دليل محلات ادوات وخامات الرسم والاشغال اليدوية

[حب القلوب]

فعلا اختي frawla
لاحظت انه بالكويت ما عندنا اماكن متخصصة بهالسوالف
وحتى ايكيا مافيها شي بس الصناديق والسلال اذا تبين تسوين هدية
و يمكن المكتبات ملوت الجمعيات بس مو اكيد تلقين كل شي

انا لاحظت ان مكتبة جرير عندها قسم لاغراض الاشغال اليدوية في كذا دولة
واتوقع مكتبات جرير بالكويت فيها بعد ..مو اني مو متأكدة

وتره توه مبطلين مكتبة جرير بالشويخ بس ولا مرة رحته بس جذي مريت عليه

بس اللي متأكدة منه في كارفور بالافنيوز اكو قسم صغير يم المجلات و الاشرطة يبيع فيه
تغليفات الهدايا القماشية + شرايط قماش +بلونات +بطاقات تهنئة
بس اهوه قسم صغير يعني مادري بس عجبوني الاشرطة القماشية

[العائدات]

اشكرك عزيزتي حب القلوب

عالافادة

يعطيك العافية

واذا لقيتي معلومات جديدة

ياليت تساعدين فيها اخواتنا بالكويت

اسال الله لك الاجر والمثوبة

ولايحرمك الاجر

[ياسمينةالحياة]

أنا عضوة جديدة توني فرش وأرحب فيكم جميع بلا إستثناء
أبغى أسأل فين ألقى مثل هالشغلات في الطائف؟

[بنت الكواري]

حبيبتي العائدات ما تقصرين يا بعد عمري أنا دخلت على الموضوع وأنا أبحث عن مكتبة الزامل اللي بالرياض
انا من قطر ورحت لها مرتين وانجنيييييييييييت على أغراضها
كنا ساكنين شقق قصر الحمراء ونروح للمكتبة مشي جنب الفندق

وبالنسبة لقطر :
عندنا (كلر نوت) اللي بشارع النصر
وفيه مكتبة الروائع اللي بسوق المرخية عندهم شوية شغلات..صاحبة المكتبة مدرسة فنية ومهتمة بالفنون ..


وبالنسبة لجرير عندنا مكتبة جرير اول مرة أدري ان فيها ركن للأشغال اليدوية

وبصراحة فرحت يوم دريت إن المنطقة الشرقية فيها مكتبة الزامل أقرب لنا

طيب المكتبة في وين في الشرقية ؟؟

يعني الحسا والا الدمام والا الخبر؟؟ ووين بالضبط؟؟

وتسلمووووووووون

[مغربية كوول]

مششكورة اختي على الموضوع المفيد

[العائدات]

أنا عضوة جديدة توني فرش وأرحب فيكم جميع بلا إستثناء
أبغى أسأل فين ألقى مثل هالشغلات في الطائف؟

حياك الله اختي ياسمينه

ان شاء الله تقضبن وقت ماتع معنا بالركن خاصة

وبالموقع عامة

اتمنى بنات الطايف يفيدونك

[السندسة]

مرحبا خواتي العرايس بس ياليت تدلوني وين القى كتب الكروشيه في البحرين

[دموع الورد]

مجهود رائع عائدات

ماقصرتي يالغلا

دمتي بود

دموع

[همس القـلوب]

السلام عليكم ورحمة الله وبركاته

إذا تحبين الخياطة والأعمال اليدوية وكنتي من البحرين أو قطر

أو أي دولة من دول العالم ممكن تقولين لي من وين أحصل على

أزرار وقطع قماش حلوين للخياطة

أشوف في المواقع الأجنبية أشياء وايد حلوة ، عندنا جذي بالخليج؟ :ss:

وبالنسبة للجوخ

وين أقدر أحصل على ألوان وايد للجوخ؟ :confused: ابي وايد درجات

مو الدرجات المعروفة ..

وإذا تعرفون موقع على الإنترنت ممكن اشتري منه مستلزمات الخياطة

قولوا لي وربي يرزقكم كل الخير ويحقق لكم إللي تتمنونه..

ولكم اطيب تحية

[سولارا]

ارجومن الجميع مساعدتي فانا احب الاعمال اليدويه خصوصا الاكسسوار واريد الحصول على كتب في هذاالمجال وايظا اين الاماكن التي تبيع اغراظ الاكسسوار ارجو ان اجد حل لديكم انا في جده

[همس القـلوب]

محد يعرف؟

ولا ما تبون تساعدوني؟ :confused:

[فلوريدا]

ما اعرف حبيبتي ...إن شاء الله البنات يساعدونج ..........

[بنت دار زايد 2008]

هلااا اخواتي ,, والله ما عرفت ويين احطي ها الموضوع بس انا محتاجه ابره لتريكوو الدائريه

ما لقيتهااا بالسوووق افتر رااااسي وانا ادووورها ,,



اللي عندهاا ودها تساعدني بعطيها بريدي ولو تبا عادي بدفع لهاا



اللي حابه ع الخاااص بليييز افيدووني انا اعرف اسوي بس الادوات ما لقيتهااا :ss:
بليييييييز لا تحذفووون موضووعي

[mootez]

[frame="2 70"]
السلام عليكم و رحمة الله و بركاته

(f) أريد صنع بعض التحف من الشمع لكنني لم أعرف من أين أشتري الشمع الأبيض و شمع الجال . فأرجو منكم مساعدتي و إخباري محل بيع الشمع ( هل هو محل لبيع أدوات الخياطة , أو محل آخر ........) (f)


شكـــــــــــــــــــــــ ـــــــــــــــــــــــــ ـــــــــــرا
[/frame]

[بنت دار زايد 2008]

ماشي رد حرام عاد ساعدووني!!!