مذهوله وضايعه

[أنين الجراح]

خواتي ارجوكم انا فعلا مصدومه ومذهوله وضايعه وما ادري هل هذا عقاب او بلاء
حزينه جدا جدا جدا وابي مساعده
انا حاليا عمري 38 سنه ومريت بمشاكل فضيعه مع زوجي من خيانه وعذاب وقصتي موجوده في هذا المنتدى
في حملتي الثالثه جاتني جلطه رئويه وعدت بسلام
وحملت في ولدي الرابع
وحملت في بنتي الخامسه وكنت ناويه فعلا انزلها ماكنت ابي احمل
ولكن قدر الله وماشاء فعل مع ان ولادتي كانت صعبه بسبب السكر
وكان صعب ايسون لي قيصريه خوفا من التجلط
المصيبه اني ما اقدر اخذ احبوب منع الحمل
والحين عمر بنتي 3 سنوات وانا وزوجي حذرين جدا جدا
من اسبوع جاني الم اسفل البطن حللت لي الدكتوره الا والصدمه انا حامل
بكيت عن سنه قدام كيف انا جايتني الدوره اشلون حمل
وشافت في التلفزيون قالت ست اسابيع والله ادموعي انزلت انا ماابي احمل
الحمل خطر على صحتي عندي زيادة وزن وكبيره في السن وعندي سكر ويمكن ضغط
وجلطه سابقه موضوعي معقد ابيه ينزل
ابيه ينزل ساعدوني ماابي هذا الحمل ماابيه شاسوي0000000

[cute soul]

و الله ما اعرف شو اقولك بس الله يهديكي كان سويت موانع حمل غير الحبوب
الله يفرجها عليك

[alaa's mom]

انا معاج ان الموضوع خطر على صحتج

بس بعد هذي روح ماتقدرين تذبحينها

مالج غير الدعاء ان ربي يسهل عليج الحمل والولادهـ ومايأثر بصحتج

[أنين الجراح]

صح ان هذي روح بس انا حياتي في خطر لازم ينزل بس ماعارفه كيف بروح المستشفي بس ماابي ايقولون لا ولا راح انهار اكيد ما ابي احمل ورغم كل احتيطاتي صار اشلون الله اعلم

[shkshk]

توكلي على الله يالغاليه........

وإنشاءالله ماراح يصيبج مكروه والله يبشرج بكل خير.......

[Aseel 82]

انا معاج ان الموضوع خطر على صحتج

بس بعد هذي روح ماتقدرين تذبحينها

مالج غير الدعاء ان ربي يسهل عليج الحمل والولادهـ ومايأثر بصحتج

[بحرينية_حلوة]

انزين اختي ليش ما كنتي تاخذين حبوب .. ؟!!!

و دامج توج فالبداية روحي بسرعه المستشفى و اهمه بيحددون اذا ينزلونه او لا اذا جافو ان في خطر على حياتج .. و اذا صا رما صار .. سوي عملية ربط .. !!! عشان تكونين مرتاحة

[Dior Me]

الله يصلحك ياشيخة ترى انتي مررررررة مكبرة الموضوع
انتي ناسية ان لك رب اسمه الرحمن الرحيم؟؟؟
كيف تشيلي هم وربك فوقك ارحم بك من امك اللي مافي احد في الدنيا يحبك قدها ؟؟؟
استهدي بالله وقولي اللهم اني تبرأت من حولي وقوتي والتجأت الى حولك وقوتك يا ذا القوة المتين
كرريها كثير بيقين تام تام تاااااااام ان الله اعلم بحالك وهو الوحيد اللي بيريح قلبك ويحل هذي المشكلة من عنده سبحانه وتعالى ..
صدقيني نفسك بتهدأ وبترتاااحي وانتي من داخلك عندك هذا اليقين ..

اول شي ابغاكي تشيلي من بالك انك كبيرة في السن
انتي لسه شابة و بتقدري تقاومي كل تعبك وبتكوني بكرة احسن واحسن ان شاء الله
ثاني شي .. الامراض اللي عندك كلها محتاجة متابعة مع دكتورك عشان تكون تحت السيطرة وماتسبب لك مشاكل وقلق ..
سؤالي لك هنا .. انتي كنتي تتابعي مع الدكتور بانتظام والا لا ؟؟
لو تتابعي ماله داعي هذا القلق ..
اطلعي دكتورك على وضعك وهو بيقدم لك النصيحة المناسبة ..
حملك في اوله لسه مانفخت في الجنين الروح ..
وحسب معلوماتي الروح تنفخ بعد 120 يوم من الحمل..يعني بعد 4 اشهر ...
واتأكدي من شيخ مفتي يعطيكي الفتوى الصح لاتاخذي على كلامي
اللي اعرفه ان اسقاط الحمل مايجوز حتى لو قبل نفخ الروح اذا كل شي طبيعي ومامنه ضرر
بس يجوز اذا كان في سبب .. وانتي اتوقع حالتك فيها نظر ..
لازم تسألي اكثر من شيخ وتاخذي الرد منهم
اذا اخذتي فتوى بالجواز من اكثر من شيخ نظرا لحالتك الصحية ..
صلي استخارة وفوضي أمرك لله .. وشوفي دكتورك وبلغيه بقرارك
ممكن يعطيكي ادوية تسقطه من غير عمليات ولا شي
بس خلصي بأسرع وقت لاتتأخري ..
اسألي الشيوخ و على طول روحي للدكتور وان شاء الله خير ..

انتبهي تاخذي وصفات وخرابيط .. انتي حالتك ماتسمح بالتجارب
دكتورك بيعالج الموضوع من غير مايضرك بما انه يعرف وضعك تمام وبيوصف لك الادوية المناسبة ..

ربي يسهل امرك ويكتب لك اللي فيه الخير

[فارفـلا]

مااعرف شنو اقول دام عمرالحمل اسابيع يعني شهرين يعني الروح دبدت فية كانج تقتلين رحمة الله

والطب مهما تطور وقدر خطورة الامراض والصحة ابدا الاعمار مب في يديهم لكل اجل كتاب


انا الدكاترة مانعيني احمل بالثاني خوفا ياثر على الدماغ والحمدلله كتب لي الحمل يالثاني

وهذا بكامل قواي

وهذولا مايجون للشقا هذولا بسمة عمرج هذولا بيعوضوونج عمرج اللي عشتية مع ريلج مب في راحة وبعدين اختي بعد هالجملة باذن الله

ركبي لولب او اي مانع ثاني الموانع وايد


صدديقتي ولادوهااا بالثامن لان كانوا خايفيين على الجنيين كان وضعة خطر ونسبة انة يعيش ضعيقة سبحان الله الله صديقتي اللي توفت ولولد اللي عاش محد كان مصدق انة بيعيش


احكم الله فيالحياة الله يخلييج ويشفييج يارب

ويهون علييج

[فارفـلا]

واذا عندج جلطة اكلي اشبرين في الحمل

[.. أمــ عــلــيــ ..]

لا حول ولا قوة الا بالله

الله يسهـّـل امورك ويصبرك ويقومك بالسلامة

والله ما ادري وش أقولك وأنصحك بالضبط .. !!!

انتي اسألي شيخ ثقة وشوفي ايش يقولك وسوّي بالضبط اللي ينصحك فيه

وان شاءالله ما عليك الا العافية .. حبيبتي .. الأعمار بيد رب العالمين .. يا ما سمعنا قصص ناس ما نتوقع انهم يعيشون وشوفيهم الحين هم اللي عايشين واللي مافيهم شي هم اللي يموتون ...!!!!



~

[سكّرنبات]

فوضي امرك الى الله..يمكن هالّي ماتبينه يكون احسن واحن ابنائج عليج لاتخافين
ان شاالله مافيه الاّالخير..بس انتي راجعي بستمرار..
وبعد الولاده ربطي او حطي لولب.. اعتقدلظروره جائز أسألي

[أنين الجراح]

خواتي انا ماابي هذا الحمل وان شاء الله ينزل ومايعقدون الأمور اعيالي ماعندهم حد غيري انا المسؤله عنهم يعني 5 اطفال افضل من الأخير بس ماعارفه ايش الحل ابيه ينزل انا في ماساة حقيقيه

[أنين الجراح]

120 قروا موضوعي وبخلوا علي في الرد ترى مساعدة الأنسان حتى لوبالرد صدقه من القلب
نفسيتي خلاص متدمره

[Rabea3 al-ward]

حبيبتي مافي شي مابي الياهل
الام تفدى بروحها عشان ضناها
ومافيها شي لو فديتي عمرج عشانه بس ماتتآثمين وتموتين وانتي شايله اثم كبر الجبل
وتتعاقبين مثل عقاب الي يقتل واحد عمره 20 سنه
صدقيني لو قلتي الحمدلله رب العالمين والي ربي كاتبه بصير جان كل خير بيتقدم لج وكل شر بيتأخر لج
انتي شلون تبين ربج يساعدج وانتي جذي تقتليين روووح
حسبي الله ونعم الوكيييل
للأسف لحد احين وايد في اكثريه مو قاعده تحس ان الي في بطن الام روووح وان حاله حال اي واحد موجود على الدنيا
لو قالوا لج ماتعيشين الا اذا مات واحد من اطفالج بسمه عليييهم
شرط بتقولييين اخذوا روحي وعطوه اياه بس مايموت
هذا الي في بطنج مثل الي على الدنياااااا
اوتعي عيني وخلج من الصدمه الي بتوديج في داهيه
ولو المستشفى يحسوون ان وضعج كلللللللللش حرج جان نزلوووه من زماان ماينتضرونج

ام رفيجتي حملت برفيجتي واختها ومنعوها المستشفى ان تحمل عشان فيها السكلر
وقدر الله وحملت
ماقالت لا مابيه بمووت خل ينزل
بالعكس تحملت بنفسها لين وقت ولادتها ربها اختارها وصارت شهيييده
ومافي احلى من هالمرتبه عند الله والكل يفتخر فيها

كلامي قوي ويمكن ماينقال بس لازم تعرفييين ان الي بتسوينه غلط
استغفري ربج وقابليه وادعي وتوسلي وصدقيني مابصير فيج شي
واصلا لو استمريتي على هالكلام شلون بتقابلين رب العباااااد
اعووذ بالله