تجمع حوامل الثلاث الشهور الوسطى4 - 5 - 6

[ريماس3]

مساء الخير حبايبي كيفكم ....شمعة محبة كيفك وكيف البتوته قريت انك تبغي تشتري اغراض من البحرين طيب الامارات من ايش تشكي يعني مافيها شي حلو عاد تصدقين ناويه اذا شاء الله وجينا من استراليا عاى دبي اجهز بعض الاغراض من دبي .....رونا حبيبتي كيفك وكيف النونو مشكورة ياعمري على السؤال...نور النجوم اجل بيني وينك عشر ايام سبحان الله اذا خبروك بنوع الجنين خبرينا الله يتمم لك على خير....الطاف الله يسهل لك امرك يارب....فاطمة الله يهون عليك ويسهل ولادتك..........وباقين الكروشات الله يمم عليكم حملك انه رحيم كريم....

[~Mrs $ugar~]

حروف القلب
تسلمين عزيزتي على الرد ... ساعات أتفه الاسباب تسويلنا أزمات ... بس الحين الحمدلله ألف مره لاني أحسن ... مشكوووووره الغاليه وما قصرتي ...
أم سويره مشكووووره الغاليه ... بس ياريت تقوليلي هالمحلات في أي منطقه ؟؟؟ يعني شو أسامي المناطق اللي فيها المحلات ؟؟؟وفي أي مركز أو أي شارع ؟؟؟ واسمحيلي تعبتج بس لان ماعندي أي فكره .... وصحيح شو انتي اليوم عن الحارج ؟؟؟ ان شاء الله أحسن ؟؟

حبيبتي المحلين الي قلتهم لج كوخ الامومه ومامي في مجمع مدينه عيسى

في سوق واقف في مدينه حمد وسوق المحرق محلات عبايات وايد
واسعارهم متفاوته يعني في المحلات الغاليه وفي الرخيصه
بس يبين لي مابتلاقين حلوين جاهزين والتفصال يبي له جم يوم على مايجهز خبرج العبا ماتصير حلوه الا اذا مقاساتها مضبوطه يعني حتى لو خذيتي واسعه وبتضيقينها او العكس مابتكون مرتبه

الحارج صار احسن الحمدالله خف اليوم بس ماشاء الله عليهم بنات الشغل يايببن حلوه وقهوة ونادوني يدرون فيني احب الحلو >>يسموني نملة الاداره<< كليت شوي عن خاطري وييت شربت حليب بارد عشان لايرجع لي لانه يبي سبب عشان يذبحني

[~Mrs $ugar~]

السلام عليكم

ما شاء الله تجمع يديد و خالي و احسه نظيف بعد خخخخخخخ

شو مسوين؟ اخباركم؟

حوامل الخامس.. كم زدتوا لين احينه؟؟ و هل هذا البيبي؟ و لا الشحووووووم؟

و سلامي للجميع.... و الي بيروحووون عنا ( بتولهه عليكم وااااااااااااااااايد)

اكيد الي زدناه شحوم ياكافي الشر:confused:

انا تقريبا زدت 5 الى 6 كيلو

مع انه البيبي توه ياعمري صغنون يعني حتى كيلو ماوصل

وقولي ان التوسعات وماي الرحم والمشيمه كلهم على بعض كيلو

فيعني المفروض مانصير جذي

بس ماشاء الله الاشياءات في تطور والوزن في انفلات

وماظنتي بنوصل التاسع الا احنا قنابل بإذن الله :confused:

شنو عنج الغاليه جم زدتي؟؟

[دلوعة حمد]

هلامساااكم الله بالخير

شخباركم حوامل اشلون الحمل ويااكم

واشلون قيااسات ثياابكم

ضاقت عليكم لو لسه خخخخخخخخ

انا ابتديت البس قمصان شوي فضفاضه

ولسانتي ع بواطليني مع اني احس بضيقه فيهم شوي

[ريماس3]

دلوعة حمد كيفك..اذا قصدك الستيانة انها صارت تضايقك انا صرت مالبسها خخخخخخخخخخ.....اما البطن احس كبر شوي...

[ريماس3]

بنات عشان حنا الان في فصل الشتاء في استراليا صايرة مااتحمم الابماء ساخن ماادري يضر الجنين والا لا تصدقون اذا خلصت متحممة اصير كاني بلاستيك تعرض لحراره وبرد اكمششششششش...حتى صرت كلي قشور حتى اصابعي فيها قشور من الماء الساخن...

[دلوعة حمد]

لا والله الستيانه لسه نفس القيااس انا مصره انه مايكبر خخخخخخخخخخخ كافي الحمل الي طاف

بس صج في اوقات مااحس براحه وانا لابسته

والبطن طلع فصرت البس قمصان فضفاضه بس السروايل لسه مابدلتهم ااخاف ابتدي البس الوساع وابتدي انتفخ ممن غير مااحس بروحي

[دلوعة حمد]

بنات عشان حنا الان في فصل الشتاء في استراليا صايرة مااتحمم الابماء ساخن ماادري يضر الجنين والا لا تصدقون اذا خلصت متحممة اصير كاني بلاستيك تعرض لحراره وبرد اكمششششششش...حتى صرت كلي قشور حتى اصابعي فيها قشور من الماء الساخن...

عن نفسي حر ولا برد ماعرف اسبح الا بالماي الدافي القريب للساخن
مااقدر ع البارد الا اذا كنت مصدعه ومب قادرة ع الصداع اسبح بالماي البارد عشان يبرد ع راسي

اعتقد مافيها شي اذا ناخذ شور بماي ساخن بس مايكون وايد ساخن

[حرف_عنيد]

ريماس بالنسبة للقشور ما اظن علشان الماي بس لان الحمل بعد يجفف الجسم

انا بالعادة بعد السبوح لازم زيت الاطفال ومن اطلع على طول لوشن للجسم كله وعلى بطني زبدة الكاكاو

لان اذا لاحظتوا البطن يطلع مثل الشريط البني حولين البطن

بالنسبة للوزن انا زاد وزني وايد واحس الزيادة في الارداف والبطن بالنسبة للصدر ما تغير حتى ريلي يقول لي انا ما ادري كيف بترضيعن هالفقير كل شي يزيد فيج الا صدرج

وهالشي من زمان انا جذي بس مرات اتضايق من الستيان وافصخه الليل بس قالت لي الدكتورة لا تفصخينة طول اليوم ما اعرف ليش قالت جذي

يمكن على الاشهر الاخيرة يكبر اشوي

[ألطاف]

حرف عنيد

معقولة الدكتورة قالت لك لاتفصخين الستيان طول الوقت؟؟!!

أعتقد مو صحي ابدا انك تلبسينها بالليل وانتي نايمه .. سمعت كذا

انا ما اقدر انام وانا لابستها حتى ولو واسع .. احس بضيق

[حرف_عنيد]

هيه ما قالت لي وقت النوم بس انا قلت لها مرات اتضايق منه قالت لي بس مب معناته انج تفصخينه

خاصة في فترة الحمل يمكن علشان ما يسبب الترهل

بس انا قبل ايام الدورة افصخه ومن عرست لا افصخه دوم فالليل ونادر ما البسه

[fatma]

مساء الخير حبايبي كيفكم ....شمعة محبة كيفك وكيف البتوته قريت انك تبغي تشتري اغراض من البحرين طيب الامارات من ايش تشكي يعني مافيها شي حلو عاد تصدقين ناويه اذا شاء الله وجينا من استراليا عاى دبي اجهز بعض الاغراض من دبي .....رونا حبيبتي كيفك وكيف النونو مشكورة ياعمري على السؤال...نور النجوم اجل بيني وينك عشر ايام سبحان الله اذا خبروك بنوع الجنين خبرينا الله يتمم لك على خير....الطاف الله يسهل لك امرك يارب....فاطمة الله يهون عليك ويسهل ولادتك..........وباقين الكروشات الله يمم عليكم حملك انه رحيم كريم....

امين يارب الله يسمع منج حبيبتي ..

[~Mrs $ugar~]

غريبة حرف عنيد ان صدرج ماتغير

انا من بدايه الحمل احس بعوار وايد في صدري وتصلب ومااقدر المسه

عشان جذي البس الستيانه بس في الدوام ومن ارجع البيت اخليهم على هواهم

وبطني والارادف بدوا من نهايه الشهر الرابع وبدايه الخامس يظهرون

وطبعا لاتنسون خشمي العلامة المميزه :confused:

وعن الجفاف

ترى ريماس انا الجفاف بدأ فيني في نهاية اصابعي وكأنهم محروقين وبديت اطريهم بالكريمات
بس امس بدأ الشي ينتشر واحسه في كوعي

ورقبتي بدأ تستوي فيها خطوط

شكلي بصير انسانه ثانيه
وبصير قبيحه

بس الحمدالله اهم شي البيبي يطلع لي بالسلامه وافرح فيه

القبح مقدور عليه جم من شهر

الله يساعد ريلي على افلام الرعب الي بعيشها فترة الحمل

[~Mrs $ugar~]

شمعة محبه

شوفي هذا الموقع لمحل بيبيات في البحرين

انا شفت الموقع في قسم تجهيزات الولاده

ان شاء الله بروحه اذا بديت اجهز لانه عجبني

http://go.3roos.com/0BUx59pMZU7

[الحبُ الكبير]

هلووووووووووووووو حوامل شخباركم عساكم بخير

ليش محد سأل عني ها ليش ها

انا والله باشكي لكم عن حالي حدي تعبانه ماقدر انام الليل ما ارتاح في نومتي لا ع اليمين ولا اليسار ولا ع ظهري تعبت والله تعبت فيني ارق مو طبيعي وجسمي كله يألمني السااق وظهري زحتى بين رجليني يألم وايد والحين معدتي داقه علي الم ولا قادره ارتاح في اي شي حتى في قعدني صار لها 4 ايام الم متواصل وامس ما تحملت وزوجي وداني الطوارئ ونطري ع هالزحمه وانا اشوف الناس وايد والالم يزيد واخر شي ظربوني ابره في الورانيه ان شاء الله فهمتو ويت قصدي وابره ثانيه اشطولها اتخرع في يدي من فوق جهه الي يحطون السيلان فيه والله مت مت وللحين يالسه اتألم ماعرف شاسوي ..

في احد يعاني من معدته نفسي وهذي من الحمل والا لا؟؟