المشاركة الأصلية كتبت بواسطة moonshadow508
والله انا صراحة بستغرب من الموظفات اللي هيك,,شو جابركم تصرفوا هالقد وبالاخر بتتقاعدوا ولا عملتو شي ولا فتحتولكم مشروع,,
انا مو متزوجة ولا بشتغل لسة بس بوفر من مصروفي,,يعني بكون عارفة شو كل شهر بدي اشتري وبكم بدي اعبي تلفون والمناسبات اللي عليه,,مع هيك الحمدلله مو مقصرة على حالي بشي بالمرة والله كل شي نفسي فيه بشتريه سواء اكل او لبس او اي شي بس شي ومنو ما بخلي حالي مفلسة بالمرة,,التنظيم شي اساسي عندي وكتير شغلة بتريح والله,,وان شاء الله بس اشتغل قريبا حيكون هيك باذن الله ناوية اعمل شي ان شاء الله,,
ما شاء الله عليها اختي تبارك الرحمن كمان نفس الشي الها تقريبا 3 سنين بتشتغل مع هيك صار عندها ارض وعندها سيارة حتى لو مو جديدة بس كويسة ما شاء الله ,,وهلا ان شاء الله حتسافر على تايلند وماليزيا كمان من جمعيتها ,,والها كمان جمعية ولساها بتوفر بدها تعمل شي مشروع حتى لو كان بسيط بس بوفرلها على الاقل دخل على طول,,ما شاء الله عليها وهاد مو معناتو انها بخيلة بالعكس والله خزانتها ما بتسكر من الاواعي وما بتقصر على حالها بشي بالعكس مدلعة حالها على الاخر بس برضو كل شي الو وقته,,
اسفة طولت عليكم بس والله لاني مستغربة من الوضع