بسافر برووووووحي وخايفه

[غـــايه]

السلام عليكم ورحمة الله وبركاته

أخواتي .. انا باجر الاربعاء بسافر .. ولأول مره بروحي من أمريكا إلى الامارات معاي طفلتين .. الله يعين ..

اللي خايفه منه لما اوصل لندن يقولولي الطياره تكنسلت .. ما اتخيل هالموقف يصير .. كيف بتصرف مع اليهال ...

ادعولييييي بالتوفيق .. لأني والله خايفه خصوصا ما عندي لغه .. بس اعرف شوي انجليزي .. لا تنسونا من صالح الدعاء :confused: بس انا بتابعكم من الامارات ..

[new l00k]

تروحين وترجعين بالسلامه والله يحفظك ويأمن روعك ويحفظلك اطفالك
توكلي على الله اختي ..واقرى آية الكرسي والمعوذات والاذكار وانشاالله الله بيسهل واذكري هذا الدعاء((اللهم استر عورتي وآمن روعتي ..واحفظني من بين يدي ومن خلفي وعن يميني وعن شمال واعوذ بعظمتك من اغتال من تحتي)) والله يوفقك حبوبه:smile:

[روز الكويت]

لا تخافين اختى ولا شى

انا مالقيت مقعد من لندن الى نيويورك وقعدت 3 ايام فى لندن

ابروحى مافيها شى وناسه وبارده وحلوه وكلها عرب الحين

حتى الفندق اذا ماتعرفين انجليزى يجيبون لك مترجم بس

المهم اتلاقين حجز


وليش هذا كله يمكن الرحله ماتتكنسل وترجعين بالسلامه

يارب انتى وعيالك انشاء الله

[غرنوجة]

قوي قلبج

مايقبها الا ستتها

[غرٌِابه]

لا تخافين افا عليج

معاج اقوى شي

معاج رب العالمين

احد يخاف ومعاه رب العالمين !!!

اويلاه عليج بس

بس اهم شي ان شلون اقنعتي امج وابوج انج ترجعين بدون محرم وبروحج 2 :clap:


على الله موفقه وانتي طبعا لا تحاولين تكونين متوتره عشان هالتوتر ما يوصل حق عيالج

وبالتالي تزيد المشكله

اهم شي استهدي بالله ومن الالفضل ان يكون معاك دفتر تلفونات المهمه لزوجك واهلك او اذا تعرفون احد في لندن

وانشاء الله فتره وتعدي وبعدها ما تسافرين وتروحين الا بروحج :cool2:




يالله بس لا تنسين الاذكار اهم شي وحاولي ان عيالج يرددون معاج الاذكار اذا يفهمون


واقري عليهم وعليج المعوذات وبالسلامه والسهاله من رب العالمين

[ميسووووووون]

ترجعين بالسلامه حبوبه والله معاج ...

ولاتخافين ولاتحاتين

الله يحفظج ..

[التمساحه]

اللة يوفقج يارب اتسيرين وترجعين بالسلامة


وبشرينا اول ما توصلين

اللة يحفظج يارب قوووووووووولوا امين

[آساهي]

آمين يارب ..

توصلي بالسلامه اختي ..وما تشوفين شر ..


واعملي بنصائح الأخوات .. الأحتياطيه ..

[البررريئه]

ا
نشاء الله توصلين البلاد بالسلامة والله وياج يا حظج يا ليت ارد البلاد في الكريسمس عادي عندي لو نقعوني المهم ارد وشم ريحة الامارات
:cry: :cry: :cry: :cry: :cry: :cry: :cry:

[عسووووله]

ترجعين بالسلامه حبيبتي والله وياااااااااااااااااااااج:s mile:

[مرموم]

إن شاء الله تروحي و ترجعي بالسلامة أختي غاية...


خللي بالك من نفسك و من عيالك و دايما تأكدي إنهم حواليكي...


خللي معاكي أهم أرقام التليفونات للإحتياط...


و إن شاء الله توصلي بالسلامة ...و طمنينا عليكي...



تحياتي...

[عبير الشوق]

انتي هدي بالج و توكلي على رب العالمين و ان شاء الله ماكو الا العافيه

[amaladel]

ربنا يوفقك و يحفظك و ترجعيلنا بالسلامة إن شاء الله و اذكري الله كثيرا في سفرك "ألا بذكر الله تطمئن القلوب"

[المميز]

الله يحفظج انشاء الله
بس عليج بالدعاء في الطيارة
لان الدعاء في السفر مستجاب بإذنه تعالى

[tayma]

تروحين وترجعين بالسلامة ... والله ان شاء الله يسهل عليج السفرة

وماتحسين بهاا .....:smile: