انا بعد ما احب اكحل الطفل، وللاسف الكحل الحين كله كلك في كلك... مشحون رصاص ...
انا بعد ما احب اكحل الطفل، وللاسف الكحل الحين كله كلك في كلك... مشحون رصاص ...
انا بعد ما اقدر افيدج لاني ما اكحل بنتي
بس ما حبيت ادخل ولا ارد
انا فعلا قبل الولادة قرأت تحذير على الانترنت من تكحيل المواليد لان الكحل فيه نسبة رصاص وهي ضارة جدا لعين الطفل
انا اكحل لعيالي لكن اكووون واثقه من الكحل يعني يكوون ماافيه مادة الرصاص بالمررررره وهو خااص بالاطفال
وانا بعد يووم كنت صغيره تكحلت بنفس الكحل
والكحل جدااااا كويس لعيوون الاطفال
وكثير كثير منا مايووثق بكلام الجدادت والامهات لكن اذا جاااات المعلوومه من الغرب على طووول نمسكها ونطبقها
وانا كنت كذا لكن يووم استعملت لبنتي اول مررره جدااااا هجبني وهو يطهر عيوون البيبي
انا استعملت بس فترة الاربعين وبعد كذا حلاص
اما ياراا
اول وحده اتايد الكحل..
والله الكحل صدق مفيد بعدين اصلا الاثمد مرات يكون فيه نسبة رصاص بس الكحل الهندي الي يجيج سائل على مضغووط هذا وايد زين..
احسن عن ما يكبروون وينشوون من الرقاد اتكون عينهم ميفنه...اغلب اناس اشووفهم جي عفاني الله ينشوون من الرقاد اتكون عيوونهم وارمه مش طبيعيه..
والكحل يكثف رموووش اذا مافي البيبي رموووش وايد...معن ولدي ماشاء من انولد عيوونه رمووشها طوااال لدرجه ما كان يقدر يفتح عيوونه ماشاء الله
عيل ليش احنا انكحل عيونا يوم نكبر (ابا تفسير )
طيب ام يارا وعروس الموج
ممكن اتقولون لي شنو فايدة الكحل؟؟
لاتقولون لي يكبر عين الياهل
مافي شي يغير خلقة رب العالمين
احنا ما قلنا يكبر العين البيبي يوم ينولد عينه اتكوون منفخه فا مع التكحيل هذا الورم يخووز والعين تنفتح..والرمووش تغلظ
وفي الكحل حفظ لصحة العين، وتقوية للنور الباصر، وجلاء لها، وتلطيف للمادة الرديئة، واستخراج لها ؛مع الزينة في بعض أنواعه، وله عند النوم مزيد فضل لاشتمالها على الكحل، وسكونها عقيبه عن الحركة المضرة بها، وخدمة الطبيعة لها، وللإثمد من ذلك خاصية.
وفي سنن ابن ماجه عن سالم عن أبيه يرفعه: (عليكم بالإثمد، فإنه يجلو البصر، وينبت الشعر). وفي كتاب أبي نعيم: (فإنه منبتة للشعر، مذهبة للقذى، مصفاة للبصر).
وفي سنن ابن ماجه أيضًا: عن ابن عباس ـ رضي الله عنهما ـ يرفعه: (خير أكحالكم الإثمد، يجلو البصر، وينبت الشعر)
وكل انسان يرقد على الجنب الي يريحه...
بس نصيحه تاكدوو اذا الكحل فيه رصاص او لا لان الرصاص سبب في تلف الدماغ
ماشاء الله كلها يسويه الكحل
اول مرة اقراء هالمعلومات
كلشي جايز
بس بعد اني مو من مؤيدين الكحل حتى لو كان يسوي كل هذا
الناس اراء .... بس عن نفسي عمري ماكحلت بنتي ... ولا خطر في بالي اسويها ... اصلاً مااحب شكل الجاهل وعيونه مليانة كحل .... احسه تشيل البراءة من وجوههم ... وبعدين اذا انا الكبيرة الكحل يعملي حساسية ويحمر عيني وتجيني منه حكة فظيعة ... اشلون بنتي؟؟؟
انا ولدي عينه واسعة ورموشه طوال وعينه مرسومة
وعمري ما كحلته وهو عيونه جذي طالع على ابوه
واذا تنتفخ عينه او يصيده اي شي احط له مرهم عين بس يوم ويصحى
ولاعمري كحلته وما احب الكحل للاطفال
واوضحت الدراسة التى نشرت نتائجها يوم الأربعاء ان الأطباء في مستشفى الملك فيصل التخصصي تأكدوا بعد تحليل عينات عشوائية من الكحل, الذي يباع عند العطارين, والمتوافر في الأسواق والأنواع الهندية على الأخص أن نسبة الرصاص فيها تتراوح بين 85% إلى 100% في كل جرام من الكحل
وأشار الأطباء الى أن هذه النسبة من الرصاص تضر بالعيون وخصوصا عند الأطفال بعد أن تبين وجود علاقة بين استخدام الكحل وتسمم الرصاص عند الأطفال, وما يسببه من اعتلالات دماغية مشيرين إلى أن مثل هذه الاعتلالات تسبب زيادة نسبة الوفيات بين الأطفال إلى 25%
فافضل عدم استخدامه ابرك
ما كحلت عيالي بس الوالده الله يطول بعمرها كحلت بنونه مره وحده بس