتوا نازلين مصر امتى فى شهر كام وهتسيبونى كده لوحدى والله هعيط كده ؟؟؟؟
سؤال بقى محرج شويه بس للمتزوجين فقط
انا البريود اتاخرت عندى يومين عن ميعادها ,,, جوزى غلب يقولى شكلك حامل وانا اقوله لا مش عاوزه اوهم نفسى بصراحه كده انا خلاص تعبت من الانتظار وعاوزه اتاكد اعمل ايه اروح لدكتور ولا اعمل اختبار اول انتوا ايه رايكوا بس الشريطه بتاعه الاختبار اجيبها هنا منين وبكام تمنها؟؟؟ ردوا عليه بقى بسرعه ؟؟؟؟
وادعولى اطلع حاااامل ,,, ياااااااارب
ياااااااااااااااااارب يا ضى
واسمحى لى بما اننا كيميائيين زى بعض انى افكرك او اقولك حاجه صغننه من واقع عملى بما انى لسه مش من المتزوجات
اختبار الحمل بتحليل الدم بيكون اسرع طبعا من البول
لو كنت عايزه تعملى تحليل الدم استنى يومين كمان بحيث يكون فات على ميعادها تقريبا 4 ايام
ولو كنتى عايزه تعملى تحليل بول يبقى ممكن يكون مثلا اسبوع او 6 ايام عشان تضمنى النتيجه
معرفش انتى عارفه الكلام ده ولالا بس قولت اقول اللى عندى يمكن افيدك
وان شاء الله تعالى تفرحينا قريب جدااااااااااااا