انا اسوي ايروبيك بعد صلاه الفجر وقبل النوم
احسن شي رياضه الصبح تفيد اكثر
انا اسوي ايروبيك بعد صلاه الفجر وقبل النوم
احسن شي رياضه الصبح تفيد اكثر
العفو حبيبتي شموخ... بس واصلي على التمرين وان شاء الله بتحصلين نتايج حلوة... وعقب فترة يوم بيستوي التمرين سهل.. زيدي عدد المرات.. بدال 15 خليهم الضعف 30 وكرري التمرين 3 مرات...
وطبعا رياضة الصبح احسن شي.. بس للاسف انا وقتي ما يسمح فاسوي رياضة المغرب.. قبل ما اتعشى بساعة
يالله شدووو الهمة .. وعقبال ما نسمع ان الاوزان قلت والكروش لصقت في الظهر:yahoo:
سلاااام
وزنت اليوم ناقصه كيلو ونص
يارب لك الحمد والشكر
الف مبروك رسيس
.......
بنات بدي منكم خدمة
شوفو
انا اليومين هادول
ما عاد نفسي بالتمارين ما ادري ليش
بس بدي انكم تشجعوني
باي اسلوب تسشوفونه
بس نصيحة او كلام ايرد فيني الحمااااس
بلييييييييييييز بنااااات
ana 2smi noha , w 3iza viedo reyada to make it in home
noha
مشكووووووووووووووووووورة ليدي بيرد ما قصرتي
بس هالتمرينات ما اقدر عليهم خخخخ لأن ما اقدر ارفع ريولي بزاوية قائمة لفوق ما اقدر اثبتهم
عالعموم بحاول....و مشكورة مرة ثانية
واااااااااااااااااو
شجعوني شجعوني شجعوني:groupwave:
واخيراً عملت رياضة مشيت 15 دقيقة وسويت اوربتراك 15 دقيقة ورقصت 15 دقيقة يعني كلهم 45 دقيقة:sm240:
يلا تشجيع يلا حماس أنا النشاط والحيوية كلها :poster_war:
بس أريد مساعدة اللي عندها تمارين للزند تعطيني اياها
شو هذا برد على عمري
وينكم يالنشيطات وين الحماس والسبوووووووووور
ع العموم برد على عمري
وااااو ماوصيك على ماما انتي أكيد البطلة خليك كذا وواصلي التمرينات وراح تفرحي بجسمك على كثر ما تتعبي بالتمرينات الله يعطيك العافية
بقولكم ألحين شو سويت البارحة
مشيت عشرين دقيقة وسويت اوربتراك 15 دقايق وتمارين بطن وذراع 10 دقايق يعني 45 دقيقة
صح شوي انا بصراحة خاطري ساعة بس ماعليه المرات الياية
يلا ياعيايز المنتدى خلو عنكم الكسل وشغل التلي والبراقع ودروهم وخلوهم عنكم نحن فزمن السبوووووووووور:wink:
هااااااااااااااي.. صدقج "ماوصيك على ماما" البنات مختفيات ... شكلهن نسووو الرياضة:UP202:
عموما خليني أقولج شو سويت انا اليوم .. مارست الرياضة لمدة ساعة:dontknow: .. 10 دقايق عالسيكل .. سويت تمارين الايد.. وبعدين سويت عالماتريس تمارين البطن والخصرلمدة جيه ثلث ساعة.. وسويت على كم جهاز تمارين حق الريول والخصر بعد .. وأخيرا سويت تمرين حق المؤخرة...
يالله عقبال ما نشوف تفاعل باقي البنات:happy1:
هلا فيج ليدي بيرد يعطيج العافية والله يقويج
شكلج ماشاءالله عليج متحمسة حق الرياضة واااااااايد أنا نفسي أكمل فالرياضة وقت طويل بس تدرين مافي حد يحمسني حتى فالبيت بصراحة أنا روحي اللي أعمل رياضة ورجيم يعني الوحيدة دبوووووووووه:cry:
يلا خلينا نحمس بعض
أنا أمس رياضتي كانت 30 دقيقة مشي و15 دقيقة أوربتراك و10 دقايق للخصر والذراع والبطن يعني المجموع 55 يلا ان شاءالله المرات الياية نزيد
يلا ياحلوات نبا همتكم
"ماوصيك على ماما" شدي حيلج ولا تمليييييييين.. حتى انا محد يحمسني في البيت على سيرة الجم والرياضة.. بس عادي عندي .. انا في البيت أصلا كله يحطون عليي .. يقولون انتي روحج ضعيفة تبين تختفين!!... بس ما عليي منهم .. أهم شي صحتي... فانتي واصلي حماسج ولا تيأسين... ماشاء الله عليج شاطرة مسوية تقريبا ساعة رياضة .. وايد أوكي ... حاولي بعد تركزين عالمناطق اللي يبالها أكثر تخفيف وشدي همتج ..
أنا اليوم ما سويت رياضة بعدني .. لأني متعودة اسير الجم واسوي رياضة عقب صلاة المغرب .. فان شاء الله اترقبي مشاكرة مني الفليل .. وبخبرج شو سويت بالظبط ...
حبيبتي شدي همتج.. ولا تيلسين وايد تفكرين في الارقام .. أهم شي صحتج .. والقياسات ترى أهم من الوزن... خذتي قياساتج والا؟؟؟؟
يالله اتريا مشاركتج عسب تخبرينا شو سويتي اليوم
هلا ليدي
لا والله تبين الصدق أنا ما آخذ مقاساتي بس أقيس وزني وألاحظ عمري اذا في مناطق نازله فيها أو لا
أنا مشكلتي فالأرداف والذراع يعني الزند وأحاول أعمل رياضة لهذي المناطق
بس انتي صراحة روحتج للجيم يحمس وايد هناك يكونون صديقاتج معاج ويلا ياحماس وسبور أقوى ومن غير المدربة اللي تشجعج أنا ودي أروح بس والله مافي وقت بس ان شاءالله ع الأيام الياية
بس انتي ماقلتيلي كم وزنج وطولج؟
وهو أكيد كلنا ندور الصحة لأن هي الضمان الوحيد للعيش بسعاده وراحة بال
ويعطيج العافية والله يقويج
هلا والله ... أنا سويت تمرين واحد لحد الآن وهذا حق ليونة الريل .. لعبت ويا بنات أخوي لعبة.. نغني أغنية وعقب الاغنية نفتح ريولنا شوي واحنا واقفين.. وكل مرة نفتح أكثر... صراحة تساااعد على الليونة:thumbs:
وبخصوص سيرة الجم ..بالعكس انا ما اعرف حد في الجم ... وحييدة .. خخخخ .. صراحة ما عندي رباعة هناك ... عندي وحة ومب دايما أصلا اتيي .. والمدربة ما يخصها فيي .. بس أول ما سجلت في الجم .. راوتني كيف استخدم الاجهزة وهذا قبل أكثر من سنة... وأحيانا اذا أبا تمرين يديد أخليها تراويني.. والا دوم اكون روحي .. يااما اشوف تيلفزون .. أو أودي ويايي ال آي بود وأسمع أشياء مفيدة .. وبخصوص طولي ووزني ...
الله يسلمج أنا طولي 170 سم ... ووزني 55 كيلو .. وأحيانا 56 ..
أنا أحيانا ما اقدر اسير الجم فأسوي في البيت ...
أهم شي انج تحبييييييييييين الرياضة .. انا هالشي اللي خلاني أستمر كل هالفترة عالرياضة .. ترى اذا حابة أعلمج طريقة أخذ القياسات أنا مستعدة.. لأنه احيانا وزنج يتم مثل ماهو ... بس القياسات تنقص ...
يالله شدي حيلج وسيري سوي رياضة .. وردي خبريني شو من التمارين سويتي ..:21_157: