روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 3 من 3 الأولىالأولى 123
النتائج 31 إلى 34 من 34

الموضوع: ارجوا النصيحه ... محتاجه لنصيحتكم ..

  1. #31
    عروس مبدعة
    تاريخ التسجيل
    07/09/2006
    الدولة
    في دنيا خاصه بي
    المشاركات
    586
    اقتباس المشاركة الأصلية كتبت بواسطة ساعة غروب مشاهدة المشاركة
    ما عليه حبيبتي الحياة الزوجيه جذي انتي توج عروس والحياة يبيلها صبر

    وكلمه ان شاء الله ما تعني انج ما عندج شخصية بس الرجل الشرقي يحب انه يفرض سيطرته على مرته ويحبها خاضعه له طبعا الواحد يقول ان شاء الله في بداية الامر بس حبيبتي وين ذكاءج يوم تكونون مرتاحين وتحسين انه جو مناسب تناقشينه في اشياء مهمة بالنسبة لج مثل زيارتج لاهلج ناقشية بهدوء ولين ومن غير عصبية

    يعني نقول ان شاء الله وبعدين اناقش اوكي

    الله يعينيج وصبرج
    صباح الخير .. رجعت بهمومي :confused:

    آآه وش اقولج تمر علينا ايام حلوة ويدلعني وادلعه بس بعدها تصير مشكله بسيطه ما اقدر احلها معاه

    لانه حلوله معقدة باني اطلع واخذ اغراضي معاي ونفس المشكله زياراتي لهلي صرت اسكت واصبر علشان يتكرم علي ويقول روحي عند هلج انا اروح بروحي حتى مايوصلني يقولي علاقتي مع امج مب اوكيه امي تحاول تبين له انه مثل ولدها هو كلش

    امس اقوله امي بترد من السفر وعطني يوم اروح اساعد خواتي انظف معاهم البيت يقول لي انتي مب خدامه

    قلت هذا بيت اهلي اذا انا نظفته وصرت خدامه عيل انا بعد خدامه عندك لاني انظف غرفتك وصالتك مب راضي صار يغلط على امي يقول انها راعيه مشاكل كرهته بعد هذي الكلمه

    مايحترم امي مع اني محترمه امه وشايلتها اروح المطبخ اساعدها مب مثل اخته بس هو مزاجي

    تمللت انا ارتاح لما اشوف هلي وبالعكس ارد من عندهم مستانسه وهو يدري بهذا الشئ صار يتعمد لما يكون الوقت اللي اروح لهم يسوي لي مشكله ويحذف على كلام اني مقصرة وانا كاشخه لهم ومرة قلت له ليش تسوي فيني جذيه يقول لي تبين اخليج تستانسين معاهم وانا بعيد :eek: قهرني والله سكت عنه

    مدري الحل الطلاق انا ما ودي بس اللي حولي قالوا لي خلصونا من مشاكلكم اللي هم ابوي وابوه وامه

    وامي تقولي اصبري

    وانا قلبي مجروح منه والله يحذف على كلاام يقهرني ويجرحني والله والحين يقول انا عرفت شخصيتج انتي مصلحجيه والله اني ما اطالبه بمصروف ولاا شئ انا اصرف على نفسي ولاا اني بمقابل الدلع ابي شئ منه دووم انا ابادرة بالهديه العيد

    لما توفت جدتي تدرين وش سوى وقف عند باب الغرفه وقال عظم الله اجرج وراح
    قهرني

    وخلاني بس اروح يوم واحد لعزاها مرضى على الأقل 3 ايام طاح من عين هلي والله

    اناني وعديم المسؤوليه حسافه عطته اغلى شئ عندي

  2. #32
    عروس مبدعة
    تاريخ التسجيل
    07/09/2006
    الدولة
    في دنيا خاصه بي
    المشاركات
    586
    ابشرج طلقني والحين حاس بغلطته علشان خسر مايقدر يتعوض اللي اخسره بالعرس اللهم لاشماته

    والحين يحاول يرجعني انا مابيه وسبب الطلاق علشان سيارتي يبي ياخذها حلف اذا ما قلت لابوي مايتدخل بحياتي ولاا انا طالق ب 3

    الحمد لله جات منه

    وامه الداعيه طلعت على حقيقتها حسبي الله ونعم الوكيل اطعنت بشرفي هي وبنتها

    حسبي الله ونعم الوكيل جعل كيدهم في نحورهم هي وبنتها وعيالها

    يارب انصرني عليهم

  3. #33
    أخصائية اجتماعية
    تاريخ التسجيل
    13/05/2008
    الدولة
    البحرين
    المشاركات
    636
    الله يساعدج والله عورتي قلبي

    صج رفس النعمة

    حسبي الله ونعم الوكيل

    الله ينصرج عليهم

    حبيبتي الله بعوضج عن الصبر وطيبة قلبج وما يضيع حقج ان شاء الله

  4. #34
    عروس مبدعة
    تاريخ التسجيل
    07/09/2006
    الدولة
    في دنيا خاصه بي
    المشاركات
    586
    مرحبا اختي ،، اذا تذكرين مشكلتي كملت السنه ولحد الحين ماحصلت طلاقي

    حسبي الله ونعم الوكيل

    واللي سمعته عنه انه تزوج مغربية وهو مرتبط فيها بسبب السحر

    جعل كيدهم في نحورهم

    ويارب احصل طلاقي

    ادعي لي

صفحة 3 من 3 الأولىالأولى 123

المواضيع المتشابهه

  1. محتاجه لنصيحتكم ....محتاااارة..وخاااايفة,,,؟
    بواسطة الجمان الابيض في المنتدى إستفسارات النساء و الحمل و الولادة
    مشاركات: 15
    آخر مشاركة: 15/01/2008, 06:34 PM
  2. محتاجه النصيحه
    بواسطة تركش كوفي في المنتدى قضايا وحلول
    مشاركات: 22
    آخر مشاركة: 15/11/2007, 01:25 PM
  3. ارجوا النصيحه من كل اخت مؤمنه لاختها
    بواسطة عشيقة بشرتها في المنتدى قضايا وحلول
    مشاركات: 6
    آخر مشاركة: 26/10/2007, 02:24 PM
  4. محتاجه لنصيحتكم .... لا تبخلون علي
    بواسطة shosho78 في المنتدى المتأخرات عن الحمل
    مشاركات: 3
    آخر مشاركة: 27/05/2007, 02:17 AM
  5. محتاجه لنصيحتكم
    بواسطة ~اصايل~ في المنتدى قضايا وحلول
    مشاركات: 16
    آخر مشاركة: 09/07/2004, 12:15 AM