كتاب الظلال Book of Shadows

[همس جنوبي]

السلام عليكم و رحمة اللّه و بركاته

مبروك عليكم الشهر و تقبل اللّه منا و منكم صالح الأعمال

أهلين بنات أخباركم

عندي لكم اليوم موضوع شوي غير

و الموضوع صار له 4 شهور جاهز :worn_out: (و في بعد موضوعين ثانيين جاهزين) و توني بس أنزله (كسل بعيد عنكم) يعني يستحسن تحطون أقنعة لأن بيكون غبار كثير و أنتم صايمين غير إني أنجزت الموضوع في 6 أشهر لأني أشتغل يوم و أجلس بعدها بالأسابيع ما أسوي شيء يعني راح تكحكحون على الآخر ;)

و الموضوع حصري أكرر حصري فقط لعروس

حرامية المواضيع و الصور خافوا ربكم حرام إحنا نتعب و أنتم تاخذون على الجاهز

موضوعي اسمه

"كتاب الظلال"

أو "Book of Shadows"

ندخل في الموضوع

الموضوع اللّه يسلمكم و يعافيكم بكل بساطة إني قررت أسجل على أوراق كافة ألوان الشدو اللي عندي مع لون البيس اللي يناسبه هذي كانت الفكرة الأولية

بعدها قررت إني أسدح كافة ألوان البيس اللي معي في ورقة و كل مرة أحط لون شدو و أشوف كيف تأثير لون البيس على اللون و أحتفظ بهالأوراق في ملف سميته كتاب الظلال علشان إذا خاطري في درجة معينة من الشدو أدور في الملف و أعرف كيف أحصلها و ابتديت شغل من بداية شهر 10 و على أساس كنت بخلصه في إجازة نهاية أسبوع بس يا ليل ما أطولك :confused: لأن الموضوع استمر معي 6 شهور (لا تعتقدون بسبب كثر مكياجي السبب إني لما بدأت الموضوع نفسيتي صارت زفت فما كان لي نفس أشتغل لأني قررت أنظف كل شيء لما أخلص الموضوع نهائي و هذا تعبني لإني عارفة إن في أشياء مش نظيفة و أنا مخليتها فالوسواس كان واصل حده :sick غير إنه كثير مرات أريد أشتغل يطب علي حمادة ابن أختي فأرفع كل حاجة و إلا تصير علوم

كأني لعيت واجد :p

المهم بخلي الصور تحكي

>>>>>>>>>>>> يتبع

[همس جنوبي]

السلام عليكم و رحمة اللّه و بركاته

>>>>>>>>تابع

هذه صورة عامة للملف بعد ما خلص

الأشياء المستخدمة:

ملف لحفظ الأوراق (أختي اعطتني إياه)

هذا شكله من الداخل

دفتر (موجود عندي من قبل مخصصته لمواضيع المكياج) علشان أسجل فيه أسماء الشدو و البجمنت اللي استخدمتهم حتى ما أكرر و رغم هذا كررت :worn_out:

جميع البيس اللي عندي و كانوا متنوعين كونسيلر و الـcolor base و أكحال كريمية و شدوات كريمية و أقلام شدو

زووم

الكحل و الشدو الكريمي ما عليكم من قطرة أنجلوت اللي في الزاوية داخلة عرض

الكونسيلر و الـ shadestick و الـ color base ، الأحمر اسمه Premeditated و اللؤلؤي اسمه Shell

بعد زووم

من اليسار:
كونسيلر من كانيبو قديم -
Sharkskin - Beigeing - Pink Couture- Lucky Jade - Red Velvet - Lemon Chiffon - Cakeshop - Penny - Butternutty


الشدو و البيجمنت اللي عندي

جزء بسيط منهم :o

>>>>>>>>>>>> يتبع

[همس جنوبي]

السلام عليكم و رحمة اللّه و بركاته

<<<<<<<<<<<< تابع

الخطوات

رحت فتحت لي ملف و عملت لي جدول كتبت فيه أسماء البيس اللي راح أستخدمهم طلع إن في كل ورقة أقدر أحط 3 ألوان شدو طبعت الورقة و عملت منها نسخ شوفوا الصورة

و علشان أسهل على نفسي الموضوع قسمت الشدو و البيجمنت إلى مجموعات لونية حتى يسهل علي و حتى يكون الملف مرتب

بعدين قمت حطيت البيس على الورقة



هذه الورقة بعد ما حطيت البيس

بعدها أكتب اسم الشدو و احط الشدو فوق كل بيس و في كل ورقة أقدر أحط 3 شدوات
و لما أخلص أحط الورقة داخل الملف و أسجل أسماء الشدو المستخدمة في الدفتر

<<<<<<<<<<<<< يتبع

[همس جنوبي]

السلام عليكم و رحمة اللّه و بركاته

>>>>>>>>>> تابع

هذي لقطات متفرقة من العمل

الشدو اللي في باليتات الشدو من ديور ما عليها أرقام بس رقم الباليتة نفسها فكنت أكتب رقم الباليتة و أرسم الباليتة و أظلل مكان الشدو حتى أعرفه

<<<<<<<<<<<<< يتبع

[همس جنوبي]

السلام عليكم و رحمة اللّه و بركاته


>>>>>>>>>> تابع


مع عدد الشدو الكبير اللي عندي و مع التعب أكيد بيصير أخطاء :thumbs_down: إما إني أحط بيس مكان بيس ثاني أو إني أحط شدو في مكان غلط
فكنت علشان ما أعيد اللي سويته أخلي كل شيء مثل ما هو و أحط تصحيح بالقلم على الورقة مثل هذي الصور




هني غلطت بالبيس شوفوا الأسهم للتصحيح



هنا غلطت بالشدو و لأن عندي خانة فاضية شطبت مكان الخطأ و استخدمت الخانة الفاضية



بعضكم راح يسأل: إيش الهدف من اللي سويته كله و ليش تعبت عمري؟ ^o)

أنا أقول لكم

شوفوا هالصور



راح تلاحظون إن الألوان تختلف من خانة لخانة كأني حاطة ألوان كثيرة و هي في الحقيقة الصور اللي فوق لـ 6 شدوات كل 3 في ورقة بس لأن البيس يختلف في كل خانة تغيرت درجة الشدو من خانة لخانة


هذا راح أول شيء يغنيني أشتري شدوات أكثر (أنا نفسي أشك في هالنقطة )، ثانياً إذا عندي لبسة و أريد أحط مكياج يناسب اللبس أدور في الملف على الدرجة المناسبة خصوصاً و إن الملف مرتب حسب الدرجات و أعرف اسم البيس و الشدو اللي أقدر استخدمهم :thumbs_up:


شوفوا هذي صور مقربة


لاحظوا إن اللون مختلف في الخانات مع إنه نفس الشدو بس لأن البيس متغير تغير معاي لون الشدو





و هذه صورة وحدة من صفحات الملف





و هذا كان كتاب الظلال

إن شاء اللّه قدرت أوصل لكم الفكرة

و طبعاً بعد ما خلصت نظفت كل مكياجي و فرشي و ارتحت نفسياً :adore: و صورت لكم كل شيء بس إن شاء اللّه بحط المواضيع بعدين

إن شاء اللّه أكون أفدتكم و أي استفسار أو سؤال أنا في الخدمة

و على فكرة هذي الفكرة ما تصلح للبنات اللي عندهم مكياج كثير لأنهم راح يتعبون في التطبيق

و تقبلوا تحياتي F:

همس جنوبي

[دلوعة س]

ما شالله عليج همووووووووسه
عيني عليج بارده ما قصرتي وفيتي ووكفيتي

وان شالله الكل يستفيد


جاري التقييم ع المجهووووووووووووود

موفقه يا عسل

[M!$$_BLinG]

ما شاء الله تبارك الرحمن

اول شي مبارك عليج الشهر الغلا

موضوعج صراحه متعوب عليه بشكل ملحوظ
والفكره وايد خطيره ويديده وفعلا تفيد في الازمات

الصراحه موضوعج هذا خطير غناتي
ربي يسلم اناملج على طرحه
ما قصرتي ابد
ومجموعتج حلوه وتجنن ربي يحفظج

تستاهلين التميز عن جداره

للأسف ما قدرت اقيمج

انا وحده من اللي ما بيقدرون يطبقون هالفكره هههههههههههه

[sounya]

ماشاء الله
جهد متعووووووووووووووب ورائع

وبيفيد البنات ان شاء الله

مشكورة على التعب والافادة
تستاهلي 100 تقييم

بس كالعادة مايحبوني الميزان فبقيمج بدعائي ربي يباركلج ويوفقج يارب

[مسزز غموضة]

همووووسة...}}
وحشتني مواضيعج

وهالموضوع بصراحة ما شاء الله عليج وماشاء الله على فكرتج الحلووة
بتساعدنا كثير طبعا على نوعيه البيسات الي عندنا وعلى درجات الشدوهات
انا من النوع الي تتكرر الدرجات عندي واحب درجات معينة وهي الي تغيريني :adore:
بس بطريقتج هذه راح تساعدني في حصرها واكشتاف درجات جديدة وبنفس الوقت تشجعني اني استعملها اكثر لاني بتفتح نفسي على الوان ثانية حتى لو الدرجة هي ...

طبعا انا اعرف انك انسانة منظمة ما شاء الله عليج واحب هالتنظيم الي لاحظته ولمسته من مواضيعج ..,,


ما اقول الا الله يوفقك ويسهل عليكي
,,
وصوما مقبولا وافطارا شهيا ويعطيج الف عافية على الموضوع :thumbs_up:

[*AngelEyes*]

حبيت الفكره كثيييييير
خطيره انتي يا هموسه
تسلمي على الموضوع المرتب ;)
وان شاء الله بطبقها

[أنا الشوق]

والله انج خطيره

والفكره وايد حلوووووووووووووووه ويبيلها تطبيق :thumbs_up:

بس يا هل ترى باطبقها ولا لا ؟؟؟ ماتوقع :o

[dodoxiraqia]

فكره حلوه ما شاء الله عليك اقكرك روعه

تسلمين حبيبتي

[همس جنوبي]

السلام عليكم و رحمة اللّه و بركاته

ما شالله عليج همووووووووسه

عيني عليج بارده ما قصرتي وفيتي ووكفيتي

وان شالله الكل يستفيد


جاري التقييم ع المجهووووووووووووود


موفقه يا عسل

هلا دلع

اللّه يوفقك دنيا و آخرة إن شاء اللّه
و أتمنى إن الكل يستفيد

شكرً لمرورك بموضوعي و شكراً على التقييم F:

[dream rose]

ما شاء الله عليج همووووسه
ما شاء الله تبارك الرحمن ,, فكرتج حلووووة كثيييير
فعلا شغل متعووووب عليه
انا ما من محبي المكياج ,, بس بجد رح تساعد البنات كثير

وتستاهلي التقييم غناتي

[همس جنوبي]

السلام عليكم و رحمة اللّه و بركاته

ما شاء الله تبارك الرحمن

اول شي مبارك عليج الشهر الغلا

موضوعج صراحه متعوب عليه بشكل ملحوظ
والفكره وايد خطيره ويديده وفعلا تفيد في الازمات

الصراحه موضوعج هذا خطير غناتي
ربي يسلم اناملج على طرحه
ما قصرتي ابد
ومجموعتج حلوه وتجنن ربي يحفظج

تستاهلين التميز عن جداره

للأسف ما قدرت اقيمج

انا وحده من اللي ما بيقدرون يطبقون هالفكره هههههههههههه

براقة

مبارك علينا و عليك إن شاء اللّه

و فعلاً الفكرة تفيد في الأزمات
و اللّه يسلمك دنيا و آخرة إن شاء اللّه

عارفة إنك ما تقدرين تطبيقين الفكرة كنتِ في بالي أقول لو براقة تسوي فكرتي اللّه يساعدها :confused:

و مرورك أكبر من أي تقييم
شكراً على مرورك بموضوعي F: و شكراً على التميز :o