السلام عليكم ورحمه الله وبركاته
كل سنه وانتم طيبين
رمضان كريم
مبروك الجزء الجديد
kol sana we ento tayben yaamarat
el naharda hanakol kabsa we frakh we melokhya we sambosa we salatat we tab3an lesan 3asfor
bs ana 7asa eny hawled el naharda ed3oly yabnat
ربنا معاكي يا شيمااااااااااااء يا رب و يقومك بالسلامة اقي طمنينا
أنا راي بلاش فاصوليا و رز و خليها ملوخيه علي أسا انها غموس عشان فيه بشامل
رمضان مبارك علينا كلنا يا بنات
ربنا يرزقنا فيه الطاعات و يرضى علينا و ييسر أمورنا كلها يارب
و ينول كل واحد اللى نفسه فيه يارب
حبيت أسلو عليكم و أسألكم لو أى حد فيكم عنده فكره عن منى عامر هتيجى السنه دى ولا لا لأنى بحبها جدا الست دى و بحس انها صاحبه فضل عليا اتعلمت منها حاجات كتير ,,ربنا يكرمها يارب ياريت لو حد عرف حاجه يقولى
السلام عليكم
كل سنة وانتوا طيبين
انا عندي يا بنات بانيه رومي مش عارفة اعمله ازاي حد عنده طريقة جديدة؟؟؟
انا مرة قليته بس ماطلعش حلو
مبارك عليكم الجزء الجديد
وكل عام وانتم بخير
عاوزه طريقة ورقة اللحمه لو تكرمتو
كل سنه وانتم طيبين
احنا هنفطروا رقاق باذن الله وفراخ
ومحتمل ملوخيه
احنا اول يوم رمضان لازم جلاش او رقاق
ده من الاساسيات عندنا
كل سنة و انت طيبين يا بنات
لو سمحتم يا بناااااااات عايزة اعرف طريقة الارز المعمر و شوربة كريمة الفراخ
شوربة كريمة الدجاج
(البعض يطلق عليها شوربة تربية)
المقادير
دجاجة
بصلة
حزمة بقدونس صغيره
100 جم دجاج مطبوخ
300 مل حليب (حوالي ربع كيلو أو اكثر قليلا)
50 جم دقيق
2 ملعقة كبيرة ماء
ملعقة كبيرة عصير ليمون
1/2 ملعقة صغيرةن جوزة الطيب مبشورة
ملح وفلفل
150 مل كريمة عادية
خبز محمص للزينة
الطريقة
نضع الدجاجة والبصلة والبقدونس فى ماء على النار
وتترك حوالى ساعة
ثم نصفي السائل ونعيده للإناء
ونقطع الدجاج المطبوخ إلى مكعبات صغيرة
ونضعه هو والحليب على المرق السابق تصفيته
ونخلط الدقيق مع ملعقتي الماء
ويضاف على الخليط بالتدريج مع التقليب المستمر حتى الغليان
ونخفف النار وتترك الشوربه لمدة 10 دقائق
ثم نضع عصير الليمون وجوزة الطيب والملح والفلفل
ثم نضع الكريمة مع التقليب
وتصب الشوربه فى أوانى التقديم وتزين بالخبز المحمص
طريقة عمل الارز المعمر بالصور
المقادير
2 كوب رز مصري
1 كوب حليب +1 كوب شوربة دجاج او لحمة أو أى طيور أو ماء
2\1 ملعقة فلفل أسود
1 ملعقة صغيرة بهار
وممكن زيادة البهار حسب الرغبة
ملعقة صغيرة ملح أو حسب الرغبة
1 ملعقة سمن ويفضل البلدي + 2 ملعقة كبيرة قشطة(وش الحليب المغلي )
وممكن المقدار كله يكون قشطة فقط
أو سمن فقط حسب المتوفر
----****------
يغسل الرز وينقع في الماء مدة 15 دقيقة
ثم يصفى جيدا من الماء
يتبل بالفلفل والبهارات ويقلب
يدعك الرز بالقشطة والسمن جيدا
يوضع في برام فخار هذا الأساس ولكن ممكن أى طبق فرن
يغلى الحليب مع الشوربة او الماء ونضيف الملح
نسكب خليط الحليب وهو ساخن على الرز
واذا كنا سنضيف كلاوي او لحمة نضع جزء بسيط من الرز يغطي قاع الطاجن ثم نضيف الكلاوي ثم باقي الرز ونتمم الخطوات كالسابق
والكلاوي يجب ان تكون مقطعة رفيع لتنضج مع الرز وممكن استخدام كبد الدجاج
وممكن أيضا تسوية الكلاوي قبل وضعها
ع ملاحظة ان الرز لا يصل لحافة الطاجن , ويجب ان يكون مقدار الرز يساوي عقلة ونصف من الأصبع
حتى يكون على هذا الشكل بعد النضج كما في الصورة النهائية
يدخل الفرن على الرف الأوسط لمدة ساعة
السلام عليكم ورحمة الله وبركاته
ازيكم يا بنات عاملين ايه فى اول يوم رمضان كل سنه وانتم طيبين
عملت النهارده محشى كرنب ومحشى فلفل ولحمه
وجبت عجينة الباتيه بتاعة زمزم وحشيتها انواع حشيت بالجبنه الفيتا وعليها نعناع
ولحمه معصجه بالجزر والفلفل الالوان
وجبنه لافاش كيرى بس احلى واحده عجبتنى اللى بالجبنه اللافاشكيرى كانت تحفه
وعملت بقه قطايف حشيتها كسترد وقراصيا جوزى اتجنن عليها وخلصت الحمد لله هههههه
بحط واحدة القطايف واحط عليها ملعقة كاستارد وحتة قراصيا واحط واحدة قطايف تانيه عليها واقفلها واقليها واحطها فى الشربات تحفه يا خراشى ههههههههه