تسلمين اختي والله
الله يسعدش اختي ريحتين وااجد ريح الله قلبش
وماعلة بتعبش ويايي اشوي
تسلمين اختي والله
الله يسعدش اختي ريحتين وااجد ريح الله قلبش
وماعلة بتعبش ويايي اشوي
شخباركم عراايس؟؟
بغيت اسالكم اي أحلى طلاء ثلاثة الجدران بلون فاتح والرابغ غامق ( مثلا ماروني لو بينفسجي)،، أم جدار واحد باللون الغامق والثاثة الباقين بالبيج ؟؟؟؟
خبروني وساعدوني عرايس :tongue:
اختي بسمه اطفالي هذا يرجع الي غرفتك ومساحتها اذا كانت ضغيره ينطبق عليها اللون الغامق لجدار والفواتح للجدران الثلاثه كذلك اللون الغامق للجدار والبيج للثلاثه فالطريقتين راح يناسبوا اذا كانت غرفتك مساحتها صغيره اي انها لاتتسع الا لسرير وتسريحه وكبت افضل الوان البيج اذا لون غرفتك بني . اما اذا لون الغرفه ابيض او بيج فافضل الحوائط فواتح وهذا يرجع ال مدي تناسق الالوان اللي راح تستخدميها وتعتمديها والستائر والمفرش والسجاد فهذا يكمل الغرفه .
تشكرين اختي
غرفتي كبيرة ماشاء الله ووالغرفة ( السرير وال...) لونها بيج
بس افكر ول صبغته غامق وفاتح بلتزم بلون محدد للفراش ! والا انتي شتقولي؟
وبالنسبة للسجاد اللي سالتش عنه قصدت السجاد اللي تحت
يعني بكون سجاد تحت وفوقه سجاد مال وسط
فاشلون راح تكون الألوان ؟؟ لو كان
السلام عليكم ورحمة الله وبركاته ..
اهلين .. كيفكم (y)؟؟
عندي سؤال ..
لو سمحتوا ايش أحسن أثاث لغرف الاستقبال حق الرجال وحق السيدات
وإذا كان فيه صور حلوة وجديدة ومميزة ياليت تنزلوها ليّا ضروري
وجزاااااااكم الله خير ..
اهلا بسمه بالنسبه للون الغرف اذا خلتيها بيج اختاري واجهه غامقه والباقي فواتح
ثم ضعي الفرش من الدرجات الغامقه او فيها تعريقات عامقه شوي مع ارضيه افتح اما اذا اعتمدتي ان يكون الفرش ساده والستاره ساده اختاريها درجه عامقه .
اما اذا صبغتيها بني يفضل الفرش والستائر يكونوا فاتحين
بالنسبه للسجاد انا قصدت القطع اما اذا حابه تفرشي الارضيه كلها موكيت اختاري درجه الساده ومن الوان الستاره وباستطاعتك وضع قطعه صغيره من السجاد فوق الموكيت وتكون هذه القطعه او قطعتين حسب ماتحبي واحده بين السرير والتسريحه واخري بين الكبت والسرير
والالوان تعتمد علي اللون اللي قررتي تسويه ةالقطع تكون ملونه بالوان متداخله من الوان الحوائط .
مساالخير اختي اسماء انا اخدت بنصيحتك ورتبت غرفت ولدي وطلعت مرتبه والحين رديت لك عشان تساعديني في غرفت الجلوس
بما انه تونا سكنا البيت جاني من ام ريلي كنب هديه لونه عنابي على بيج وعملت له ستاير مخمل عنابي وبيج بس عندي مشكله من اول ما شفت الكنب اولا في تحت خشب منقش بس لونه افاتح ما حبيته ابدا فهل اقدر اغير لونه الى بني غامج يعني اصبخه بني غامج الشي الثاني المجلس على الطهو عنابي منقش بورود صغيره لونها بيج وحلو والمقعد لونه بيج ووروده عنابي كبير وبيبين فيه اي علامه لانه فاتح وفي نفس الوقت مش مريح في القعده لانه مضغوط زياده يعني مثل الحجر شو الحل برايك انا متضايقه من هذا الشي فكرت اغير قماش مكان القعده واخليه نفس الظهر عنابي وقبل ما اسوي اضيف عليه اسفنجه مريحه عشان يرتاح الي يجلس عليه انتي شو رايج بلييز ساعديني وفي نفس الوقت مافيني اغير المجلس لانه من انسانه غالي وما اريد ازعلها اريد مشورتك عندي عيال واللون الفاتح ما يصلح لي فكيف اقدر اسوي هذه الاشياء
نسيت اخبرج لون المجلس اصفر فاقع والجلسه استايلها فيه فخامه فهل اغير اللون او اعمل ورق جدران يخلى اللون اهدا لاني عملت هذا اللون عشان كان خاظري باستايل بسيط وشبابي شو رايج
اختي بالنسبه للون الاصفر خلو بس حاولي اكثار من الوان الكوشن يعني لو دخلتي الوان كوشن كحلي مع برتقالي مع اخضر او اي الوان اخري لان الاصفر ياخذ ويناسبه تقريبا اغلبيه الالوان طالما ساده يمكن تدخيل ورق جدران واجهه واحده كحلي والباقي تعتيق ذهبي مع بني الخفيف فاذا وضعتي الجدران كحلي خلي الستاره كحلي والاورجنزا ذهبي مع بيج فطالما اللون الاصفر يعتبر من الفواتح حاولي تغميق الحوائط اذا كانت الصاله كبيره يعني لو حابه التعتيق يمكن تعتقي بدرجات البني والاصفر .
سلام عليكم عرايس
ماشاء الله عليك اختي،، ماشاء الله بارعة في الديكور
بغيت تساعوني في غرفتي
حابة اغير من غرفتي واطليها طلاء حلووو
أممممممممممم،،،
لون فرضنا اللون العنابي اي السجاد ياللي يناسبها؟؟ وسجاد الوسط راح يكون أي لون ؟؟
ولو فرضنا رماني اي السجاد ياللي يناسبيها وسجاد الوسط اي لون المفروض يكون؟
ووكذلك بالنسبة للستارة
متحيرة مرررررررررررة ،، ياريت يكون بالصور اختي
موضوع رائع
يسعدك ربي على هالطرح الرائع
انا ياعزيزتى عندى مشكلة بالمطبخ
كنت ساكنة بشقة ونقلت لشقة ثانية مطبخها اكبر من شقتى الاولى
واختلفت قياسات المطبخ
جبت عامل وركبها لى تمام بس ظلت مشكلة بزاوية من زوايا المطبخ
مكان الزاوية فاضى مافية دولاب وبعد الزاوية تبدا تكملت المطبخ
لانو الزوايا عندى دائرية ماهى مثلثة وطلع فراغ بالزاوية بس من فوق من تحت لا
يعنى تحت فية دولاب متصل بس من فوق مافي شي..؟
ابغى طرق وافكار ازبطها بحيث تطلع لها شكل
وبالعلم ان مطبخى بيج غامق شوى ايش ممكن ادمج معاة لون باكسسورات المطبخ..؟
وشكرا مقدما
اختي ام عمر وحمده انا اسفه لاني مانتبهت للقسم الاول من السؤال بالنسبه لخشب الكنب ممكن تغيري لونه عند اي نجار ممكن ياخذه ويصبغه لانه النوعيه هذه تبيلها واحد متخصص لانك ماراح تقدري انتي تعمليه لانه ماعندك خلفيه علي صبغ الخشب لانه يوجد بالسوق عند محلات الصبغ الوان متنوعه ومتخصصه للخشب واذا انتي شاطره بالصبغ ممكن صبغ الكنب بفرشاه ضغيره وتراعي تغطيه اللون من كل النواحي وداخل النقشات وعندما يجف كليا هناك ماده مثل الورنيش اسنها اللكر تاخذ وتلمع فيه لكني انصحك عند اي نجار يمكن يقوم بهذه المهمه .
بالنسبه للمجلس لاادري كيف تفصيله يعني ماتقدري تبدلي الظهر تضعيه مكان المقعد وبالعكس اذا عادي مافي اي مشكله يمكن تقومي انتي بالتغيير خاصه اذا كان الظهر منفصل يعني مو متصل مع بعضه يعني ظهر واحد جربي .
واذا غيرتي القماش عند اي منجد للكنب عادي واخبري حماتك انه لونه فاتح وراح يتسخ بسرعه من الاطفال او يمكن شراء قماش باللون اللي انتي حاببتيه وتفرشيه علي الكنب يعني لو كل قطعه منفصله خذي القماش وغطي القطعه كامله هذا اذا كان الكنب بغرفه المعيشه
لكن اذا كان للضيوف الاحسن ان تقومي بارساله عند متخصص بتنجيد الكنب وراح يضيف لك علي الاسفنج طبقه من الديباج وراح تكون طريه ومريحه وراح يغير اللون اللي انتي حاببتيه .
اهلا جنه اذا فرضا فرشتي اللون العنابي فسجاد الوسط يمكن اضافه البيج مع العنابي
اما الرمادي فيمكن وضع قطع كالتالي
بالنسبه للفرش ممكن اختيار الوان الستاره من الوان المفرش وهذه الالوان تناسب العنابي
مثل هذه الصوره يمكن عمل الستاره باللون الذهبي حتي يعطيها اتساع اما اذا الغرفه كبيره يمكن وضع اللون العنابي للستاره
هنا يمكن اختيار الستاره الاخضر او البرتقالي الفاتح او الاصفر او الذهبي
اما الرمادي يمكن اضافه البرتقالي والذهبي مع الرمادي
او اضافه الاخضر الفستقي مع الذهبي مع الرمادي