ايه دا مفيش حد دخل من انبارح ,,,, انتوا خفتوا تردوا ولا ايه هههههههههههههههههههه
ايه دا مفيش حد دخل من انبارح ,,,, انتوا خفتوا تردوا ولا ايه هههههههههههههههههههه
لا لا مخفناش ولا حاجه بس الكلام ده انا سمعته كتير وطبعا اتضايقت لكن دى اكيد مش وجهة نظر الاغلبيه والا ما كانت البلد استمرت فى توظيف المدرسين والدكاتره والمهندسين لحد دلوقتى شوفى فى الغالب دى بتكون وجهة نظر حد حصل معاه موقف شخصى ضايقه رغم ان والله اليومين دول الاتجاهات بقت اكتر لتعيين اولاد البلد سواء هنا او فى السعوديه
وفى الاول والاخر الارزاق دى بايد ربنا يعنى اللى مكتوبله رزق ان شاء الله فى الهند ولا الصين هياخده
وعلى الجانب الاخر انا اتعاملت مع كويته عالنت طيبين جدا وخدوميين جدا منهم معانا هنا عالمنتدى زى الاخت ( المووقه) والاخت( عسوله كويتيه) ودى اللى قالتلى على اسماء مدارس للاحتياجات الخاصه وعناونيهم واقام تليفوناتهم رغم انها هتقدم فى واحده منهم وكمان فى الاول هى اللى كتبتلى السى فى بتاعتى وعمرى ما سالتها على حاجه وخبت عليا
كل مكان هتلاقى فيه ناس تحبى تتعاملى معاهم وناس متحبيش تتعاملى معاهم
سيبك بقى من الكلام ده وقوليلى هتنزلى الشغل امتى؟
على فكره انا الحمد لله حجزت فى شهر 5 على الجزيره وباذن الله هنعمل العمليه لابنى فى مصر وبمناسبة ابنى ادعوله ربنا يشفيه لانه عنده برد خاااالص ومش بيعرف يرضع علشان مناخيره مكتومه وصعبان عليا اوى اوى:confused:
النهارده هبت اول عاصفه ترابيه ربنا يستر بقى على انوفنا( جمع انف)
صدقتى والله انا وحشنى هوا مصر وتراب ارض مصر ووحشتنى مامتى اوى وصوت جرس البوابه لما بيرن معلنا عن قدوم ماما من القاهره لبيتى فى المنصوره باين علينا مكتوب علينا الفراق دايما سواء فى مصر او الكويتو وحشتنى حماتى ومناكفتنا فى بعض اصل احنا بنحب نهزر سوا دايما انا وحماتى ولما تزعل منى افضل اهزر معاها وكدا واناقر معاها واناديها باسمها او اسم الدلع
واخواتى وحشونى واهلى كلهم وحشونى واصحابى ولو انى مبقتش اشوفهم الا فى السنه مره بعد ما اتجوزت
ووحشنى السمك المشوى ووحشنى السوق والبياعيين اللى فى السوق والخضار الطازج ( مش المجمد) \
ومية النيل وحشتنىىىىىىىىىى
ياااااااااااااه انا وحشتنى كل حاجه فى مصر
طب تصدقو انا جدتى متوفيه من 4 سنين انا كنت باموت فيها اوى وحزنت اوى لما ماتت وباحس انها بتوحشنى اكتر لما باسافر بره مصر لكن فى مصر باحس انى قريبه منها اكتر وانها معايا اكتر مش هاطول فى النقطه دى لانها مؤثره اوى بالنسبه ليا وكمان مش عاوزه انكد عليكم
تعرفو رغم ان الحياه هنا اريح فى المواصلات والاسواق وكدا بس انا بحس ان التعب هو اللى بيخلى لحياتنا معنى والكفاح والنضال من اجل الحصول على تاكسى بيحسس الواحد انه له لازمه كدا
كفايه كدا لانى لو قعدت احكى للصبح مش هاقول كل اللى واحشنى
ازيكو يا بنات كلكم انا فعلا امبارح شوفت كلامك ياضى بس كنت بنضف البيت عامله حملت نضافه:21_184:فمعرفتش اقعد واكتب شوفتوا الجو قلب ازاى انا البيت عندى بعد مامسحت ونضفت يا بنات بقى كل رمل مش عارفه بيدخل منين من الرغم انى مقفله وكنت حاطه غسيل طار منه حاجات :sad:مش بالذمه دى حاجه تضايق بس الحمد لله ع كل شىء نرجع لكلامنا ياضى ع فكره كلامك فى الموضوع ده اتمسح بس انا راى من راى وجدان كل مكان بيبقى فيه كده وكده انتى عارفه انا لما عملت انتر فيو قبل كده كان اللى بيقابلنى واحد اجنبى والتانى كويتى بقى يساعدنى جدا فى المقابله لغايه لما وافقوا عليا بس انا اللى ايامها تعبت شويه وسيبته وكمان هتلاقى ناس زى ما انتى قولتى كده ردى ليهم لما تيجوا تزرونا فى مصر او تتعلموا فيها مش بنحسسكم ان فى فرق وفى الاول والاخر مافيش حد بيحب غربته ولا يبعد عن بيته ولا اهله بس دى الحياه
وسلامه ابنك ياوجدان الف سلامه يا حبيبتى ومبروك ع حجزك انتى سافرتى قبل كده ع الجزيره لانى انا كمان حجزت عليها اللى سافر يقولنا ظروفهم فى الوزن والحاجات دى كلها
بنات حد يسمع عن سوق دبي مول بالمنقف بيقولوا عنده حاجات برخص التراب الالحفة الحلوة الشتوي المبطنة و الصيفي القطن النضيف ب 4 دينار و 5 دينار تخيلواااااااااااااا
انا مش مصدقة ياريت لو حد يعرف حاجة يقولي و للعلم الالحفة دي بتتباع في اماكن كتير او في كل الاماكن ب 15 لحد حاجة و عشرين دينار
الجو بشع يا جماعة انا كنت هموت امبارح من التراب مع ان البيت كله مقفل ربنا يسهل الامور و يفك الجو شوية و يمطر و يريحنا
اخباركم يا احلى بنات .,,, هرد الاول عليكوا واحده واحده وبعد كده اقولكم الاخبار اللى عندى
[quote=وجدان احمد جاد;8776588]لا لا مخفناش ولا حاجه بس الكلام ده انا سمعته كتير وطبعا اتضايقت لكن دى اكيد مش وجهة نظر الاغلبيه والا ما كانت البلد استمرت فى توظيف المدرسين والدكاتره والمهندسين لحد دلوقتى شوفى فى الغالب دى بتكون وجهة نظر حد حصل معاه موقف شخصى ضايقه رغم ان والله اليومين دول الاتجاهات بقت اكتر لتعيين اولاد البلد سواء هنا او فى السعوديه
وفى الاول والاخر الارزاق دى بايد ربنا يعنى اللى مكتوبله رزق ان شاء الله فى الهند ولا الصين هياخده
وعلى الجانب الاخر انا اتعاملت مع كويته عالنت طيبين جدا وخدوميين جدا منهم معانا هنا عالمنتدى زى الاخت ( المووقه) والاخت( عسوله كويتيه) ودى اللى قالتلى على اسماء مدارس للاحتياجات الخاصه وعناونيهم واقام تليفوناتهم رغم انها هتقدم فى واحده منهم وكمان فى الاول هى اللى كتبتلى السى فى بتاعتى وعمرى ما سالتها على حاجه وخبت عليا
كل مكان هتلاقى فيه ناس تحبى تتعاملى معاهم وناس متحبيش تتعاملى معاهم
سيبك بقى من الكلام ده وقوليلى هتنزلى الشغل امتى؟
على فكره انا الحمد لله حجزت فى شهر 5 على الجزيره وباذن الله هنعمل العمليه لابنى فى مصر وبمناسبة ابنى ادعوله ربنا يشفيه لانه عنده برد خاااالص ومش بيعرف يرضع علشان مناخيره مكتومه[IMG]file:///C:/DOCUME~1/noooon/LOCALS~1/Temp/msohtml1/01/clip_image001.gif[/IMG] وصعبان عليا اوى اوى[IMG]file:///C:/DOCUME~1/noooon/LOCALS~1/Temp/msohtml1/01/clip_image002.gif[/IMG]
النهارده هبت اول عاصفه ترابيه ربنا يستر بقى على انوفنا( جمع انف)[/quote]اخبارك يا جميل عامله ايه والف سلامه على ابنك ربنا يشفيهولك ويخليهولك يارب... خلاص الحمد لله يا جميل انا اخدت حق مصر منهم واديتهم اللى فيه النصيب والحمد لله اعتذرولى ع الموقع نفسه وفيه ناس بعتتلى ع الخاص اعتذرتلى برده لانهم مينفعش يتكلموا على مصر كده وعلى راى بعضهم كلهم عندنا فى الصيف
[quote=مصريه بالكويت;8779108]ازيكو يا بنات كلكم انا فعلا امبارح شوفت كلامك ياضى بس كنت بنضف البيت عامله حملت نضافه[IMG]file:///C:/DOCUME~1/noooon/LOCALS~1/Temp/msohtml1/01/clip_image003.gif[/IMG]فمعرفتش اقعد واكتب شوفتوا الجو قلب ازاى انا البيت عندى بعد مامسحت ونضفت يا بنات بقى كل رمل مش عارفه بيدخل منين من الرغم انى مقفله وكنت حاطه غسيل طار منه حاجات [IMG]file:///C:/DOCUME~1/noooon/LOCALS~1/Temp/msohtml1/01/clip_image004.gif[/IMG]مش بالذمه دى حاجه تضايق بس الحمد لله ع كل شىء نرجع لكلامنا ياضى ع فكره كلامك فى الموضوع ده اتمسح بس انا راى من راى وجدان كل مكان بيبقى فيه كده وكده انتى عارفه انا لما عملت انتر فيو قبل كده كان اللى بيقابلنى واحد اجنبى والتانى كويتى بقى يساعدنى جدا فى المقابله لغايه لما وافقوا عليا بس انا اللى ايامها تعبت شويه وسيبته وكمان هتلاقى ناس زى ما انتى قولتى كده ردى ليهم لما تيجوا تزرونا فى مصر او تتعلموا فيها مش بنحسسكم ان فى فرق وفى الاول والاخر مافيش حد بيحب غربته ولا يبعد عن بيته ولا اهله بس دى الحياه
وسلامه ابنك ياوجدان الف سلامه يا حبيبتى ومبروك ع حجزك انتى سافرتى قبل كده ع الجزيره لانى انا كمان حجزت عليها اللى سافر يقولنا ظروفهم فى الوزن والحاجات دى كلها[/quote]
اخبارك يا جميل ,,,, بالنسبه للجزيره الوزن فيها 20 كيلو بس ومفيش خدمه ع الطيارة يعنى اى حاجه عاوزه تاكليها او تشربيها فى الطيارة بتدفعى فلوسها انا صراحه محبتهاش بس هيه بتنفع فى الظروف ولو انتى مش محتاجه الوزن فى حاجه ,,, بالنسبه بقى للتراب حاجه صعبه اوى ونفس الحال معايا التراب مغرق الدنيا قلت مش منضفه غير لما العاصفه دى تخلص وسايبه البيت معفن من التراب بس حرام انضف دلوقتى وكل شويه التراب ييجى مع انى بتنرفز من شكل التراب ,,, ربنا يستر
[quote=dandona we bas;8780695]بنات حد يسمع عن سوق دبي مول بالمنقف بيقولوا عنده حاجات برخص التراب الالحفة الحلوة الشتوي المبطنة و الصيفي القطن النضيف ب 4 دينار و 5 دينار تخيلواااااااااااااا
انا مش مصدقة ياريت لو حد يعرف حاجة يقولي و للعلم الالحفة دي بتتباع في اماكن كتير او في كل الاماكن ب 15 لحد حاجة و عشرين دينار[/quote]
معنديش علم والله بس هسالك يا قمر وارد عليكى ولا يهمك خالص
[quote=dandona we bas;8780713]الجو بشع يا جماعة انا كنت هموت امبارح من التراب مع ان البيت كله مقفل ربنا يسهل الامور و يفك الجو شوية و يمطر و يريحنا[/quote]
خلى جوزك يجيبلك كمامه علشان متتعبيش انا جوزى جابلى واحده ولابسه على طول لان انا صدى بيتعبنى من التراب وخصوصا وانتوا بتنضفوا البسوها لان التراب صعب اوى وريحته فظيعته وناعم جدا بيخترق اى حاجه
بالنسبه بقى لاخبارى ...فهى الحمد لله على كل الاحوال مش تمام ,,, واهم حاجه متياسوش
خلاص الوظيفه طارت ,,, اتصلوا عليه النهارده قالولى ان فيه مشكله مع الشؤون ان لازم يكون مارر على اقامتك سنه لان لازم نعمل تحويل اقامه على المستشفى وانا لسه مخلصه الاقامه بتاعتى ولسه يدوب مستلمه المدنيه ,,,, فلازم استنى سنه ,,,, بصراحه يا بنات الخبر كان صادم بالنسبه ليه وزعلت اوى بس رجعت تانى صليت ركعتين شكر لربنا وقلت قدر الله وماشاء فعل واكيد فيها خير يمكن مكنتش ارتاح فيها ,,, ادعولى بقى ربنا يصبرنى واتغلب ع الصدمه ويقوى ايمانى وعزيمتى
ايه رايك يا مارو لو تروحى تقدمى هناك احتمال كبير يقبلوكى لانهم اكيد محتاجين لسه جربى يمكن ربنا يجعلك فيها سبب ,,,,ولما تروحى تقدمى السى فى اسالى على مدام رشيده وقدمهولها هيه المسؤله عن التعيينات وربنا يوفقك يارب
معلش ياضى الخيره فى ما اختاره الله
انت استخرتى قبل ماتروحى وربنا عمل اللى فيه الخير
وان شاء الله المره الجايه تشتغلى فى مجالك بإذن الله
معلش يا ضى الحمد لله على كل حال هانت الايام بتعدى بسرعه
وبالنسبه للوزن يا مصريه انا لما كنت هنا من سنتين زياره قبل ما اعمل الاقامه جيت وروحت عالجزيره برده
بس مش بيعدو ولا كيلو زياده لازم تدفعى لو عندك زياده 2 دينار ونص عالكيلو الواحد وجوزى لما بينزل بيكون معاه ساعات وزن زياده بيدفع غصب عنه لانه طبعا مينفعش يسيب الحاجه هنا دول بيطلعو عنينا بس اعملى حسابك الشنطه اللى هتطلع بطن الطياره متزيدش عن عشرين كيلو بس انا لما كنت جايه من سنه كان الوزن بقى 27 مش عارفه قللوه تانى ولا ايه
والشنطه الهاند باج اللى هتخديها فى ايدك حاولى تحطى فيها ما قل حجمه وثقل وزنه لانها مش بتتوزن بس متحطيش فيها اى سوائل ازيد من 100 مللى لان الجهاز بيكتشفها وبياخدوها منك وساعتها مش هتعرفى ترجعى حاجه لجوزك لان الجهاز اللى بتعدى عليه الشنطه اللى هتاخديها فى ايدك جوه الطياره بيكون بعد ما تختمى الجواز وتوزنى وخلاص طالعه الطياره يعنى مينفعش ترجعى بره تانى
ومقص الاظافر بتاع الاطفال بياخدوه برده ولو حتى مسدس لعبه بياخدوه واى حاجه ليها علاقه بالكهرباء بياخدوها يعنى لو معاكى حاجه من دى يبقى تحطيها فى الشنطه الكبيره اللى هتتوزن
والاكل طبعا ممنوع عالطياره بس انا علشان كان معايا بنتى كنت باتخانق واقولهم هتاخدو الاكل من ايديها!!!!!!!!!
بس وانتى جايه من مصر لو جيتى عالجزيره ممكن ربنا يسهل وتعدى الوزن ده انا اول مره جيت كان معايا وزن 40 كيلو وبنتى ماكنتش كملت سنتين فمكنش ليها وزن بس الراجل شافنى شايله البنت ومش قادره اقف ما اتكلمش معايا خالص فى الوزن يعنى من مصر للكويت اسهل من الكويت لمصر
ولو عندك اى استفسار تانى انا فى الخدمه