الله يسعدكم
مساء النور حبوباتي
امممم الباين لاهين اليوم كلنا
حتي انا اليوم جررري كله
مغامرات عروسة اليوم
نايضه بدري اليوم من 9 الا ههههههههههههههههههه
يا حناتي درت شويه اجوواء
يومها خبرتكن طلعني الغالي وعشاني درنا شوبنق وفاجاني بهديه
عباره عن طقم عطر ==== ان لاف
عطر روز وعطر احمر هوا نازل بمناسبه عيد الحب ووووووومعاه بدي لوشن كريم وسكراب كريم للجسم
وعلبتين مسكرات طلع فيهن اندر وير واحد احمر ---- وواحد بينك
=========================================
فا حبيت ندير جووو بسيط له ردا لطلعت يومها والهديه
نظت بدري اليوم
غيرت ديكور الشقه مع انو مزال ناقصني اثات شبه فاضيه بس غيرررت ف الموجود بدلت امكان الحاجات والاهم دار النوم غيرتها بوكل بدلت امكان الحاجات حتى السرير ههههههههه دفيته دف ساعه نتعاند انا وياه
و رتبت الدولاب وووحددت او كويت لبس الغالي كله وعطرته وعطرت دولايبي
وفرشت شراشف احمر وغيرت الامخاذ وعطرت السرير بعطري تاتتش اوف بينك =لاكوست
ثم خشيت نجري للكوجينه بديت ف الغذاء غذاء بسيط حسب الموجود ===الغذاء رز كبسه بخلطه الكبسه ودجاج محمر و سلاطه الزيتون وبطاطا مقليه هههههههههههههه وبس
وطلعت لداري كملت باقيها تلميع وتبخير وتعطيررر
عندى اكسسورات قلوووب عالاحمر وزينه حمره قهررروني ف شنطه الكبيره الي فوق الدولاب ووووووووووووالله مقدرت انزلها ولا عندي حويجه عاليه نركب عليها
المهم في عندي بوكس فيه شوية قلوب واكسسورات برضو علا الاحمر
استعملتهن وخلاص قلوب عيهن اسمينا و شموع
وهظا اسودي حبنا حارسي الامين الي حرسني لما سافر وحنا مخطوبين
وطلعت صورة لينا انا والغالي كانت ف عيد المولد اول مناسبه بعد خطوبتنااا
واول مره نبقو بروحنا كمخطوبين ههههههههههه يوم حلو كان
وكان ليا وقتها من يوم الخطبه ماشفته قريب 4 شهور وهوا كان ف مصر فالصورة له ذكرى حلوة ف يوم حلو انا كبرتها وحطيتها ف اطار جديد علا تسريحه دار النوم
وجريت للمطبخ كملت الامور وضميت دار التلفزيون وخديت دبشي ودخلت ندوش
وبالمره قبل الدوش دعكت الحمام كله ورتبت حاجات الشور ودوشت
وطلعت جرررررررررررررررررري ههههههههههههه كان تشوفن عروسة داهشه
شعري بخرته وهو مندي شوي ببخور ليبي بس مخدوم بيتي سممممممممممح يهبل وهوا يبقا منه نفحه بسيطه ف شعر مش واجد بس يبقا حلووووو ==
ما علينا سشورت خصلات بس من قدام ف والباقي رفعته
و مررت علا روحي مسحه جلسوليد شويا خليته عليما درت ميك اب
الميك اب درته ناعم------------بش يبان نورمال
وبعدها مسحت الزايد من الجلسوليد بمناديل ودرت بدي لوشن تتش او بينك
وتعطرت بنفس العطر وبس ههههههههههه
ولبس قفطااااان بيتي قصير قطن لوووووووووووووووونه تركواز جديد كيوت لان متاكده انه متوقعني لبسه احمر هههههههههه صدمته
والاحمر مخليته بعدين هذا الي مجهزته
الصورة ظالمته هلبا ستان احمر عليه طرف مشبك اسود والصدر شفاف فيه ريش
يعني اجواء بسيطه لاني نعرف راجلي والله مايحبش التكلف بوكل وما يحبش يحس اني تعبت روحي يقول المتعه تمشي مع التعب وما يحبش التفاصيل كيفي ههههههههههههه
فيلسوووووووووووف الاخ
المهم
اهو كسرنا الروتين واسترجعنا ذكريات اول لقاء والخطوبه
صدمني راجلي بهديه بسيطه قلت مش حيجيب لانه جابها من 4 ايام
الحمدلله فرح هلبااا كان يوم حلووو وعجبه الحاجات البسيطه الي درتهن وووووووووواهم شيء ان الاكل عجبه ومسح الصواني مسح ههههههههههههه
وصدمني بهديه جديده ههههههه والله صدمني
جابلي باكو مصفر بالاحمر فيه قميص و عطر شرقي وقلب يجنن منفوخخخخخ
طبعا انا تحمست وفتحتهن طول ووووواستنيت لين تغذاء وخش رقد بش قدرت نصورهن
هكي كان تقريبا بس الباكوو من تحت فيه شاش احمر طووحته ريحته سليكون ههههه
الركسونا امس وصيته عليه وانساه حطه الحانط مع الهديه
هظا قميص كان مسكر هوا شيفون احمر ف الاخضر جاني ضيق هههههههههه
لكن ما قتلاش
وووووووبس حبيبااااتي ادعولي ربي يكمل عليا بي بيبي حلو يونسنا
وانا من قلبي نقول ربي يهنيكم ويسترك ياااااااااااااااااااااااا ااااارب
المشاركة الأصلية كتبت بواسطة روززه
اهلين بنات ومدمات انا جديده لكن قديمة نبى ننضم معاكم^o)
مشكوررررررررة طرابلسية انت احسن وحده بعدى انا لانك رديتى عليا
...ربي يخليكم لبعض و يرزقكم ببامبينووو حلو عن قريب
