تجمع حلم الامومة

[فلسطيـــن]

و الله جوفان مابعرف بس عندنا غالباً لو الوحدة حملت يحللو لها السكر و الغدة و التهاب الكبد الوبائي بعيد عنكم
و أنا محتفظة بالتحاليل عندي ..

و التحليلين الثانيين مابعرفهم لكن ممكن أسأل لك و أخبرك إن شاء الله

[عاشقة أنفاسه]

هـايدي

كلمت زوجي عن هذي المراه بس مارضى، قالي الحين المشكله فيني مو فيج
لاتجازفين بروحج دامج سليمه الحين الحمدلله ١٠٠٪
المشكله فيني انا الحين، اسوي الاشعة وأجوف شيقولون لي..

فقلت انا يالله بسمع كلامه وخلاص، اهو يسوي الاشعة وان شاءالله خير

وان شاءالله خلال هالكم يوم ياخذ موعد للاشعة عشان يروح..


عبوووق

بعد قلبي والله مايوحشج غالي يارب :*
والله متحيره، جوفي ردي فوق ههههه على هـايدي
احس كلام زوجي صح، ان الخلل حاليا فيه مؤ فيني
فماله داعي اجازف بعمري وجذي
اذا سوى زوجي الاشعة وعرفوا المشكله وتعالج وكل شي تمام
وما صار حمل يمكن افكر عقب اروح للمراخه
والله يسوي اللي فيه الخير يارب

شنو جديدج حبي 3>


دووودي

حيااااتي والله تسلميييين، عسى ماتفقدين غالي يارب
مافي شي والله، بس لهيت شوي بالصالون مع أمي .. تشتغل شعر وميك اب على مودل
وتصوير وجذي فكانت لازم تبيني معاها هههه
والله للحين متردده بس مثل ماقالت، لو غضيت النظر حاليا عن المراخه
برجع لها في حالة اذا سوا زوجي الاشعة وعرف المشكله وتعالج وماصار حمل
الله كريم يا قلبي ،، طمنيني شنو اخر اخبارج؟؟


مخدوعة

حبيبتي والله
وأحنااااااا مشتاقين لج اكثر والله
طمنينا عليه وعلى الكتكوت
الله يفرح قلوبنا كلنا بأخبار حلوة يارب



جديدي

مافي شي والله
اليوم اختي ولدت وجابت احمد
عندها قبل علي سنة وتسعة شهور والحين جابت احمد
الله يخليهم ويحفظهم ويهديهم

طرشوا صور البيبي بروحه ومع ابوه واهو حامله
تغرغرت عيني، صار بخاطري أجوف زوجي واهو حامل البيبي حقه
ومعظم ربعي وأهل زوجي اللي طرشت لهم مسج ولادة اختي ف الواتس اب
دعوا لي وقالوا لي الفال لج يارب ومن هـ الكلام
والله يابناااات استانس لما يدعون لي بالذريه الصالحه
وقسم بالله احس الارض ماتشيلني لما احد يدعي لي بهالدعوة..

الله كريم، الله يجبر بخواطرنا يارررررب

[فلسطيـــن]

عاشقة الله كريم بيرزقك إن شاء الله ..

و إن شاء الله بيجيك طفل تفرحي فيه إنتي و زوجك

ممم عندي سؤال ^ــ^


مرة قلتي بتسمي ابنك علي إن شاء الله , ليش إنتي و أختك علي ؟؟ فيه سبب ولا بس هيك


و بالنسبة لرأي زوجك , يمكن صح خليه يحلل و يشوف إيش يصير معاه و إن شاء الله خير
و بما إنك حملتي قبل الحمد لله أتوقع مشكلتكم بسيطة بإذن الله
و إن شاء الله بتحملي في القريب العاجل يارب

[◕‿◕زوجه دودي◕‿◕]

رجعت
الحمد لله ع كل حال
الأخبار ما تطمن أبدا
سوري جوالي بيقفل مافيه بطاريه
بس اشحن جوالي ادخل واكتب لكم التفاصيل

[هـايدي]

دودي

خوفتينا خير ان شاء الله
ويارب يكتبلك الخير في كل خطوه تخطيها ويسر امورك

[جوفان]

مشكوره فلسطين


عشوووق حمدلله على سلامه اختج
يتربى في عزهم حماااده


فلسطين
يمكن ابوها علي
ويمكن بس هيك
اسم علي جميل
على اسم ابن عم نبينا افضل الصلاه والسلام عليه

[جوفان]

دوووودي
خوفتينييي
اشحنيه بسررررعه

[هـايدي]

عاشقه

رد دودي نساني ارد عليك


ألف ألف مبروووووك عقبالك يارب

[عبق الورد 22]

مساااء الخير

عشووووق
الف مبررووك ما جاكم يتربى بعزكم ودلالكم يارب
والفاب لك ان شاء الله

انا ودي عن قريب اتمرخ مو بس عشان سالفه الحمل
احسه يريح الجسم حيييل..

ان شاء الله تكون اشعه زوجك تمام ..

دووودي

خوفتيني عليك حبيبتي
دخلي وطمنينا
الله يسهل عليج امورج ويفرجها يارب
وتحملين هالشهر قدرة ربي فوق كل شي

ننتظرك

[◕‿◕زوجه دودي◕‿◕]

أخذت الاشعه ورحت للدكتور
قال انو الانبوبين مسكرين من الأخير من فوق جهه المبايض
وقال احتمال تكوني شاده ع نفسك وقت الفحص مشان كذا مامشت الصبغه للآخر
قال أنصحك تعيديها مو الشهر الجاي الي بعده وعطاني حبوب ترخي العضلات
اخذها قبل الاشعه قال نشوف النتيجه اذا نفس اشعه اليوم او مفتوحه

اذا كانت مسكره عندي خيارين
اما اعمل اطفال أنابيب وخلاص ويصير كل ماابي احمل اعمل طفل أنبوب لان ماراح يصير حمل طبيعي
او أني أعالج الأنابيب اعمل منظار من السره يدخلوه ويفحص الأنابيب اذا كانت الأنابيب كويسه بس انو مسكره
يفتحها بعدين يصير الحمل طبيعي خلاص واذا كانت ملتهبه وتلفانه يخليها مسكره ويصير مالي الا اطفال الأنابيب
بكيت اول ماطلعت من عند الدكتور بس الحين الحمد لله مرتاحه

[◕‿◕زوجه دودي◕‿◕]

تسلمو حبايبي
حسيتكم صدق خواتي وصدق خايفين علي
ربي لايحرمني منكم

هايدي
اشعه الصبغه قيمتها ٦٠٠ ريال مو مكلفه
يمكن دكتورتك تقصد منظار رحمي هذا الي كان يكلمني عنه الدكتور
اليوم قيمته قال لي ١٤٠٠٠ ريال

[عبق الورد 22]

دودي

حبيبتي والله
الحمدالله على كل حال
ويااارب ان يكون السبب انك شادة على نفسك
لان مثل ماقلت لك اللي كانت قبلي
مره متوتره وشاده على نفسها
حتى قالت لها الدكتوره ما اقدر اسويها لك اليوم ..
الله يطمن قلبك ان شاء الله
ومايكون فيك الا العافيه
واذا زوجك مقتنع بسالفه الحمل بالانابيب
توكلي على الله وأختصري الطريق
والله يكتب اللي فيه الخير والصلاح
اللهم لا أعتراض على قضاءك
وانا بكره موعدي الله يعييين
دعواتكم لي حبيباتي خواتي ...

[هـايدي]

دودي الله كريم
انت قلتي انك كنت شاده والنيرس كل شوي اتقولك ارخي
ان شاء الله أنهم فاتحين وكويسين يارب

ثنتين من قريباتي كانوا مسكرين عندهن القنوات وسافرن مع بعض وعملن عمليه لفتحهن
وحده الحمدلله فتحن عندها وبعدها حملت طبيعي كذا مره ماشاء الله

والثانيه مافتحن بعدين ماأعرف وين سافرت ماسألتها وإجت حامل ماشاء الله

ربك كريم
والحمدلله الحين في حلول لمعظم المشاكل الطبيه
وإذا عرف السبب بطل العجب

بس مكلف المنظار الضمان عندكم يقدر يغطيه أو مثلا تقدري تروحي لحكومي ؟

[هـايدي]

دودي
كل شيء يهون في سبيل رؤية أطفالنا

لين موعد إعادة أشعة الصبغه
أكثري من الدعاء
(وإذا سألك عبادي عني فإني قريب أجيب دعوة الداع إذا دعان)


ويارب يفرجها ويهونها عليك

[جوفان]

يتصفح الموضوع حالياً: 5 (5 من الأعضاء و 0 من الزوار)
‏جوفان*, ‏روح الضبي, ‏◕‿◕زوجه دودي◕‿◕, ‏هـايدي, ‏عبق الورد 22


يالله حيهم

دودي ننتظرج