مفتشله من زوجي :( مشكلة الكل ( حبوب بعد الحف ) رد بنت عذاري

[ملكة الغروب]

كلنا عندنا مثل المشكله شكرا بنت عذاري بنت بلادي خلاص راح اسوي تقشير للمنطقه
وشكرا على المعلومات

[لذيـــذه]

تسملين يابنت عذاري على هالمعلومات ..

ومشكوره اختي قصايد999 على الموضوع ..

[دلوعته]

فديتج بنت عذاري

والله كلامج عن التغاضي عن العيوب بين المتزوجين مثل الماي البارد على العطشان الي توه راد من برع ياييب عياله من المدرسة

لأني حدي خايفة من الزواج ومن سالفة الحفاف احس اذا تزوجت باجابل المكينة والحلاوة والموس اكثر من زوجي

[OM SAAODY]

^
^
^
^
هههههههه
يااحليلج ضحكتيني
انا بصرااحه احفهاا بلحلاوة وناويه ااقطعها واجرب

[خيال ملاك]

مشكورة أختي على الموضوع و مشكوررررة بنت عذاري على ردك الحلو
و أني الصراحة أشيل بموس و صحيح أحياناً أواجهه هالمشاكل و لما قرات عن الحلاوة تحمست أستخدمها لكن زوجي ما شجعي<<<<<يخاف علي من الألم<<<<<<

[جـلــــنــار]

احلى من النعومة الي تلاقيها بعد ماتشيلي بالحلاوة ماتلقين غير النظافة والحلا
واناا ماانصح بالكريمات ولا الموس لانها ماتنزع الشعر وتبقى جذورها موجودة وسرعان ما تنمو هالشعرة بسرعة وتطول واعيدي هالسالفة كل اسبوع وياويلي غير السواد والحبوب :angry: :sad:
انا بنزل لكم موضوع عن كيفية ازالة الشعر في المناطق الحساسة بطريقة حلوة وسهلة وماتوجع

انتظروني

:shy: :shy: :shy:

[noha6006]

انصحك تستخدمين اي مخدر موضعي بخاخ مثل اكزوكايين مثلا او اي بخاخ اخر موجود بالصيدليه يستخدم عأده للاسنان انا د اسنان واقولك انه مو ضار وانتظري مده حسب تركيزه و مكتوب عليه كم لمده ليعطي مفعوله بعدها شيلي بالحلاوه للإمانه انا ما استخدمته بس كثييييير يمدحونه موفقه يا الغأليه....

[sarah_sa]

احترنا حلاوة والا موس

الحلاوة شي مزعج كنت زمان استخدمها ولما بطلت وجيت ارجع لها لقيت الامر مستحيل

استخدم آلة حلاقة من براون

حكه وحبوب وحاجات زي كذا مافي

الشعر ماصار قاسي

لكن يطلع بسرعه

جربي اشتريها وشوفي

[الملكة الواثقه]

يابنات انا كنت اشيل بالموس وكانت المنطقة خشنة وبسرعه يطلع الشعر
ومن مرتين حربت اشيل بالحلاوه المنطقة نااااااعمه والله ومايطلع بسرعه
بس الحين خوفتوني يوم قلتوا الرسول نهى عن هذا الشي ايش الحل انا مقبلة على زواج وفرحت من نتايج الحلاوة والحمدالله مو مرة تعور
اهيء اهيء اهيء يافرحه ماتمت بللليييز ردوا علي

يعني النتف حرام؟؟؟؟ لاني احيانا تبقى كم شعره انتفها بيدي كم شعرة بسيطة



ايش الحل انا اعتبركم مثل اخواتي

[visitor]

ماشاءاللة عليك يابنت عذاري كلاااااااااامك حلوووووووو ومقنع اللة يجزاك الجنة يااااارب
بس بغيت اسئلك انا لما اشيل عكس اتجاة الشعر تطلع حبوب بالهبل لية
يعني لو اعمل نفس طريقتك تقشير قبل وبعد الحف واحف عكس مايطلع حبوب؟

[دلوعته]

^
^
^
^
هههههههه
يااحليلج ضحكتيني
انا بصرااحه احفهاا بلحلاوة وناويه ااقطعها واجرب

اختي هالمكينة مالت براون من وين احصلها

وممكن تطرشين لي سعرها على الخاص؟

[قصايد999]

هلا الغاليه

شوفي تقشير المنطقه قبل ازالة الشعر منها بيومين مهم جدا

لأانه بيزيل كل الجلد الميت المسبب للحكه والذي يكون مثل طبقة الشمع على الجلد

وهو يمنع نمو الشعر فيسبب الحكة المجنونه (انا اسميها حكة المجنون)

لان الشخص مايعرف يحك والا يقطع المنطقه بمنشار :dd: :dd:

وتكوني مش داريه لانتي قادره تنامين ولا قادره تصحين

وهذه الحكة المجنونه

ووجود طبقة الشمع من الجلد الميت تعيق نمو الشعر ويبدأ جلدك يحكك

لان الشعر ينقزه من الداخل ..

وتقشير المنطقه قبل ازالة الشعر بيومين مهمه والتقشير بعد الازالة بيومين مهمه جدا

ولاتنسي بعد كل تقشير ترطيب بزيت لوز حلو وتتركينه حتى الصباح

وهذا بيهديء المنطقه ويرطبها ويلينها ويظهر كل الشعر

ولما تقشرين البشره بعد الازالة بتوجدين للشعر منفذ للنمو بسهوله

بلا حساسيه ولا هرش ولاالحكة ...

وانا افضل التقشير بالبيكنج صودا قبل وبعد وانهي التقشير بزيت اللوز الحلو

وبعد كل ازالة تاكدي من غسل المنطقه بمطهر حتى لاتكثر البكتيريا على المسامات وتسبب

دمل وحبوب ..وتطهر كل المنطقه..

سيتيل..نوباكتر..غسول خل التفاح..غسول البيكنج صودا..

وبعدها أيضا بيومين قشري المنطقه مره ثانيه يعني مرتين فى الاسبوع

وطريقة الازالة بالموس صحيحه بعكس اتجاه الشعر

واياكي وكريمات الازاله لانها تعدم المنطقه سواد والتهابات

وعند بداية ظهور الشعر لا تنسي حمامات المياه الدافئه بالملح المطهر والقاضي على الهرش

تملين البانيو بماء ساخن وتضيفي كوب ملح عادي واجلسي فيه حتى تلين بشرتك

وتستفيد من الملح والماء الدافيء..تعقيم وترطيب

وبعدها قشري الجسم بالفوطه بالبيكنج صودا

وعند الانتهاء رطبيها بزيت اللوز الحلو او زيت بيبي جونسون باللوز

ومع هذى الطريقه بتتخلصين من الحبوب والحك والتهيج

وانا عند بداية ظهور الشعر افضل استخدام بودرة للحراره الجلديه بالمنثول

وهي بتبرد وبتزيل احساس الحك ان وجد وبتريحك..

والماكينه اذا تناسبك استخدميها وهي تؤخر ظهور الشعر

والحياة الزوجيه يا قلبي اكثر من شعر واحراج

والزوج متفهم لزوجته ويقدرها واكيد يقدر كل ماتمر به من حروب مع الشعر

والعنايه والاهتمام والحمل والولاده وغيره

والرجال لهم عيوب بالضبط مثل المرأه لكنهم لايفكرون بحلها!!!!!

لان المرأه هذي زوجته وليس بينهما فروق ولا عيب وفشيله

وعندما يتزوج ممكن يصحي بكشته ولا يسرحها لان المرأه هذي زوجته :dd: :dd:

والحياة تبنى علي قواعد بعيده تماما عن البشره

طيب الاخلاق واللسان الحلو والرائحه الطيبه وطولة البال

وصدقيني اذا اكتملت هذه النقط لو عشتي بلا ازاله للشعر ماتفرق معاه

لان هذه المرأه بها اكثر من شعر..خلق وايمان وراحه

وربي يحفظ لك بيتك وزوجك ويسخره لك دوم..

جزااااااج الله خير حبيبتي سويت تقشير وحطيت زيت اللوز وخفت الحبوووب واايد الحمدلله .........وبعدها بكم يوم حفيت بمكينة .......بس رجعت لي مشكلة الحبوب ....... اول يومين لازم حبوب ....... اتوقع اكيد فيه حل ......

[مشتاقة الجنة]

الحلق لان الرسول صلى الله عله وسلم قال نتف الابط وحلق العانة والرسول مايقول شي الا في فايدة

[قطرية موت]

يابنااات احسن من الحلاوه مااااااااااافي لا حبوب ولا احمرار صج المنطقة تصير ناعمة وكل مره يخف لج الشعر اكثر انصحكم بحلاوه

[نوال33]

انا احلق بالموس باستعمال غاسول سيتيال والله روووووووووووووووووووووووع ة الحمد لله مافي لا حك ولا حبوب . احط على المنطقة ثم اشيل بالموس في الاتجاه المعاكس لنمو الشعر. ثم اشطف واحط الغاسول مرة اخرى على المنطقة. والله يابنات الطريقة هذي مريحتني على الاخر. بعد ما كنت اعاني الويييييييييييييييييل من قبل.