نصيحه من كل ام لكل ام

[quiet girl]

فى حاجه كمان دكتور تبارك قالى عليها نسيت اقولهالكم قالى متنيمهاش على بطنها خالص
نيميها على ضهرها وجنبها اليمين فقط وسالته على الكار سيت اخليها تعد عليه من امتى قالى على سن 6 شهور ويستحسن 9 شهور كمان

[medowawa]

اما بئا موضوع اننا نعودهم انهم يناموا لوحدهم انا لحد دلوقتى نانو بتنام جمبى هى 4 ونص وكنت بفكر ازاى احطها فالسرير بتعها حتى وهى جمب سريرى بس بفكر فى انها بتصحى بليل شويه ترضع وهى نايمه وترجع تنام تانى حتى ولو شويه صغننه اعمل ايه وانا بحاول ااكلها بليل قبل ماتنام بس برضو بتصحى
وفكرت اخليها لما تكمل 6 شهور وبعد كدا احطها فى سريرها جمبى ولما تكمل سنه احط سريرها فى اوضتها
ايه رايكم
بصي يا جميل 6 شهور مناسب جدا وسنه تنقليها كويس اوي بس تجمدي قلبك كدى عشان مصلحتك ومصلحتها
وتنامي بقى براحتك في سريرك كدى
وحاولي بردوا تبقي سامعه صوتها وتشوفي غطاها مايكونش تقيل يعرقها ولا خفيف يبردها
وتتطمني علييها كل شويه

[medowawa]

بسم الله ماشاء الله عليكي ربنا يكرمك يارب ويسهلك ولادتك ويباركلك في اولادك يارب
بس كنت عاوزه اسالك سؤال هو ينفع بيبي حديث الولاده نديله رضعه اعشاب باليل قبل النوم بحيث تبقي مشبعه نظرا لان لبن الام مش بيبقي كتير في الاول فايقدر يرضع وينام فتره كافيه ولا ايه؟

والله يا جميل انا متاسفه جدا زعلت من نفسي اوي اني ماردتش من بدري بس والله مادخلت الموضوع من ساعتها وانتم بردوا بتفيدوني لان في حاجات نسيتها وحرجع افتكرها تاني
انا رايي تديله رضعة اعشاب في اخر النوم بس موضوع مشبعه او لا ده تبع الطفل جربي كدى معاه لو نام خلاص لو حسيتي انه صحي تاني يبقى لازم يرضع لان كل طفل مش زي التاني
بس لما يكبر شويه نومه بينتظم ولما يكبر ممكن تديله رضعه صناعي بليل
ولما ان شاء الله ياكل خلي اخر وجبه اكل وده من 4 شهور
وممكن تديله نوع خضار واحد بطاطس او جزر او كوسه نوع واحد بس وبعد كدى يبقوا نوعين وبعد كدى تلاته
والتتبيل بتاع الخضار نحط معاه كرفس او بقدونس نتبل بيه الاكل من غير اي بهارات وندي طعم للخضار

[&&رانيا&&]

ماشاء الله يا رور
ربنا يخليهالك يارب وتشوفيها بتضحك وتكركر على طول
وعقبال ما تكبر وتلعب معاكي استغماية يارب هههههههههههههههه

حقه يا ايمى يارب اللهم امين:032:

فعلا انتى عندك حق بس هو ممكن يكون بيتكلم على سنها ده والله اعلم بس انا بعرف ان جوجو عندها مغص لما تعيط وهى بترضع ولما احطها على بطنها تسكت فساعتهابقى بديها اكوا فيرا بترتاح وترضع عادى وبعرف اذا كانت عايزه تغير ولا لا لما تكون رضعت كويس وعمالة تعيط بردوا وبعرف انها عايزه تلعب لما الاقيها بتعيط ولما اشيلها او الاعبها تسكت لكن لما تعيط ومفيش اى حاجه من دى تسكتها اعرف انها جعانة
موضوع الوزن ده انا كمان مستغربة منه والله زيكم

اه وكمان تعرفى علامه معينه للمغص انك مرضعاها ومغيرالها وكل حاجه وتيجى تحطيها على سدرك تتشنج ووشها يحمر وتفرك برجليها دى علامه مميزة لللمغص او ناموسه قرصتها
اه لو نيمتيها على بطنها بعد الرضاعه ممكن ترجع لكن بعد الرضاعه بوقت طويل ممكن تحطيها على بطنها بضع دقائق وتشيليها تانى عشان بس بطنها ترتاح من الغازات والانتفاخات

[Jumanaa]

بنات
ابدأ ادى ميه لحمزه من امتى هو كمل 4 شهور ؟وهل ينفع اشربه مية زمزم من غير ماتتغلى طبعا؟

وكمان حاجه عايزه لعب مناسبه لسن سنه حاجات تكون بتنمى قدرات العقل والذكاء يعنى مش عايزه حاجه عاديه

[Emo0o0Z]

على فكرة يا بنات انا كنت بنيم معاذ ابني معايا في السرير لحد ما كمل سنة هو ماكنش بيرضى ينام في سريره خالص
بس اول ما تم السنة نقلته في سريره في اوضته وانا كنت بنام في اوضتي وشوية شوية هو فهم وبقى يصحى ييجي لي اوضتي من غير ما يعيط
بجد الموضوع ده مهم جدا انه يتعود ينام لواحده من بدري
بس من ساعة الشتا بقى للاسف بقى يصعب عليا انه يقوم من سريره وييجي لي اوضتي فبقيت بنام انا جنبه بس هو عادي يعني اوقات بنام بعده بفترة طويلة بقوم من جنبه عادي وهو مش بيصحى الحمدلله بس برجع انام جنبه عشان بس البرد ومش يقوم من ع السرير وييجي لي اوضتي
ان شاء الله الجو بدا يتظبط تاني هرجع بقى انيمه تاني لواحده وطبعا الموضوع مش هيبقى صعي زي ما يكون اول مرة ينام الحمدلله

عشان كده بجد المفروض الاطفال ينامو لواحدهم من سنة وكان دكتر ياسر نصر كمان بيقول من ست شهور بس ده كده بدري اوي

[crazy ananas]

المهم اليومين اللي فاتو دول محمد ابني كان عيان وسخن وحرارته عالية اوي وصلت 39 ونص بس الحمدلله بدأ يتحسن ..انا نصيحتي بقى لما البيبي يسخن لا قدر الله لازم حمام ميه ساقعه انا قعدته في البانيو بتاعه نص ساعه وقلبي كان بيتقطع عليه وهو بيصرخ من السقعه والخوف بس كان لازم والحمدلله نزلتها ل38 وشرطتين كده

ربنا يطمنك عليه يا هوبى ويشفيه يارب

الحاجه الطريفه بقى اللى لاحظتها على جوجو بقى الحمدلله بقيت اخليها تكركر من الضحك كان نفسى اسمع صوتها فى الضحك مش ابتسامه بس اقولكم بقى اشيلها مثلا واحنا خارجين وباباها ورايا وانا شيلاها على ايدى ارفعها لفوق شويه وباباها يضحكها باى حاجه من ورا ماشاء الله اللهم بارك ضحكتهم جميله اوى بس يارب تكونو فهمتونى وبس انا عارفه انه مش ف محل الموضوع ههههه بس انا عارفه ان كل ام بتتمنى تشوف طفلها بيكركر ودى حاجه بتشرحها اوى

ربنا يخليهالك يارب وتفرحى بيها يارب انا فهمت قصدك وفعلا ضحكهم حلو قوى وبيفرح الواحد من قلبه بجد ربنا يبارك فيهم يارب

انا نفسى والله مستغربة كلامه بس فى حاجه انا فعلا اكتشفت ان جوجو بتشبع الحمد لله لانها بعد كدا بقت تنام ساعات طويلة والحمد لله وده معناه انها بتشبع وكمان بتقشط وترجع وانا سمعت ان اللى يرجع ده بيبقى لبن زياده عن احتياجه واللى بينام كويس ده معناه انه بيشبع بس هى بردوا مازالت رفيعة بس معرفش وزنها كام دلوقتى

بس عموما تابعى وزنها كل شهر عالاقل
لان الوزن عموما مهم قوى اول 6 شهور تكون بتزيد بنتظام عشان ال6 شهور التانين بتعمل مجهود كتيرزى التسنين والشقاوه وهتخس عن الاول فلما يكون وزنها كويس بيسندها لما تبدء تعمل مجهود

بلاش يا جميل الميه السقعه لامش كويسه عل المخ ,,الميه لازم تكون فاتره
وممكن كمان مع الميه الفاتره كمادات الجيل عمليه جدا للاطفال اللي مش بيستحملوا الكمادات وبيلعبوا فيها
طبعا لو ابنك سنه مناسب هي للاطفال من عمر سنه
وربنا يباركلك فيه

معلومه حلوه قوى بس هى ايه كمادات الجيل

بصي يا جميل 6 شهور مناسب جدا وسنه تنقليها كويس اوي بس تجمدي قلبك كدى عشان مصلحتك ومصلحتها
وتنامي بقى براحتك في سريرك كدى
وحاولي بردوا تبقي سامعه صوتها وتشوفي غطاها مايكونش تقيل يعرقها ولا خفيف يبردها
وتتطمني علييها كل شويه

ربنا يكرمك بجد ويكملك حملك على خير ويباركلك فى اولادك

والله يا جميل انا متاسفه جدا زعلت من نفسي اوي اني ماردتش من بدري بس والله مادخلت الموضوع من ساعتها وانتم بردوا بتفيدوني لان في حاجات نسيتها وحرجع افتكرها تاني
انا رايي تديله رضعة اعشاب في اخر النوم بس موضوع مشبعه او لا ده تبع الطفل جربي كدى معاه لو نام خلاص لو حسيتي انه صحي تاني يبقى لازم يرضع لان كل طفل مش زي التاني
بس لما يكبر شويه نومه بينتظم ولما يكبر ممكن تديله رضعه صناعي بليل
ولما ان شاء الله ياكل خلي اخر وجبه اكل وده من 4 شهور
وممكن تديله نوع خضار واحد بطاطس او جزر او كوسه نوع واحد بس وبعد كدى يبقوا نوعين وبعد كدى تلاته
والتتبيل بتاع الخضار نحط معاه كرفس او بقدونس نتبل بيه الاكل من غير اي بهارات وندي طعم للخضار

حلوه قوى فكره الكرفس والبقدونس ديه بجد احسن مالتوابل لان ممكن اصلا متكونش مطحونه كويس

بنات
ابدأ ادى ميه لحمزه من امتى هو كمل 4 شهور ؟وهل ينفع اشربه مية زمزم من غير ماتتغلى طبعا؟

وكمان حاجه عايزه لعب مناسبه لسن سنه حاجات تكون بتنمى قدرات العقل والذكاء يعنى مش عايزه حاجه عاديه

اديله مايه دلوقتى يا جوجو لان كمان الجو حرر وهتنفعه المايه فالجو ده
وكمان لو كنتى بدئتى اكل هيحتاج للميه
انا شربت نانو فالشهر ال 4
واصلا كان فى دكتور بيقولى الميه عادى من اول يوم بس انا مقتنعتش قوى لان اللبن بيكون فيه كل العناصر اللى محتاجها البيبى اول تلات شهور
اما مايه زمزم مش عارفه الصراحه بس بيتهئلى انها مايه كويس مش هتضره فى حاجه انا كان نفسى اشرب نانو مايه زمزم
اما اللعب على فكره كل اللعب اللى فالمحلات بيكون مكتوب عليها السن من كام
والسن بتاع حمزه احسن حاجه ليه البيبى جيم

وديه اشكال ليه واسعاره من 100 لحد 300 وحاجه كل ماللعب بتزيد كل ما السعر بيزيد







وفى لعب بتتباع زى ديه ممكن تعلقيها فالكارسيت بدل البيبى جيم



وفى كرسى زى ده وسعره تقريبا 500 وحاجه وشوفته فى رويال هاووس وسيف استورز



وفى الشكل ده

[crazy ananas]

كنت وعدتكم اجيبلكم لعب

عشان تعرفوا انى مش ناسيه

شوفوا وادعولى

بصوا انا هحطهم من اللعب اللى سنها صغنن الى الاكبر

واللعب بتبدء من بعد 3 شهور

يله نلاعب






وديه انا بحبها محدش شفها فى اى محل نفسى فيهاااااااااااا


جومانا اشكال للبيبى جيم تانى







وديه ممكن تتلبس فاليد هى شخشيه برضو



ولسه ولسه

[crazy ananas]

تعبتوا وله نكمل لعب



ده بيبى جيم برضو


وده بيحفز البيبى ان يسحف


قريت ان المرايه الاطفال بيحبوها قوى ويضحكو لما يشوفو نفسهم



وديه بتعمل موسيقى ممكن تحطها تحت رجل البيبى بيفرح بالصوت ويقوى عضلات رجله


وفيه كتب بتتغسل او بلاستك حلوه وبتلفت انتباهم


وديه تعلمه ازاى يطلع وينزل بس مشفتش زيها خالص


تنفع من 6 شهور بدل المشايه هى اسمها نطيطه بس مش عارفه بتتعلق ازاى حد يعرف

[crazy ananas]

لعب لعب



مش هتقدر تغمض عينك









ديه حلوه عشان التازر البصرى الحركى ويعرف الاشكال برضو







ولسه

[crazy ananas]

شويه معلومات عن مراحل النطق والكلام عند الاطفال

مهو مش كله لعب برضو

مراحل نمو اللغوي عند الاطفال

عند الولاده: الصرخه الاولى والصياح-اول خبرته يمرور الهواء في الحنجره –اصوات تلقائيه تصاحب الشهيق والزفير على حدا سواء

الشهر الاول والثاني: صراخ-بكاء-حروف متحركه تعبير عن الم او جوع.في غير اوقات البكاء تظهر اصوات اخرى من ضمنها سةاكن بلعوميه ( ك-ق-غ) واصةات يشترك فيها اللسان في اوضاع تشبه البلع وهي لسيت اصواتا على لغه واحده .تصاحب هذه الاصوات حركات بالرجلين والقدمين.هذه الاصوات تعد بداية النطق وتشعر الام بها فتتجاوب مع طفلها عند اصدار هذه الاصوات وتعديها له واتكررها عليه ان يسمع ويهداء .ان محاولة الام لتهدئة البكاء او منعه من البكاء تؤدي الى التقليل من التجارب التي يجربها الطفل ببكائه على اعضاء النطق .كذلك فان ترك الام الطفل يبكي لمدة طويله يمنعه ايضا من اجراء تجربة اعضاء النطق في اصدار اصوات اخرى .

الشهر الثالث –الخامس:المناغاة اصوت متحركه اماميه ( ى- ى أ-أ ).سواكن اماميه م- ب.يؤديها الطفل لقائيا لوحده واحيانا عندما يكلموه الاخرون او اثناء الحمام.بالنسبه لهذه المرحله فان الطفل يسمع الصوت الذي يصدره ويتعرف على خصائصه في النطق وان اعجبه الصوت او الكلمة اعادها كنوع من تقليد ذاتي .اذا تعطلت هذه المرحله نتجية مرض قد تسبب تاخر لغوي .
ان الطفل الاصم يبدا في المناغاة في هذا العمر ويفقد الاهتمام بها سرعيا لعدم قدرته
على سماعها ولذا ننصح في هذه الحاله تعليق مرآة امام وجهه ليتواصل بصريا ويفهم الموقف .

الشهر السادس-الثامن:العاب كلاميه يبداء في تكرار المقاطع(دادادا ) وقد يختار مقطع ويكرره وتظهر سواكن جديده-د-ت-ن-ل- واصوت متحركه خلفيه وو.يبداء في التفاعل الاجتماعي ويستعمل الاصوات لجذب الانتباه وللتعبير عن مطلب وبداية ادراك الكلام وسيلة للتحكم في المجتمع حيث يبداء في الرد-بيداية الحوار.
يستمر في المناغاة وخاصة امام الاخرين يتعلم كبف يحرك اللسان داخل الفم وفي كل الاتجاهات وكيف يثبت الفك الاسفل وهذه خطوات هامه جدا لتنويع الاصوات.

التاسع الى الحادي عشر :ينوع الطفل الاصوات فيشعر من يسمعه انه يتكلم فعلا .ويستمر في المناغاة والالعاب الكلاميه وتقل اوقات البكاء –يفهم معنى (لا ) ويزداد تنوع الاصوات التي يصدرها .
يستجيب اكثرلوالديه سواء لاشاراتهما او لتقليد اصوت يصدرونها .
هذه المرحله يسعد الاطفال كثيرا بالاغاني التي تكرر بها كمات بسيطه .

الشهر الثاني عشر الى الثمن عشر :الكلمه وقد تبدأ هذه المرحله مبكرا ( الشهر العاشر )او تتاخر حتى الشهر الثامن عشر وهي مرحله مهمه للنمو ككل تزداد فيها قدرة الطفل على الفهم-يمشي-يبداء اطعام نفسه – يبدأ بالتعبير عن نفسه بكلمه تكون اساسا مقطع او مقطعين من السلاسل الطويله التي كان يصدرها .
ان تقليد الوالدين هو الذي يعلم الطفل خاصة ان كان الصوت يصاحبه فعل –جمل الطفل –باي باي –مع اشاره باليد للخروج .يتطلب خلق ظروف ملائمه لان الطفل لا يتعلم الكلمه فحسب ونما يتعلم المعنى بها من خلال الموقف السليم.

سنه ونصف الى سنتين:يتكون كلامه من بضع كلمات ذات معنى –هات-خذ-مع اسماء افراد الاسره في هذه المرحله يجب ان يزود الطفل بالكلمه المناسبه في الوقت المناسب عندما يراه يلمس-يتعرف-فيربط الطفل بين الكلمه بالملمس—الشكل-بالطعم-بالرائحه-( اشراك اكبر مجموعه من احواس في التعرف ).حتى تصبح الكلمه جزء من التجربه وهنا بداية الادراك للفروق بين الاشياء وادراكه للوجود الدائم ومن هنا تبرز له اهمية تكوين الصوره العقليه عن الشيىء والرمز له بكلمه.ومع ظهور الاسنان يبداء تكرار الكلام بدون هدف ويجب على الاهل الاستفاده من هذه المرحله بتعليمه اغاني بسيطه.

سنتين الى ثلاث سنوات :يتعلم الطفل اجادة اللغه من خلال بحث نشيط فيما حوله وتقليد وتكرار واستنتاجات للمعاني.يخفي الكلام الغير مفهوم- تبداء الجمل من ثلاث كلمات (بابا راح الشغل ) فعل وفاعل ومفعول به .تتحول العابه الى رمزو وتمثليات( الشيىء يرمز الى غيره ).تتطلب هذه المرحله توفير نموذج سليم كي يقلده الطفل سواء في نطق الكلمه او في طول الجمله .عند توفير نموذج سليم تختفي عيوب النطق تلقائيا مع تقدم العمر .

3 - 4 سنوات:يصبح الطفل اجتماعيا يلعب مع رفاقه ويحادث الكبار ويحتاج هنا الى لغه متقدمه للتعبير عن احتياجاته للتاثير على زملائه للتعبيرعن العلاقه بين الاشيغاء لتقليد والديه بسرعة الكلام ومن هنا يبداء التلعثم الذي قد يتسبب فيه الاهل بسبب سرعة الحديث مع الطفل الى جانب مقاطعته الدائمه محاولة لتحيح الكلمات ( جمع –مثنى-) او عدم التفاتهم اليه وهو يتكلم .ان هذا التلعثم قد يكون مرحله فقط( ممكن ان يختفي في سن 5 او 6 سنوات ) اذا لم يلفت احد نظر الطفل اليه وهو قد يستمر لفتره اطول تطول او تقصر حسب المحيطين بالطفل.

منقول من موقع ذوى الاحتياجات الخاصه النطق والسمع

[mashimaro16]

لا ابدا لا طولتى وله حاجه ولو عندك تانى قوليه انتى نورتى الموضوع
ممكن اعرف انتى روحتى انهى فرع لتبارك

بس الدكتور التانى ده كلامه غريب ازاى الوزن مش مهم انا اللى اعرفه ان المفروض يزيد كيلو فالشهر اول 6شهور وبعد كدا نص كيلو

انا روحت فرع شيراتون هو الدكتور ده موجود فى شيراتون والمقطم
انا نفسى والله مستغربة كلامه بس فى حاجه انا فعلا اكتشفت ان جوجو بتشبع الحمد لله لانها بعد كدا بقت تنام ساعات طويلة والحمد لله وده معناه انها بتشبع وكمان بتقشط وترجع وانا سمعت ان اللى يرجع ده بيبقى لبن زياده عن احتياجه واللى بينام كويس ده معناه انه بيشبع بس هى بردوا مازالت رفيعة بس معرفش وزنها كام دلوقتى [/QUOTE]

اسمه ايه الدكتور بتاع فرع شيراتون؟ هل اسمه هشام السبيلى؟؟؟

بجد موضوع روعة ما شاء الله
انا هقولكوا كل نصايحى من اول ا ولدت لحد دلوقتى
اول نصيحة للحامل انها تهتم بالنيبلز بجد يا جماعة محدش يستهتر بالموضوع ده لانى استهترت بيه وتعبت شهر كامل لان حصل فيه تشققات واتعور وكان بينزل دم وكان حوار يعنى
تانى حاحة انا فى سبوع جودى لاقيت الحمام بتاعها لونه اخضر وبتعمل حمام كتير قولت دى عندها اسهال بقى وبرد فى المعده لانها مولوده فى اخر واحد يعنى عز الشتا روحت للدكتور اسمه اسلام امين فى تبارك قالى لا ده مش اسهال قالى عادى ان الطفل يعمل حمام بعد كل رضعه والحمام بتاعها لونه اخضر لانى كنت باخد مضاد حيوى بعد الولاده علشان الجرح فقالى كان فى فيتامينات مش بتوصلها وادانى فيتامين فوار ليها وقالى لمده اربع ايام وفعلا لونه الحمام اتغير وبعد لما بطلت الفوار رجع تانى اخضر قالى اصبرى وهيرجع لونه الطبيعى تانى
وفعلا رجع للونه الطبيعى
تانى حاجه لاقى عند جودى ان السرة موقعتش كلها وادانى ليها ماس ازرق والحمد لله وقعت
وقالى بقى نصايح ان عادى ان الطفل يجيله زغطه وعطس وخنفره وانه يرجع ويكشت وممكن يرجع من مناخيره
وكتبلى على اكوافيرا للمغص
بعد كدا لاقيت جودى نومها قليل جداا وكل شويه عايزه ترضع ولاقتها خست قولت دى مش بتشبع وقولت اوديها لدكتور علشان يكتبلى على لبن صناعى وكمان لون لسانها كان ابيض اوى من اللبن فقولت اروح اسال الدكتور ودتها عند دكتور كنت بروحله انا وجوزى واحنا صغيرين
بصوا هوقالى كلام هتستغربوه جداااااااااا بس بجد لولا اننا مجربينه واحنا صغيرين حتى لينا ملفات هناك لسه انا وجوزى حتى ضم ملف جودى معانا وكمان كل بتوع المنطة بيروحولوا وبيشكروا فيه جدااااااا وبيبقى زحمه مووت عنده لولا كدا مكنتش روحتله تانى وقولت دكتور مش بيفهم
اول حاجه قالى بنتك بتشبع قالى انا بعرف ان الطفل بيشبع ولا لا من جلده ودى بتشبع قولتله بس دى خست 200 جرام فى اسبوع قالى الميزان ميفرقش لان بقى لو عايزه تحسبيها صح تبقى توزنى بنتك قبل الرضاعه وبعد الرضاعة لانه بيفرق وزنها قبل الرضاعة عن بعد الرضاعه وتوزنى نفسك بعد الرضاعه وقبل الرضاعه وتوزنى الحمام بتاعها وتشوفى بقى زادت ولا لا قولتله بس دى رفيعه اوى قالى الطفل الاصح هو اللى بيبقى رفيع لكن الطخين هو ده اللى صحته ضعيفة
وقالى ابدأئ من الاربعين اديها عصاير طبيعية زى البرتقال الطماطم وغيره يعنى
وقالى رضعيها فى اى وقت تعوز ترضع فيه وقالى متسمعيش الكلام اللى هو تنظيم الرضاعه كل ساعتين والكلام ده رضعيها وقت ما تحب ترضع حتى لو عايزه تاخده على انه حاجه تتمص ومتكلش
قالى امنعى التتينه والببرونه واديها بالمعلقة او القطارة لان الببرونه ممكن تستسهلها وتسيب الرضاعه والتتينه ممكن تتلوث وتتعبها او تعمل مشاكل فى سنانهالقدر اللة انها تبقى معوجة او حاجه
وقالى ابدأى شربيها ميه
وقولتله على النوم قالى براحتها تنام وقت ما تحب وتصحى وقت ما تحت قالى نظمى حياتك عليها مش هى اللى تنظم حياتها عليكى قولتله بس ده نومها قليل جدا قالى عادى ممكن يوم متنمش كتير ويوم تانى تنام اليوم كله وقالى لو نايمه متصحيهاش علشان تاكل حتى لو نامت اليوم كله متصحيهاش (بنت عمتى قالتلى ان سمعت من دكتور فى التلفزيون ان الطفل بينمو وهو نايم).
وادانى لللسانها نقط ونصيحة اللى ابنها او بنتها عنده حاجات بيضة على لسانه تروح للدكتور علشان يكتبها على دوا لانى سمعت ان الحاجات البيضة دى بتبقى زى الشوك على لسان الطفل

بصى موضوع الحاجات البيضا على اللسان دى فعلا مشكله والفطريات دى لاززم تتعالج بسرعه وبيتحطلها جيل اى كيور او اور كيور مش فاكره سامه اوى بتاع البق والثه او اى حاجه زى كده ودى دايما جوزى بيسألنى عليها الولد على لسانه حاجات بيضا ولا لا
وموضوع كل ما يطلب رضاعه تديله انا برده كل الدكاتره اصحاب جوزى كلهم قالولى نفس الكلام قالولى خصوصا اول 3 شهور او ممكن من الشهر 3 نبتدى كل ساعتين علشان مش يجيله تلبك معوى لا قدر الله

اه
اختلاف لون البيبى او الكيكى ممكن يكون بسبب تطعيمم اخدته كمان

وميرسى يا جميله على المعلومات الجميله دى كلها وياريت ياستى تطولى كده على طول بتفدينا والله
جزاكى الله الجنه

[دوللى شاهين]

صباح الخير

يا احلى امهات وكل سنه وانتم كلكم طيبين علشان عيد الام المعدل ليوم الاسرة ومتهايلى ده هيبقى احلى عيد ام لانكم جربتم الاحساس ده ادعوا معايا وقولوا يارب يرزق الاطفال لكل الزوجات المحرومات من الانجاب لان الاطفال دى احلى نعمه من رب العالمين
فى حاجه بقى انا عايزة اقولكم عليها انا سالت دكتور جوما على فيروس الروتا قالى هو علشان النزلات المعوية قالى فى مليون الف حاجه تانى بتجيب نزلات معويه مش الروتا بس يعنى التطعيم لمرض الروتا بس دى حاجه
انا بقى عايزة اسال سؤال جوما بتعرق كتير قوى والموضوع مخوفنى من ساعت ما قريت منكم ان العرق عند الاطفال مش حلو ايدها بتعرق ورجليها وهى بترضع بتعرق طب ايه اضرار العرق يا ريت اللى يعرف يقولى وهل يستهال انى اروح اسال الدكتور

[&&رانيا&&]

ايه اللعب الجامده دى يا انوس تسلمى ياسكر حلوة اوى

[quiet girl]

اسمه ايه الدكتور بتاع فرع شيراتون؟ هل اسمه هشام السبيلى؟؟؟
اسمه اسلام امين انا سمعت انه متخصص حديث الولادة



بصى موضوع الحاجات البيضا على اللسان دى فعلا مشكله والفطريات دى لاززم تتعالج بسرعه وبيتحطلها جيل اى كيور او اور كيور مش فاكره سامه اوى بتاع البق والثه او اى حاجه زى كده ودى دايما جوزى بيسألنى عليها الولد على لسانه حاجات بيضا ولا لا
وموضوع كل ما يطلب رضاعه تديله انا برده كل الدكاتره اصحاب جوزى كلهم قالولى نفس الكلام قالولى خصوصا اول 3 شهور او ممكن من الشهر 3 نبتدى كل ساعتين علشان مش يجيله تلبك معوى لا قدر الله

اه
اختلاف لون البيبى او الكيكى ممكن يكون بسبب تطعيمم اخدته كمان

وميرسى يا جميله على المعلومات الجميله دى كلها وياريت ياستى تطولى كده على طول بتفدينا والله
جزاكى الله الجنه [/QUOTE]
شكرا على المعلومات دى ياقمر وربنا يخليكى بترفعى من معنوياتى