بنات البحرين تعالوا نتشارك الافكار ونسوي مشروع صغير

[ملكة الصمت]

السلام عليكم .. بسالكم بنات متى يبدء السوق الي بجامعة.. ؟؟؟ تااااااااااريخ كم؟؟؟

[rosemarry]

السلام عليكم ..

صباح الخير بنات ديرتي..

شخباركم عساكم بخير؟؟

ShwaQy حبيبتي فكرة الموقع كثير حلوه ودام عندنا اللي يعرف للموقع اكيد بيسهل علينا العمليه

بس محتاجين اول شي نجمع الرابطه ونشوف العدد ونقيم مدى الجدية بالعمل بعدها نأسس لنا موقع واكيد بنعينك انتي على الموقع ..

اتمنى اشوف راي الاخوات في الموضوع ..

الاخت D_AL-mesfer اظن رديت عليج على الخاص وانتظر رد الاخت اللي كلمتك عنها وان شاء الله ارسلك رقمها تتواصلين معاها ..

ملكة الصمت مشروعج حلو وفكره جديده في السوق اعتقد ما عندنا محلات للشاي دايما نشوف محلات للقهوه كوفي شوب اما تي شوب شي جديد من نوعه ..

يعني لو صار راح يكون لج السبق في هذا المشروع بس مثل ما قلتي يبغيله راس مال كبير هل تملكين هالراس المال؟؟
ولازم تعملين دراسة جدوى للمشروع وتشوفين اشكثر يكلفج ؟

وهل تحتاجين شريكه معاج؟؟

ياليت توضحين هالامور عشان البنات اللي تعجبهم فكرتج وحابين يشاركونج يتفاعلون معاج ويعطونج افكارهم واقتراحاتهم ويدخلون معاج شراكه ...

موفقه يالغاليه واما بالنسبه لمعرض الجامعه ما عندي فكره ان شاء الله البنات يخبرونا متى بيكون...

تحياتي ..

[ريـــم البــوادي]

مرحبا بنوتات شلونكم
اول شي فكرة الموقع فكره ممتازه خصوصا للي مثلي عندها عيال وما تقدر تطلع من البيت وايد اتابع شغلها من الموقع واللي احلى المشاركه والتعاون
ثاني شي
امس وانه افكر في مشروع ياتني فكرتين اولها اني اييب بضاعه واخل لي مندوبه من المجموعه يكون عندها معارف وجريئه تقدر تسوقها عني وطبعا لها نسبه من الربح ياليت اللي تشوف روحها تقدر تراسلني
وثاني فكره ان كل وحده اتيها فرصه تسوي دعايه حق اي وحده من المجموعه او البنات الموجودات ما تتاخر مثلا انه بعد كم شهر انشاء الله بولد ومحتاجه لتوزيعات اخلي اللي عندها هذي الموهبه تسوي لي التوزيعات وتخلي على كل حبه بزنس كرت لها عشان اللي بياخذون التوزيع بيعرفون من وين مسويتها من الكرت اللي عليها وطبعا اللي بسوي الكرت تحط رقمها من اسفل الكرت على اليسار او ورى الكرت بخط صغير عشان تنعرف ولازم تكوت اشياء حلوه ومميزه عشان تلفت الانتباه هذي شي وكل وحده بطريقتها
شرايكم بفكرتي الجهنميه خخخخخخخخخخخخخ

[مساء الورد]

مشكوره اختي بنت النور على تعاونك معاي
اذا ماعليج امر
من وين مثلا تيبين البضائع اذا ممكن

[rosemarry]

ريم البوادي افكارج حلوه والله يقومج بالسلامه يارب

وهل تعاقدتي مع حد يسويلج توزيعات الولادة؟؟

مساء الورد اختي العفو حاضرين

حبيبتي جيكي الخاص رديت عليج...

[أم سلمان وعائشة]

سلام عليكم يابنوتات ياجميلات (f)

فكرة ع السريع ممكن تقوي الرابطة كبداية

نتبادل البضايع كلن حسب تخصصه
يعني مثلا أنا ابيع عطورات .. اعطي للي تبي تبيع لي بضايعي .. وتكون الكمية قليلة
لجس النبض ومعرفة الإقبال
وأنا بدوري اشوف البضاعة اللي عند الأخت الأخرى .. وأسوقها لها .. وهلم جرا
يعني موب شرط مندوبة ..
وبأي طريقة ممكن يتم الافاق عليها وتحفظ حق الجميع (a)


وأشوفكم بعدين .. إن شاء الله

[D_AL-mesfer]

بنت النور مو مشكله بشوف اكبر عدد ممكن لان باخذ كميه

وان شاء الله ما اتضايقين بس ناطرتج للحين

[ريـــم البــوادي]

بنــت النــور
هلا اختي لا لين الحين ما تعاقدت بس الفكره في بالي بس انتظر الوقت المناسب حق التنفيذ
قصايد
هم فكرتج حلوه نوع من التبادل التجاري

عندي استفسار اشريكم يا بنات في تجارة الانجري في البحرين هل هي ناجحه او لا؟ وين البنات التجاره يبي لها نشاط وشطاره

[أنا الشوق]

اللي سألت عن معرض الجامعه بيكون تاريخ 1-4
ويوم واحد فقط
انا تحمست للمعرض وحسيت انه ياي في وقته بس بيكون في نفس الوقت عندي محاضرات
فمب عارفه للحين اذا بشارك فيه ولا لا
ولا سألت عن التفاصيل بعد خخخخخخخخ

[rosemarry]

قصايد حبيبتي فكرتج وايد حلوه
العرض التجاري خاص بتاجرات عروس .. المشرفة
اختي D_AL-mesfer لا لا عادي اخدي راحتج من حقج حبيبتي ..

ريم البوادي حبيبتي الله يعطيج العافيه يارب

واذا قررتي تسوين توزيعاتج لا تروحين بعيد عندج البنات هني اظن اكثر من بنت عندها هوايه وموهبة عمل التوزيعات للمناسبات وهالله هالله بالدعايه الزينه كل وحده تسوي اعلان للثانيه عشان يصير تواصل بينه وننجح بمشاريعنا..


اما لتجارة اللانجري والله يعتمد على اللي حوالينج جسي النبض فيهم شوفيهم من النوع اللي يحبون يشترون هالسوالف او لا واذا تبين تسوقينهم بطريقه ثانيه واوسع اكيد في لهم زباين وان شاء الله البنات اللي عندهم خبره في هالنوع من التجاره يفيدونج اكثر موفقه يالغاليه..

أنا الشوق مشكوره حبيبتي
بس ما قلتي انت شنو حابه تشاركين فيه؟؟
وما يصير توقفين احد مكانج بوقت المحاضرات ويكون بإسمج ؟؟

[أم سلمان وعائشة]

هلا خواتي

انا خذيت رقم جمعية رعاية الطفل والأمومة بس مبين اني اتصلت خارج أوقات الدوام
باتصل فيهم وباخبركم باي معلومات عن امكانية المشاركة في سوق أو معرض بيسوونه بإذن الله


انزين ..
اختي بنت النور جيكي الخاص فديتج

العرض التجاري لتاجرات عروس فقط .. المشرفة
(اللهم افتح لي أبواب رزقك) (f)

[مساء الورد]

هلا خواتي

حابه انا اشترك معاكم

مع اني توني مبتدا

لكن نجرب

[D_AL-mesfer]

بنت النور شصار على موضوعنا ييتي جربت ان شا الله للبحرين

[ريـــم البــوادي]

ليش جذي ليش مافي تفاعل وينكم يا بنات البحرين

بنت النور
ولا يهمج انشاء الله لين تفرغت بدور على وحده مع اني ما اشوف البنات متحمسين بس انشاء الله خير

قصايد
انه حاليا ما عندي بضاعه بس مسويه طلبيه على لانجريهات بيوصلوني بعد 20 يوم واذا عندج شي تبيني اسوقه لج انه حاضره في الوقت الحالي لين توصل بضاعتي

[أم سلمان وعائشة]

وثاني فكره ان كل وحده اتيها فرصه تسوي دعايه حق اي وحده من المجموعه او البنات الموجودات ما تتاخر مثلا انه بعد كم شهر انشاء الله بولد ومحتاجه لتوزيعات اخلي اللي عندها هذي الموهبه تسوي لي التوزيعات وتخلي على كل حبه بزنس كرت لها عشان اللي بياخذون التوزيع بيعرفون من وين مسويتها من الكرت اللي عليها وطبعا اللي بسوي الكرت تحط رقمها من اسفل الكرت على اليسار او ورى الكرت بخط صغير عشان تنعرف ولازم تكوت اشياء حلوه ومميزه عشان تلفت الانتباه هذي شي وكل وحده بطريقتها
شرايكم بفكرتي الجهنميه خخخخخخخخخخخخخ

فكرتج ذكرتني بشي وايد أحبه متعلق بالتوزيعات
وهو كتابة أبيات شعر للبطاقات اللي على التوزيعات
انا ما احب الكلمات الجاهزة المعلّبة اللي تنحط على البطاقات .. احب تكون من تأليفي ..
لاني اكتبها تناسب الشخص اللي اسوي له بس .. من ناحية الاسم وغيره

سويت حق ولادتي بولدي والقرقاعون ماله .. ومن شهر وشوي سويت حق ولادة بنت حماتي ..
وامس بس كتبت حق (حنة) وحدة غالية علي وايد
(احبها تكون كلمات خفيفة تنحفظ وحتى اتذكر اني اللي كتبتهم حق ولادة ولدي .. اهدهده وانا اكررهم .. عليه ملحنين)

فاللي تبي تشوف نماذج ترسل لي على الخاص وانا حاضرة اراويها