مصممتكم اليديده a9eela .. ( لفساتين السهره .. والقفطانات فقط )

[نجوم الليل]

أولا مشكورة على تلبية طلبي
وعسى عمرك طويل

وصراحة أختي ما عندهم سالفة الي يقولون هاي خرابيط
اذا هاي خرابيط عيل ايش تطلع الأزياء اللبنانية الي ما فيها إلا خلق مرقع

شوفي اذا ممكن تعرضي ازيائك على خياط راقي وتتعاونين معاه

احنا عندنا خياط للعرايس يصمم ويخيط في نفس الوقت والسعر يكون شامل
يعني اكيد عندكم مثل هاي الخياط

مع السلامة

[وتــ مجـروح ــر]

ماشاءالله عليج وحلو ان الواحد يكون مبدع في شي ويطوره وفكره حلوه
انج تصممين لبنات المنتدى وانشاءالله راح انساعدج والله يوفق ونشوفج مصممه مشهوره .......فكرتج حلووووووووه وتصميمج احلى

[a9eela]

العفو حبيبتي ريناد الامووره ..
وأنت اللي تيننين والله ..
الحمدلله أنهم عجبوج ..
والله يعطيج كل العافيه ان شاء الله ..
ونستيني ..

-------------------------------------------------

العفو حبيبتي نجوم الليل ..
وعيوني لج ..
ههههههههههههههههه أنا بعد أشوف ما عندهم سالفه ..
والله يا نجوم الليل مجتمعنا يرفض مثل هذي المواهب ..
وما يتفهمون ..
الله كريم ان شاء الله ..
وكلامج أسعدني وايد ..
وأنتي بس إدعيلي ..
وألف شكر لج يالغاليه ..

--------------------------------------------------------

تسلمين يالغاليه وتــ مجـروح ــر ..
كله من ذوقج ..
وحلت دنياج ان شاء الله ..
ويسمع منج .. والله كريم كل شي باذنه سبحانه ..
ألف شكر لج وتــ مجـروح ــر على مشاعرج الطيبه ..

[a9eela]

وهذا طلب الموناليزا ..
أتمنى يعجبج ..
سويت له حركات من الأكمام ..
ومتصله مع الرقبه ..
وان شاء الله يعجبج يالغاليه ..
وإذا حبيتي فيه أي تعديلات من عيوني ..
وإذا ما عجبج مستعده أغيره ..
ولج جزيل الشكر ..

[a9eela]

وهذا طلب غزلان ..
أتمنى يعجبج ..
وإذا تبين نصيحتي ..
إذا عندج خامه مشغوله ومشكوكه خلي موديلاها بسيط تطلع أحلى ..
وعلشان ما يخربها الخياط ..
لأنها مشغوله فراح تطلع حلوه ولو كانت عاديه ..

وهذا الأول .. الكامل المكسي ..

بنات لحد يشوف هذا الفستان ترى يحول عيونكم ..
ههههههههههههههههههههههههه هه ..
راحت عيوني وأنا ويا هالخطوط ..

بس لعيون غزلان تكرم ألف عين ..



وهذا الموديل الثاني مال التنوره ..
أتمنى يعجبج ..

وإذا تبين تعديلات أنا حاضره ..
وإذا مو هذا اللي في بالج قوليلي ..

[a9eela]

وهذا طلب الأخت روضه ..
من السعوديه ..
وهذا الفستان بأكمام ..
والقماش اللي تناسب هالموديل ..
هي تور بتطريز فرنسي عليه نمنم ويكون مموج ..
والبطانه ستان لمعه ..
ومو شرط تلقين نفس القماش ..
علشان جذي أنصحج بالقماش المموج ..
ولونه بنفسجي ..

أتمنى يعجبج ..
وإذا ما عجبج بلغيني ..

[forever]

مشكوره اختي a9eela على هذي الازياء الحلوه

ممكن تسويلي تصميم لفستان خطوبه :o

[a9eela]

وهذا طلب Missuae ..
وإذا تبين نصيحتي وتبين تطلعين ملكة الحفله ..
فصليه هذا الفستان وخليه لونه أزرق سماوي ..
وإذا كان عاري حيل من عند الظهر ..
عادي خليه ضرب واحد بس ..
والشيفون الي من تحت أخر الفستان ..
إذا شفتي عاري عادي سويه له بطانه ..
ويكون الخام ستان للبطانه .. وأورقنزا للي فوق ..
وعند قصة الصدر حطيه ورد ناعم .. جوري ..
أتمنى يعجبج ..
وإذا تبين تعديلات أو مو عاجبج قوليلي ..

[a9eela]

هلا حبيبتي forever ..
عيونج الحلوين وحلت دنياج ..
ان شا الله ..
ومن عيوني .. بس ما عندج مواصفات خاصه ؟؟

[a9eela]

وهذا طلب حنووووونه ..
لعرس بنت خالتها ..
وان شاء الله يعجبج ..
وإذا ما عجبج بلغيني ..

وإذا عجبج سويلي دعايه مثل ما وعدتيني ..
ولا ترى ............ :pain:
ههههههه أتغشمر معاج ..

[غزلان]

ما شااااااااء الله عليج يا اصيل

صرااااحه روعه تسلمليلي والله :clap:

واسمحيلي اذا عذبتج ويا الخطوط سلامت عيونج

وصراحه من حلاتهم كل واحد احلى من الثاني احترت فيهم اي واحد اخيط
:no:

ياليت حد تساعديني في الاختيار

والله ينولج اللي في بالج

ويخليلج غاليج

تحياتي
غزلان

[a9eela]

هلا بالغاليه غزلان ..
صج عجبج ؟؟
الحمدلله .. ويسلم غاليج ..
وبالعكس عادي تعبج راحه ..
وبالنسبه للأختيار ..
أنا أشوف تاخذين الثاني ..
ولا شرايج ؟؟
أنعم وأحلى ..

[om mshmsh]

بصرااحه تصاميمك جداا رااائعه
الله يعطيك العافيه
ويحقق لك امنيتك

[Missuae]

تسلمين عزيزتي الفستان جدا رائع وبسيط تعبتج معاي اسمحيلي الله يعطيج العافيه .........:clap:

[Naghouma]

و الله يا اصيلة التصميمات تجنن تجنن تجنن بسم الله ماشاء الله،تعرفي انا بادخل كل يوم على النت بس علشان اشوف انتي ازاي هاتلاحقي على الطلبات و هاتعمليها ازي ، و ماشاء الله لا قوة الا بالله مش بتقصري و احلى مما يتصور الواحد ، انا باحفظ الصور عندي (و انا عارفة اني مش هافصلها) لمجرد اني اتفرج على فن و ذوق ، ربنا يحفظك و ينور طريقك دايما ، آمين