التجمع الثاني لحوامل شهر ابريل ...*4* 2011 ...

[مـيـــس الـريـــم ...}~]

سلام
شخباركم ياحلوات

انا اليوم رحت للطوارئ اطمن
لانه صارلي كم يوم شويه مغص بين كل فتره والثانيه
ولما امشي تنزل علي مويه

فقلت اطمن

ورحت وسوولي تخطيط الحمدلله كل شي طبيعي
والمويه تقول افرازات مو مويه البيبي

والكشف قالت عنق الرحم مسكر وكل شي طبيعي
قلتلها يعني وبعدين ماودك تساعديني ابي اولد
ههههههههههههههههههههههههه هه
قالت مانتدخل لحد ماتخلصي شهرك لانك بكريه
ونعطيكي بعدها 10 ايام واذا ابدا ماصار شي
بنتدخل
تحطمت حدددي
قلتلها يعني وشو مافي امل اولد هاليومين قالت لا في امل
ماله دخل ماتدرين متى ربي يريد

بس انا اتكلم عن اقصى مده يعني
وسألتها عن راس البيبي

انا متطمنه افكر انه راسه بالحوض لانه من زمان قالت لي الدكتوره انه راسه تحت
الا تقولي هو راسه تحت ومتجهه للحوض
بس مانزل فيه

قلت لها شلون يعني انا افكره نازل ومبرده قلبي
قالت لاتشغلي بالك ماينزل الا بوقت الولاده بس الاهم انه هو متجه راسه تمام

فقلت اطمنكم يابنات بأذن الله وقت الولاده ينزل الحوض لاتخافون
في دكتورات يخوفون بدون سبب

[مـيـــس الـريـــم ...}~]

كيفكم ياعسولات
الله يبارك فيكم يارب والفال للصامدات
قصة ولادتي اااه اكشنها كثير تعرفون الخاص وحبهم للقيصري بس ربي نجاني الحمد لله والقصة ان شاء الله انزلها بس بعد ما اشد حيلي شوي
ونصيحة
لاتهملون مراجعات الشهر التاسع لانها ضرورية وفادتني كثير

حبيبه قلبي
الف الحمدلله ع سلامتك
من شفت اسمك قلبي انشرح
المهم انك بخير ياخيتو
والف مبروك جيه الملك عبد الملك ربي يحميه F:

[نجــــد]

كيفكم ياعسولات
الله يبارك فيكم يارب والفال للصامدات
قصة ولادتي اااه اكشنها كثير تعرفون الخاص وحبهم للقيصري بس ربي نجاني الحمد لله والقصة ان شاء الله انزلها بس بعد ما اشد حيلي شوي
ونصيحة
لاتهملون مراجعات الشهر التاسع لانها ضرورية وفادتني كثير

اهلا اهلااااا

الحمدلله على سلامتك وباانتظار قصتك

[قشطة و عسل]

هلا فيوضة ... انا مع كل الاسباب اللي عملتها سبحان الله نصيبي الولادة تكون بقيصري بس ان شاء الله المرة الجاية اولد طبيعي ...حاسة شيء ناقص بولادتي لاني ما ولدت طبيعي ...

يا بنات ما بدكم تفتحوا تجمع للامهات اللي ولدوا بابريل؟؟؟نحتاج خبرة بعض

[مـيـــس الـريـــم ...}~]

وينكم بنات
ان شالله غيبتكم تكون خير

[امواج البحر]

رجع النوم للتجمع


صج بنات افتحو تجمع للامهات الجدد لشهر ابريل
عشان نستفيد من بعضنا


بنات
تيتو من زمان ماشفتهااااا؟؟
ولا حد طمنا عليهااااا
ان شاء الله غيبتها خير يارب

[ROSE3ROOS]

اي والله تيتو متغيبه من يومين يله ان شاء الله تكون ولدت بسلامه يارب

[CuTe__No$a]

السلام عليكم حبيباتي
كل يوم اطل عالسريع اقره اخباركم واطمن عليكم.. بنتي الله يحفظها ما تاركتلي وقت حتى اسمي نسيته صايره حال حال هل سمايل اااااه على ايام النوم والاسترخاء والدلع
مشتاقه انام 5 او 6 ساعات سحبه وحده :badly:

حبيبتي فيوضه الف مبروك الولاده والحمد لله على سلامتك وسلامة عبودي
ان شاء الله يتربى بعزكم يارب

قشوطه تره مو بس انتي ما تقدرين تنامين على بطنك اني هم ما اقدر انام على بطني لاني ارضع طبيعي وصدري يصير يوجعني اذا انام على بطني :hysterical:

ياربي كل يوم اكتب سطرين او كم سطر من قصة ولادتي وتصحى زوزو من النوم وانشغل بيها

ان شاء الله هل يومين يصير عندي وقت


تيتو حبيبتي وينك طمنينا عنك

ام يسوري علميني كيف تنظيمن نومة يسوري :o اني بنتي سولها نظام بالمستشفى انها لازم ترضع واغيرها كل 3 ساعات واحيانا اذا تعبانه تبقى 4 ساعات بس بنتي يوم تمشي عدل وعشر ايام تحول عيوني

[CuTe__No$a]

صحيح ردت اخبرك ميوس احمدي ربك انك عرفتي بمعلومة الراس قبل الولاده
انا من اول شهر الثامن والدكتوره قالت انو راس البيبي نازل واني فرحانه علاخر بس وقت الولاده صارت القابله تقولي لازم ننتظر لينزل راس البيبي واني عصبت اقولها راسه نازل من شهر الثامن وانتي جالسه تقوليلي انتظر قالت كان نازل بس مو بالحوض واني ابكي واصرخ بوجها اقولها لا نازل انتي بس اسحبي راسها شوي ههههههههههههههههه
يا الله عنجد ساعات ما تتنسى
ربي يسهل عليكم يارب

[ROSE3ROOS]

هلااا والله ياقلبي هههه موووقلتلكم راح تحتاجون خبرتي نذااله ماراح اعلمك هههههه كنتو تطردوني من التجمع تقولون شحقى يايه عندنا ههههههههه لا اتغشمر

سمعي انا الحين صج ماينام بس يعني عاد انا ابي يجر اليل كله مايصير اهو ياهل واكيد تقعده الجوعه او الغازات او يتاذى من الغيار وله الجو بارد او حار يعني الياهل مايجر ليييييين الصبح عادي يقعد مرتين باليل


حبيبتي لزم من الحين تعودينه وتعودين روحك بعد

اول شي تنامين على نومته الصبح وثاني شغله لاتستانسين انه نايم وتخلينه يعني تخلينه من الساعه 10 الصبح لين الساعه اربع وله خمس العصر لااا مايصير
قعديها وفليها عن القماط وغيري لها وخليها شوي يعني بتقعد تقريبا ربع ساعه وتبكي تبي رضعه وتنام الحين لا ياسر عادي يقعد ساعه ساعتين بعدين انومه قبل لاتنامين يعني مثلا تنامين الساعه 11 قعديها الساعه 9 ونوميها الساعه 10 ونص واهي راح تجرها لج لين الساعه ساعه 2 وان لا والله مرتاحه وشبعانه ماتقعد الى اسم الله عليها الساعه 4 بس اهم شي ياقلبي الرضاااعه
لاترضعينها من صدر وبعدين تقلبين صدر ثاني لااااا لان ماراح تنام وايد تدرين لانها بس شربت السكر مو الحليب خليها على صدر واحد 20 دقيقه لان اول 10 دقايق بس سكر وبعدين صبح نوميها على بطنها شوووي مووايد دقيقه كافي

واي شي تراني بالخدمه ياقلبي

بنسبه الى ياسر الحين حياااااتي مايحب ينام الى على صوت التلفزيووون هههههه ولاا بعد على الاخبار والله ابووه مستغرب منه ههههههه

[ROSE3ROOS]

بنات بنبهكم على شغله خاصه اول ولاده عيالكم لاتخلونهم ينامون على صفحه وحده يعني على جانب واحد بليل خلو ينامون راسهم يمين والصبح يسار علشان ماتصير عندهم طعجه خههههه مووتقولن ماقالت لنا روووز هههه

[حلآتى بعبآتى]

بخلص شهر ابريل .. وللحين في ناس صامده هههه

يلا ماعليه الله يسهل عليكم يارب وتولدووون كلكم بالسلامه

انا من تجمع مايووو واحس شهر ابريل طويل مب راضي يخلص ....

يلا ابي اولد تمللت ...عسى بس مااطووف موعدي واولد قبله

[PriNcesS OMan]

ويييييييين تيتو؟؟؟ عسى المانع خير...
انا الشوق وشوق بلا حدود؟؟؟؟؟؟ ان شاءالله ولدتوا...

انا صامده مافي بوادر ولاده بس الضغط للاسفل تاعبني

[مـيـــس الـريـــم ...}~]

الله يعين ويسهل علينا جميع
ان شالله نسمع اخبار حلوه عن الكروشات المختفيات

[امواج البحر]

برنسس عمان

نفس الحاله

مافي اي بوادر ولاده غير الضغط على تحت
<<< وهذا كمان يقولون مو من علامات قرب الولاده
الم الدوره خف عني
مدري شسالفه
شكله البنوته مغيرهخ رايها ماتبي تطلع
باقي يومين
الله يستر

ماودي اطول اكثر
زهقت
اخاف لو ماولدت بعد يومين يعطوني مهله سبوع
<<احس احباط هالسبوع بعد لو ما اولد فيه
<<<<<<تبي تولد بالغصب