بنات انا المستشفى اللي حولد فيها ان شاء الله قالولي انهم مش عايزين حاجة للبيبي غير هدومه بس تفتكروا اخد معايا حاجة احتياطي ولا لأ؟
سؤال تاني انا عايزة اعرف من الاخر الحاجات المهمة اللي احطها في الشنطة للولادة السيزيرين ضروري مش عايزة حاجة مالهاش لزمة
كتكوته بجد حاجات السبوع تحححححححححححفه وربنا يخليلك جوجو وعقبال ما تفرحى بيها وهى عروسه
انا عايزة اسالك سؤال تكتيكى بقى ههههههه الرز بلبن كنتو حاطينو في ايه انا عارفه اكيد في طباق ده جنان ده ولا ايه بس قصدى بقى جبتو طباق مخصوص يعنى ولا طباق عادى من عندكوا
انا بيهيألى تاخدى الحاجة و تستعمليها احسن عشان فى المستشفى بيعملوا اية كل حاجة هيجيبوها للبيبي هتضاف للفاتورة هيحسبولك البامبرز بفلوس و الاعشاب لو جابوله و كل حاجة هتستعمليها انتى و البيبي هيحاسبوكى عليها و ممكن متبقاش نفس كواليتى الحاجات اللى انتى جايباها فانا رأيي تاخدى الحاجة ولو قلقانة انهم مثلا يخلصولك الشامبو و كدة او مش يرجعوه خدى نوع اى كلام يوميها بس و سيبى حاجات سيباميد فى البيت متاخديهاش
الدايبرز اللي هي حفاضات البيبي وسونيتا ده نوع من الانواع بتاعتها زي بيبي جوي كده وبامبرز.
تسلمي يارب يا قمر، لأ احنا مستخدمناش اي حاجة خالص من حاجات البيت، جبنا كله علب واطباق من بره وغرفنا فيها وقفلناها، يعني الرز بلبن جبنا العلب البلاستيك بتاعته دي اللي عاملة زي علب الزبادي بس حجم اكبر طبعا وبالغطاء بتاعها، والاكل بقي نفسه بتاع العقيقة جبنا اطباق فويل مستيطلة كبيرة وغطيناها بفويل عشان السخونة، وجبنا بردو نوع تاني بس محتجناهوش والفويل كفي، اللي هو الفوم اللي له غطاء منه فيه ده
وجبنا معالق بلاستيك الشفافة دي عشان بتبقي ناعمة ونضيفة مش مخربشة كده جبنا حجم كبير للأكل وحجم صغير للحلو، وجبنا بردو كوبيات بلاستيك للمية والمخلل حطيناه في علب الرز بلبن بردو.
والسجاجيد بقي انا مرضتش اشيلها وقلتلهم هاتوا مشمع خفيف نغلفها به وفعلا حطيناها عليهم وقفلناها وكله عجبته الفكرة دي عشان البهدلة وكده، وايه كمان :042::042:
بصي يا توتا، هما اول يوم بالنسبة لي مخدوش غير لبس البيبي وبس، لكن تاني يوم جت الدكتورة حمته في الاوضة عندي وورتني ازاي احميه والبسه وامسحله السرة وكده، المهم ساعتها بقي قلتلها اجيبلك الشامبو والصابونة، قالتلي اه بس بلاش الصابونة دلوقتي الشامبو كفاية عشان يرغي كويس ومش تبرد ونخلص بسرعة، وكانت كتبتلي حاجات اجيبها من الصيدلية اللي هي قطرة العين وكحول وحاجة زي كريم الزنك، فقلتلها انا معايا الكحول اهو وكريم، فقالتلي طيب كويس خلاص يبقي دول متجبهمش بقي ملهمش لزوم انتي جايبة اهو، هاتي القطرة وبس.
ومستخدمناش اي حاجة تانية غير دول يومها، وبالنسبة لي كنت واخدة فوط ليه ومحتجتهاش خالص لنهم كانوا جايبنلي شنطة بحالها بيبي هاندي وحطولي منها.
يا بنات هو احنا بنديلهم يلبسو البيبى فى المستشفى اول ما يتولد لبس بيت وللا لبس خروووج؟؟؟؟
طيب هي القطرة نوعها ايه عشان اجيبها احتياطي برده
وبيبي هاندي ايه نظامها انا جايباها بس منار كانت بتقول عليها مش حلوة ايه رأيك
بصي يا توتا مش مكتوب في اللي برة الحساب حاجة من دول تفتكري ممكن يزودوها ساعتها اخدها وخلاص مش حيخصروا
انا حولد ان شاء الله في مستشفى اليكس سيدني
بس خلاص اخد الحاجات دي وخلاص مش حتخسر
هوبى
سانيتا بامبى موجود فى هايبر وان وكارفور
ياعيال الحلق الطبي ده هاجيبهمن اي صيدليه عاادي اصلي نسيته اجيبه وانا جايه من السعوديه
قوللي باه بكام هناا
كمان سوال غلس هو في اسبوع البيبي انا بنعزم الناس ولا بنخليه عائلي يعني ولا ايه
يعنني اسبوع من غير عقيقه
الحلق من اى صيدلية يا ميكو ب 10 جنيه تقريبا
انا فضلت اخد لبس بيت بس بردو يكون كميلة كده عشان الخروج مش يتبهدل في اليومين اللي في الاول دول وكمان عشان البيبي بيبقي لسه عايز يستحمي ويتنضف كويس وكمان خفت يتبهدل بأي طريقة من النيرسات وكده، فقلت اخلي الخروج بعدين ويبقي انا اللي البسهولها.
القطرة اللي كتبوهالي اسمها ايزوبتو فينيكول 0.5%
قطرة للعين، بس اصبري يمكن يكتبولك نوع تاني او كده بس اصل لازم كده كده هايكتبوا قطرة في اول ايام للبيبي دي.
البيبي هاندي مش وحشة شغالة بس بتتلم بسرعة وتحسيها خفيفة شوية في خامتها لكن اللوتس متامسكة اكتر واحلي.