المشاركة الأصلية كتبت بواسطة البتول 1
والله دمعت عيوني من الضحك
الصراحة كل مواقفكم تموت من الضحك خاصة اللي تطقطق بالعلكة وتطالع الفلم في المطعم :tongue:
اما عن اول زفة حصلتها من زوجي كانت في شهر العسل
سافرنا للعمرة واول يوم عدا على خير .. كنا متعودين بعد كل صلاة نرجع للفندق
مع بعض بحيث نتلاقى عند بوابة ما اذكر رقمها !!
المهم ، في اليوم الثاني وبعد صلاة المغرب انتظرت زوجي قرييب ربع ساعة وما وصل
عاد يومها زوجي نسى نظارته في الفندق وهو مايشوف بدون نظارة موووول
وانا الحبيبة نظري ضعيف شوي .. تميت انتظره وما رد بعدها قلت في نفس خليني
ارجع للفندق واجيب التظارة وارجع ادور عليه ..
و ارجع للفندق ويغريني ذاك السرير واحط راسي قلت في نفسي 5 دقايق وارجع للحرم ،
وادقها نووووووووووومة محترمة وما احس الا :mad: زوجي يصحيني بعد مرور 3 ساعات !!:eek:
واحصل ذيك الزفة المحترمة .. كيف ترجعين وما تخبريني وانا ادور عليك من 3 ساعات
وحضرتك مرتاحة ونايمة :o ولالالالالالالالالالالالا لالالا والزفة ما انتهت الا بالصياح :confused:
بعدها تميت اراضيه لين رضى .. بس والله شكله لما وصل كان:eek: عيونه طالعة من التدوير
الله يحفظه لي ولعيالي يارب