يا تري بتعملي الأكلة دي ازاي؟؟؟ ( خاص لبنات مصر )

**عالم سمسم** · 01/05/2009, 07:16 PM

تسلم ايديكي يا ساره
سؤال بقا انتي بتجيبي فرخه فليه ولا عاديه واه كمان بتعملي الفرخه كلها ولا نص فرخه كويس لشخصين
وقبل كده كنتي بتقولي علي اللبنه بلزعتر وسلطه الحمص مش عارفه انتي ولا ام بودي الصراحه
ابقي برده اكتبيهم

**ساره افندي** · 01/05/2009, 07:33 PM

تسلموا يابنات وام بودي احنا في انتظارك

**ساره افندي** · 01/05/2009, 07:37 PM

المشاركة الأصلية كتبت بواسطة hoba555

تسلم ايديكي يا ساره
سؤال بقا انتي بتجيبي فرخه فليه ولا عاديه واه كمان بتعملي الفرخه كلها ولا نص فرخه كويس لشخصين
وقبل كده كنتي بتقولي علي اللبنه بلزعتر وسلطه الحمص مش عارفه انتي ولا ام بودي الصراحه
ابقي برده اكتبيهم

الفرخه انا كنت بعملها لشخصين الصراحه لان جوزي بيحب اللشوارمه تكون كتيررر
ايام لما ابقا فاضيه اجيب الفراخ واخليها ولو مش فاضيه بيبقا الصدور بس واقطعها صغير واتبلها
للبنه بلزعتر انا بموت فيها بعشقها بصراحه وسلطته الحمص انا بحب طحينه الحمص وقبل كده قلتها
وبعملها في البيت كانها معلبه بلظبط
بس احنا بقا عايزين نمشي علي نظام ام بودي ونشوف بليل هتقلنا طريقه المحشي ازازي

**narge** · 01/05/2009, 07:39 PM

تسلم ايدك يا قمر موضوع بجد جميل

**عالم سمسم** · 01/05/2009, 08:27 PM

انا اسفه يا ام بودي مشفتش المشاركه بتاعتك والله لما بعت المشاركه بتاعتي
وفي انتظار طريقه المحشي بتاعتك

**شهيدة** · 01/05/2009, 09:03 PM

موضوع رائع طبعا

وحلوة طريقه فتة الشاورما
تسلم ايدك يا سارة

بالنسبة للمحشي بصراحه بقالى كتير معملتوش ومليش فيه اصلا لانى لما بتزنق فيه بجيب من واحده معمول وبساوية في البيت

**ساره افندي** · 01/05/2009, 09:12 PM

تسلمي ياشهيده انا ليا كان في المحشي وبعمل لحد مااتجوزت وخلفت وابني كبر شويه بقا الموضوع صعب شويه وهوا معايا وبردوه بجيبه جاهز علي التسويه بس

**poosy cat** · 01/05/2009, 10:14 PM

موضوع حلو اوي يا ام بودي
سارة تسلم ايدك على الفته و التوميه انا بعملها كده بتطلع تحفه
مستنيك يا ام بودي بطريقه المحشي وبعدبن هنزل طرقتي لاني تخصص محاشي

**عرووس الدلتا** · 01/05/2009, 10:25 PM

الموضوع جية فى وقتة
لانى عايزة اعرف الاكلات الجديدة فى حاجات مش عارفاها
اصلى مش ليا فى المطبخ اوووووى هههههههههه الله يكون فى عونة

**nanoo99** · 01/05/2009, 11:28 PM

موضوع تحفه
كلنا هنستفيد منه
ان شاء الله

**nanoo99** · 01/05/2009, 11:29 PM

ساره شكل فتته الشاورما
تحفه
تسلم ايديك ياقمر

**maro** · 02/05/2009, 12:32 AM

ساره حلوه الفته عندنا محل بيعملها تحفه بس بتبقى ناشفه خالص مفيهاش اى سوائل وده بيحليها اكتر
كنت عايزه اعرف منكم طريقه الكبسه والمقلوبه
وفى انتظار محشى ام بودى انا بموت فى جميع انواع المحشى وبحب احشى الطماطم والخرشوف والبطاطس بس البصل مش بعرف

**Boody we zady** · 02/05/2009, 12:33 AM

أنا جيت تاني أهو بعد ما العيال ناموا هههههههه دلوقتي بالنسبة للمحشي أنا حأقول علي ورق العنب

بجيب خضرة المحشي أنا بحبها كتيير و بغسلها كويس و بعد ما أنضفها طبعا و أقطعها صغيرة قوي و البصل بضربه في الكبه و أحط كميه زيت في الحلة و أدبل البصل و بعد كده أحط الخضرة و أسيبهم يتسبكوا شويه و أطفي النار و بعدين أحط الرز بعد ما غسلته و أحط ملح و فلفل و نعناع ناشف ( لو فيع فريش أحسن ) و أكون سالقة ورق العنب في ميه و أبدأ أحشي أنا بحبه صغير نمنم و أجيب حلة تيفال أحط في قعرها زيت زيتون و أرص الورق لحد ما أخلص لو فيه شوربه أسقيه بيها ماشي لو مافيش بعمل بالمرقة و أعصر ليمونة علي الورق قبل ما أحط الشوربه و أحط زيت زيتون علي الوش ( بيطلع مزز و طعمه تحفة ) و أجيب طبق صيني و أحطه فوق الورق عشان يكمر المحشي و كل واحده محشي تطلع كويسه و علي النار يغلي أوطيها و أسيبه برحته و بس

**Boody we zady** · 02/05/2009, 12:34 AM

ان شاء الله يا مارو لما نخلص من المحشي نحط المقلوبه انتي تأمري يا عسل

**Boody we zady** · 02/05/2009, 12:35 AM

يا بنااااااااااااااااااااااا اااااااااااات فين التقيييييييييييييييييييم ههههههههههه

الموضوع: يا تري بتعملي الأكلة دي ازاي؟؟؟ ( خاص لبنات مصر )

أدوات الموضوع

بحث في الموضوع

المواضيع المتشابهه

أبغي طريقة عمل الكورما الأكلة الهندية

مناااااااقشة ..... بتعملي ايه في اولادك لما تكوني عند اهلك ؟؟؟!!!

و أنتي بتعملي اييييييييييه؟؟؟؟؟

::.. جبت لكم طريقة الأكلة ال يم يمي ...::

شو بتعملي لو كنتي مكاني

الكلمات الدلالية لهذا الموضوع