حبيبتي أم سلمى بجد اليوم انهاردة جميل بسببك بعد ربنا سبحانه وتعالى
امبارح بليل قريت موضوعك لحد صفحة 28 بس كنت حاسة اني مش انثى خالص :celebrate: دانا طلعت حمارة خالص الحاجة الوحيدة اللي باعملها بس عشان دي عادة عندي مش علشانه اني انام وشعري مفرود عشان مش باتحمل اي حاجة ف شعري ولا حتى اني البس سلسلة ولا حلق وانا نايمة:!!:
المهم انهاردة قلت اطبق اللي اتعلمته من كلامك وكلام الأخوات الفاضلات جزاكم جميعاً الله كل خير ، بعتله رسالة على موبايله وقلتله باحبك ياحبيبي :cool: انا المشكلة حامل وكنت مكسلة اغير ف نفسي وقلت هو يتحملني لحد ماأولد وكمان عندي بنوته مطلعة عيني بس كلامك أحرجني وقلت ماليش حجة عيب ياإيمي لمي نفسك واتغيري :thumbs_up:
المهم قام اتصل بيه وشكرني على الرسالة قلت له كلام حلو قام قالي هو انتي عايزة حاجةاشحنلك موببايلك قلت له لأ قالي طيب امال محتاجة ايه قلت له سلامتك ياحبيبي والله لو تسمعي صوته وهو مصدوم ومستغرب قالي انتي تعبانه او فيكي حاجة
انا على قد ماضحكت بس زعلت من نفسي انه مستغرب اني اكون لطيفة معاه وان شاء الله قررت اتغير بجد وابقى انثى هو انا أقل من هيفا ولا نانسي ف إيه ( واسعة دي شوية فوتيلي )
جزاكي الله كل خير وربنا يسعدك ويديمها عليكي نعمة ..أه نسيت أقولك قالي متعمليش اكل انا هاجيب أكل جاهز وبركاتك ياأم سلمى :L:
سامحيني يا مسز ايمي كلامك خلاني نضحك زي الهبلة
ههههههه ههههههه ههههههه
ماشاء الله ع النتيجة الفورية
شكلك كنتي خارج التغطية
محبتك مشاعر صادقة
